Apocalipsis 7:10 - New Testament Psalms and Proverbs in Mixtec Magdalena Peñasco

¹⁰ Te ka kayu'u i ka ka'an i: Maa Su'si iya núkoo nuu tátnuni ya a ji'in Jesús iya kúu sukan kúu ndikachi jaa ma ni ka sa'a ja ni ka ndani'i ta'vi o a, ‍ka kuu i ka ka'an i.

Apocalipsis 7:10 Iomraidhean Croise

Salmos 115:1

Masu nuu saña jin koo jayiñu'u ma, vi Su'si. Masu nuu saña, su'va nuu maa ni na koo jayiñu'u ni ma ja sukan kútoo ña'a ni a, ji'in sukan ká'an ndaa ni ma.

Salmos 3:8

Iya Tátnuni, maa ni kúu iya sa'a ja jin kaku ñayii ñuu ni a nuu ja u'vi ma. Te maa ni kua'a ja vii ja va'a ja jin kuta'vi i, vi Su'si.”

Salmos 37:39

Kovaa ñayii ka sa'a ja vii ja va'a ma chi maa Iya Tátnuni ma sa'a ja jin kaku i nuu ja u'vi ma, te nuu maa ya ma, kúu nuu kuu jin chu'u i kivi kenda tnundo'o tnuneni ma.

Lucas 3:6

te ndaka ñayii ñuu ñayivi a jin kuni naxe sa'a Su'si ma ja jin kaku i ma.”

Juan 1:29

Kivi xtnee ma Juan ma, ni jini de Jesús ma, ja kuan tu'va ya de, te jiña'a de: ―‍¡Jin konde'ya ni! Ya'a iyo iya kúu Ndikachi Jaa nuu Su'si ma, vaa suu ya xtandiyo kuechi ñayii ñuu ñayivi a.

Juan 1:36

Nuu ni jini de ja ni ya'a Jesús ma, Juan ma, jiña'a de: ―‍¡Jin konde'ya ni! Iya ya'a kúu Ndikachi Jaa nuu Su'si ma ―‍kúu de jiña'a de.

Juan 4:22

Ndijin, masu ka jini ni na in ka chiñu'u ni, kovaa saña chi ka jini sa na in ka chiñu'u sa, vaa ne'un ñayii judío ma kenda iya sa'a ja jin ndani'i ta'vi ñayii ma.

Efesios 2:8

Vaa kuechi ja nda'vi ini Su'si ma, te ni skuta'vi ña'a ya ja vii ja va'a ma, te ni ka ndani'i ta'vi o a, vaa ni ka kandija o ya ma. Te cha'a chi masu in ja ni ka sa'a maa o ma te ni ka ni'i o kúu, chi ña'a. Vaa in ja vii ja va'a ni skuta'vi ña'a maa Su'si ma kúu.

Apocalipsis 12:10

Sani te ni jiniso'o sa in ja ká'an nini'i onde andivi ma: ―‍Vitna jâ ni kenda tnu'u ndee tnu'u ndatnu Su'si ma ja kuu jin ndani'i ta'vi ñayii ma, te jâ ni kenda kivi tatnuni Su'si o a ji'in ja tatnuni Cristo iya ni tetniñu Su'si ma, vaa jâ ni xtandiyo ya tachi ma suchi nduu ñuu ni yo xtekuechi ña'a i nuu Su'si ma ndaka o ja ni ka nduu o sa'ya ya ma.

Apocalipsis 19:1

Sani te ni jinu, te ni jiniso'o sa ja ka kuu yu'u kua'a xeen ñayii onde andivi ma, te ka ka'an i: ¡Aleluya! Su'si o Iya Tátnuni ma kúu iya ni sa'a ja ni ka ndani'i ta'vi o a, te jín ndachiñu'u o ya, vaa maa ya neva'a tnu'u ndee tnu'u ndatnu ma.

Apocalipsis 21:5

Te núkoo ya nuu tátnuni ya ma, te ká'an ya: ―‍Vitna, te ndásajaa sa ndaka ja iyo a ―‍kúu ya ká'an ya. Te suni ká'an ya: ―‍Tee ni tnu'u ya'a chi tnu'u ndaa tnu'u ndija kúu ―‍kúu ya ká'an ya.

Apocalipsis 22:3

Te masu na ja u'vi‑ka koo ini ñuu ma, vaa yukan núkoo maa Su'si ma ja tátnuni ya ma ji'in iya kúu sukan kúu ndikachi jaa ma, te ñayii ka jinukuechi nuu ya ma, jin ndachiñu'u i ya.

Apocalipsis 4:6

Te ichi nuu nde'ya ya ja núkoo ya ma iyo in sukan kaa nuu ñu'u ndute mar ma, te ndii ni'ni i sukan kaa vidriu ma, te yatni nuu núkoo ya ma ni ka ndakonduu ña'a kuun kiti ka teku, te ichi nuu ti ma ichi yata ti ma ka ndenee nduchinuu ti.

Apocalipsis 5:7

Te ni jan tu'va ya nuu núkoo Su'si ma ja yinda'a ya tutu ma ji'in nda'a kua'a ya ma, te ni tnii Jesús ma.