Juan 12:3 - New Testament Psalms and Proverbs in Mixtec Magdalena Peñasco

³ María ma, yinda'a ña in botella te ya'a‑ka in marrazu ndute jáxiko asi nani‑maa ita nardo ja ndee ya'vi xeen ma, te ni chi'i ña ja'a Jesús ma. Sani te ni ndaxsichi ña ji'in ixi ña ma. Te ni‑ka'nu ve'e ma ni chitu xiko asi ma.

Juan 12:3 Iomraidhean Croise

Salmos 132:2

Ndaka'án ni sukan ni skuiso David ma nuu maa ni ma, vi Su'si Iya Tátnuni. Ndaka'án ni sukan ni ka'an, ni kachi de ja ko sa'a ko kuu de nuu maa ni ma, ja kúu ni Su'si iya kúu sa'a ndaka, iya ni yo kukanu ini Jacob ma, vaa sa'a ni ka'an de ma:

Proverbios 27:16

te tee kúni ja sunkani de ña ja máko ko kuu‑ka ña sukan ma chi sukan kúu in tee ja kúni de ja sunkani de ja máko ki'i‑ka tachi ma, xi sukan kúu tee kúni ja sunkani de ji'in nda'a de ma aceite jika ma, sukan kúu de.

Lucas 10:42

Kovaa María a, ja jatanuu ña ja ká'an sa a chi ja va'a‑ka kúu, vaa ni kaji ña ja kanuu xeen‑ka ma, te ñatuu na in xtandiyo nuu ña ―‍kúu ya jiña'a ya.

Lucas 7:46

Ñatuu ni chiso ni aceite xini sa a, kovaa ña'a ya'a chi ni chiso ña ndute jáxiko asi a siki ja'a sa a.

Juan 11:2

Te María ma kúu ña'a ni chi'i ndute jaxiko asi ja'a Iya Tátnuni ma kivi ve kuyatni Viko Pascua ma, te ni ndaxsichi ña ji'in ixi ña ma.

Juan 11:28

Nuu ni jinu ni ka'an Marta ma sukan, ni kana ña ku'u ña María ma, te yuyu'u‑ni ni jiña'a ña: ―‍Teskua'a ma, iyo ya ya'a, te kána ña'a ya ―‍kúu ña jiña'a ña.

Juan 11:32

Nuu ni kenda María ma nuu iyo Jesús ma, te ni jinkoo jiti ña nuu ja'a ya ma, te jiña'a ña: ―‍Señor, nute ni iyo ni ya'a chi masu kûu ku'va sa ma ―‍kúu ña jiña'a ña.

Juan 19:39

Suni Nicodemo ma, tee ni ja'an in jakuaa ni ndatnu'u de ji'in Jesús ma, yinda'a de kua'a xeen ja jáxiko asi sakanuu ji'in mirra ji'in áloe.