Juan 18:4 - New Testament Psalms and Proverbs in Mixtec Magdalena Peñasco

⁴ Kovaa Jesús ma, jâ jini ya ndaka nde a ko kuu ja ndo'o ya ma, te ni kee ya, te ni jikan‑tnu'u ya: ―‍¿Na in ka ndanduku ni? ―‍kúu ya jiña'a ya.

Juan 18:4 Iomraidhean Croise

Salmos 27:3

Kovaa saña, visi ni ka ndakonduu ña'a soldado ma ja jin ka'ni ña'a de, kovaa masu koyu'u ini anua sa a. Te visi ndaka ñayii ñuu ma, jin ndokuiñi i ja jin kanaa i ji'in sa, kovaa saña chi kukanu ini sa Su'si ma ja maa ya chindee ña'a.

Salmos 3:6

Masu koyu'u sa, visi uxi mil soldado ni ka ndakonduu ña'a nuu iyo sa ma ja jin ka'ni ña'a de ma, vaa saña chi kúkanu ini sa ya, te kuña'a sa ya sa'a:

Proverbios 28:1

Ñayii sa'a ja u'vi ma chi yu'u xen‑xeen i te jinu i kua'an i, vaa jani ini i ja ndimaa ka iyo ñayii ka sondikin ña'a, kovaa ñayii sa'a ja va'a ja ndaa ma masu nawa yu'u i, sukan kúu ndika'a ma sukan kúu i, vaa kúkanu ini i ja masu na in kundee nuu i.

Mateo 16:21

Te onde kivi yukan, te Jesús ma, ni keja'a ya káxtnu'u ya nuu tee ka ndikin ya ma ja jiniñu'u ja ki'in ya ñuu Jerusalén ma, te jin xndo'o jin xneni ña'a tee ka ndanuu ma, ji'in tee ka tatnuni nuu sutu ma, ji'in tee ka skua'a tnu'u ni kaxtnu'u Moisés ma. Te sa'a jiña'a ya nuu tee ka ndikin ya ma: ―‍Jin ka'ni ña'a de, kovaa nuu uni kivi ma, te ndateku sa ―‍kúu ya jiña'a ya.

Mateo 26:2

―‍Jâ ka jini ni ja uu‑nka kivi kúni, te ko kuu Viko Pascua ma, te jin ndaxsia'a ña'a i saña ja kúu sa iya vee ñayivi ñuu ñayivi a nuu nda'a tee jin skuita kaa ña'a nuu krusi ma ―‍kúu ya jiña'a ya.

Mateo 26:21

Nani ka kuxini de ji'in ya ma, te Jesús ma, jiña'a ya: ―‍Ja ndaa ká'an sa ja in ni ke'en‑su'va ña'a ―‍kúu ya jiña'a ya.

Mateo 26:31

Sani te Jesús ma, jiña'a ya: ―‍Jakuaa vitna, te ndaka ndijin chi ma jin kukanu ini‑ka ña'a ni, te jin xndoo ña'a ni, vaa sukan ká'an tutu ndee tnu'u Su'si ma: “Ka'ni sa tee jito ndikachi ma, te ndaka ndikachi ma, jin kuitenuu ti.”

Lucas 24:44

Sani te jiña'a ya: ―‍Cha'a ka kuu tnu'u ni kaxtnu'u sa nuu ni ma, nuu ni ka yo iyo o ma, ja jiniñu'u ja ko kuu ndaka sukan ká'an tnu'u ni tatnuni Su'si ma ja ni kaxtnu'u Moisés ma ja kuu sa ma, ji'in sukan ndee nuu tutu tee ni ka yo ndakaxtnu'u tnu'u ni yo wa'a Su'si ma, ji'in sukan ndee nuu tutu salmo ma ―‍kúu ya jiña'a ya.

Juan 13:1

Kivi iku ma sana ko koo Viko Pascua ma, Jesús ma, jâ jini ya ja ni kenda ora ja xndoo ya ñuu ñayivi a te no'o ya nuu iyo Yuva ya ma. Ndimaa ni yo kutoo ya ndaka ñayii ni iyo ji'in ya ñuu ñayivi a, te sukan ni kutoo xeen ya i onde ni ji'i ya ma.

Juan 13:11

Ni ka'an ya: “Masu ndaka ni ka iyo ndoo”, chi vaa jâ jini ya na in ke'en su'va ña'a ma.

Juan 18:5

Te ni ka ndakone'e de: ―‍Tee kúu Jesús ñuu Nazaret ma ―‍ka kuu de ka jiña'a de. Jesús ma, jiña'a ya: ―‍Saña kúu ―‍kúu ya jiña'a ya. Te Judas tee yikuu ke'en‑su'va ña'a ma, suni ni iyo de yukan ne'un ñayii ma.

Juan 18:7

Jesús ma, ni ndakan‑tnu'u tuku ña'a ya: ―‍¿Na in ka ndanduku ni? ―‍kúu ya jiña'a ya. Te ni ka ndakone'e tuku de: ―‍Tee kúu Jesús ñuu Nazaret ma ―‍ka kuu de ka jiña'a de.

Juan 19:28

Ja ni jinu sukan ma, vaa Jesús ma chi jâ jini ya ja ni ndi'i ndaka ja iyo ja ndo'o neni ya ma, te jiña'a ya: ―‍Yíchi sa. Sukan jiña'a ya, sukan‑va'a na ko kuu sukan ká'an tnu'u ndee nuu tutu Su'si ma.

Juan 6:64

Kovaa ka iyo nde ni ja ñatuu ka kandija ni ―‍kúu ya jiña'a ya. Vaa Jesús ma, jâ jini ya onde xinañu'u ma nde in ka kuu ja ñatuu ka kandija i ya ma, ji'in nde‑in kúu ja ke'en‑su'va i ya ma.

Hechos 2:28

Vaa maa ni ni kaxtnu'u ichi va'a ja sa'a ja koteku sa a, te maa ni ni sa'a ja koo sii ini xen‑xeen sa, vaa iyo ni ji'in sa a, kúu de ká'an de.

1 Pedro 4:1

Jâ ka jini o ja Cristo ma, in‑ni ja ni jani ini ya, visi ni ndo'o ni neni ya nuu ni iyo ya ñuu ñayivi ya, te sukan, te ni kundee ya nuu ja u'vi ni ka yo sa'a o ma. Suni sukan jín kani ini o te jín kanda o nú ka ndo'o ka neni o ma, vaa sukan, te jin kundee o nuu ja u'vi ma,