Apocalipsis 7:12 - New Testament Psalms and Proverbs in Mixtec Magdalena Peñasco

¹² Te ka ka'an i: Sukan kó kuu. Ja vii ja va'a ma, ji'in jayiñu'u ma, ji'in tnu'u ndichi ma, ji'in ndaka ja ka ndakuan‑ta'vi i nuu ya ma, ji'in tnu'u ndee tnu'u ndatnu ma, na koo nuu Su'si a ni‑kani ni‑jika. Te sukan kó kuu, ka kuu i ka ka'an i.

Apocalipsis 7:12 Iomraidhean Croise

Salmos 100:4

Te jín kivi koo o ye'e veñu'u nuu iyo ya ma, te jín kata o nuu ya, te jín ndachiñu'u o ya, te jín ndaka'an jín ndakachi o ndaka ja vii ja va'a sa'a ya ma. Te sukan jín ndakuan‑ta'vi o nuu ya ndaka ja va'a táa ya ma.

Salmos 106:48

Su'si iya tátnuni ñuu Israel a, iya va'a iya vii ini kúu ya. Ni‑kani ni‑jika iyo jayiñu'u ya, te ndaka o ja ka kuu o ñuu maa ya a, jín ketna'a ini o, te sukan jín ndachiñu'u o ya. ¡Jayiñu'u kóo nuu maa Iya Tátnuni ma!

Salmos 107:22

Te tna'a ja jin ndakuan‑ta'vi i nuu Su'si ma ko kuu yaa ja ká'an sukan sa'a sukan kúu ya ma, te jín kaxtnu'u sii ini i nuu ñayii ma sukan sa'a ya ma.

Salmos 116:17

Te chukan kúu ja kata sa nuu ni, te ndataa sa jayiñu'u, te ndakune'e ña'a sa, ja kúu ni Su'si Iya Tátnuni.

Salmos 147:7

Jin ndachiñu'u ni Su'si o Iya Tátnuni a. Jin tee ni arpa ma, te jin kata ni nuu Su'si o a.

Salmos 41:13

Ja vii ja va'a kúu Su'si iya tátnuni ñuu Israel ma, te sukan jín ka'an o ni‑kani ni‑jika. Te sukan kó kuu.

Salmos 50:14

Su'va ja jin ndataa ni nuu sa ma kúu ja jin ndaka'an jin ndakachi ni sukan sa'a sukan kúu sa ma, te jin ndachiñu'u ña'a ni ja kúu sa Su'si iya iyo onde sukun ma, te jin sa'a ni sukan ni ka skuiso ni ja jin sa'a ni nuu sa ma.

Salmos 72:19

Te ni‑kani ni‑jika na koo jayiñu'u ya ni‑ka'nu ñuu ñayivi ya, vaa ja vii ja va'a kúu ja sa'a ya ma, te na jin ndachiñu'u i ya. Te sukan kó kuu, te sukan kó kuu.

Salmos 89:52

Na koo jayiñu'u Iya Tátnuni ma ni‑kani ni‑jika, te sukan kó kuu.

Salmos 95:2

Jín kivi koo o nuu iyo ya ma, te jín kata o nuu ya, te jín ndakua'a o jayiñu'u ya.

Mateo 6:13

Te máko kua'a ni tnu'u ja ska'an ña'a tachi ma ja jin sa'a sa ja u'vi ma, su'va chindee ña'a ni ja na jin kaku sa nuu ja u'vi ma. Vaa maa ni kúu iya tátnuni, te maa ni iyo tnu'u ndee tnu'u ndatnu ji'in jayiñu'u ni‑kani ni‑jika. Te sukan kó kuu.

Romanos 11:36

Vaa maa ya ni jani ini, te maa ya ni sa'a, te kuenda maa ya kúu ndaka ja iyo a. Te nuu maa ya kóo jayiñu'u ni‑kani ni‑jika. Te sukan kó kuu.

1 Corintios 14:16

Vaa nú ndáchiñu'u ni Su'si ma ji'in ini anua ni ma, te nú iyo in ñayii ñatuu jaku'ni‑ka ini tnu'u Su'si o a, te ja ndákuan‑ta'vi ni nuu Su'si ma, masu kuu ndaskuiso i te ka'an i ja sukan ko kuu ja ni ka'an ni ma. Vaa ñatuu jáku'ni ini i nawa ni ka'an ni ma.

2 Corintios 4:15

Vaa ndaka cha'a ka ndo'o ka neni sa, vaa kuechi ja ka kutoo ña'a sa. Sa'a ka sa'a sa, sukan‑va'a kua'a xeen‑ka ni jin ndani'i ja vii ja va'a ja skuta'vi ña'a Su'si ma, sukan‑va'a kukua'a‑ka o ja jin ndakuan‑ta'vi o nuu Su'si ma, te kukua'a‑ka jayiñu'u nuu ya ma.

Colosenses 2:7

Jin ku'un ini ni ja jin ni'i yo'o va'a ni nuu tnu'u maa ya a, te jin konukuiñi vava'a ni nuu maa ya a, te jin kukanu ini vava'a ni ya, sukan ni ka kutu'va ni ma. Te ndimaa jin ndakuan‑ta'vi ni nuu ya.

Colosenses 3:17

Te ndaka ja jin sa'a ni ma, xi nde a jin ka'an ni ma, te jin ndakune'e ni ja maa Jesús iya tátnuni nuu o a, te jin sa'a ni. Te ja maa ya, te jin ndakuan‑ta'vi ni nuu Yuva o Su'si ma.

Judas 1:25

Vaa maa in‑ni ya kúu Su'si, te maa in‑ni ya neva'a tnu'u ndichi. Te maa ya ni skaku ña'a nuu ja u'vi ma. Te ja maa Jesucristo iya tátnuni nuu o a, te kóo jayiñu'u nuu maa Su'si ma, vaa iyo tnu'u ndee tnu'u ndatnu ya ma, te maa ya tátnuni nuu ndaka o onde xinañu'u ma te onde vitna a, te maa ya tatnuni ni‑kani ni‑jika. Te sukan kó kuu.

Apocalipsis 1:18

te maa sa kúu iya téku ma. Te maa sa, ni ka ja'ni ña'a ñayii ma, te ni ndateku sa ja koteku sa ni‑kani ni‑jika, te yinda'a sa ndakaa andeya ma.

Apocalipsis 19:4

Te ndi‑oko kuun tee nija'nu ma ji'in kuun kiti ka teku ma, ni ka jinkoo jiti de ji'in ti, te ni ka jakindeyi de ji'in ti onde nuu ñu'ú ma, te ndaka de ji'in ti ma ni ka ndachiñu'u Su'si ma nuu núkoo ya ja tátnuni ya ma, te ka ka'an de ji'in ti: ―‍¡Sukan kó kuu! ¡Aleluya! ―‍ka kuu de ka ka'an de ji'in ti.