Juan 13:27 - New Testament Psalms and Proverbs in Mixtec Magdalena Peñasco

²⁷ Ja ni tnii Judas ma xtatila ma, te ni kivi tachi ma ini anua de ma. Te Jesús ma, jiña'a ya: ―‍Tna'a ja sa'a ni ma, sa'a yachi‑ni ni ―‍kúu ya jiña'a ya.

Juan 13:27 Iomraidhean Croise

Salmos 109:6

Sa'a ni ja ñayii sa'a ña'a ja u'vi ma, te ndándo'o ndáneni maa i nuu in‑ka ñayii sa'a ja u'vi ma, te tachi suchi ndimaa xtekuechi ña'a ma, na koo xiñi kua'a i ma,

Proverbios 1:16

vaa ichi kuan koo i ma masu ichi va'a kúu, vaa ka jinu i kuan koo i ichi nuu kuu jin ka'ni i ñayii ma te jin sa'a i ja u'vi ma. Chukan kúu ja, ¡máko kandija ro ja ka ka'an i ma!

Mateo 12:45

Sani te tachi ma, ki'in i jin nu xtutu i uja‑ka tachi ka'vi‑ka ka sa'a i sana maa i ma, te jin ndivi koo tutu ndaka i ja jin koo i ini anua ñayii yukan, te su'va ka'vi‑ka nduu ñayii yukan sana sukan ni yo kuu i onde xinañu'u ma. Te sukan jin ndo'o ñayii tiempu ya'a, vaa ndimaa ja u'vi ka kuni i ja jin sa'a i, te vitna ja jâ ni ka jini i ja ndaa ma ―‍kúu ya jiña'a ya.

Mateo 4:10

Kovaa Jesús ma, ni ndonda ya nuu tachi ma, te sa'a jiña'a ya: ―‍Kuán ndiyo ki'in ro nuu iyo ri a, vaa tnu'u Su'si a ká'an: “Maa in‑ni Su'si Iya Tátnuni ma kúu iya ndachiñu'u ro, te nuu maa in‑ni ya kunukuechi ro” ―‍kúu ya jiña'a ya.

Marcos 6:25

Te suchi si'i ma, jinu i ni ndivi i nuu iyo rey ma, te jiña'a i: ―‍Kúni sa vitnañu'ni ja taa ni xini Juan tee skuandute ñayii ma in nuu ko'o ―‍kúu i jiña'a i.

Lucas 22:3

Sani te ni kivi tachi ma ini anua Judas tee ni ka yo xnani i Iscariote ma. Te tee ya'a chi in tee ndi‑uxi uu tee ka ndikin ya ma kúu de.

Juan 13:2

Te tachi ma, jâ ni chunee i ini anua Judas Iscariote ma sa'ya Simón ma sukan ke'en‑su'va de Jesús ma.

Juan 13:28

Kovaa tee ka nukoo ka kuxini de nuu mesa ma, ni‑in de ñatuu ni jaku'ni ini nava'a ni ka'an ya sukan ma,

Juan 6:70

Jesús ma, ni ndakone'e ya: ―‍Maa sa ni ndakaji ndi‑uxi uu ni a, kovaa in ni chi tachi ma kúu ni ―‍kúu ya jiña'a ya.

Hechos 5:3

Kovaa Pedro ma, jiña'a de: ―‍Ananías, ¿nava'a ni wa'a ni tnu'u ja ni kivi tachi ma ini anua ni a te xnda'vi ni Xtumani Ndios ma kúni ni, ja ni ndachu'u ni jaku xu'un ni ka chuya'vi ña'a i ja ñu'ú ni ma?