Apocalipsis 19:1 - New Testament Psalms and Proverbs in Mixtec Magdalena Peñasco

¹ Sani te ni jinu, te ni jiniso'o sa ja ka kuu yu'u kua'a xeen ñayii onde andivi ma, te ka ka'an i: ¡Aleluya! Su'si o Iya Tátnuni ma kúu iya ni sa'a ja ni ka ndani'i ta'vi o a, te jín ndachiñu'u o ya, vaa maa ya neva'a tnu'u ndee tnu'u ndatnu ma.

Apocalipsis 19:1 Iomraidhean Croise

Salmos 104:35

Te na xnaa maa Su'si ma ñayii ka sa'a ja u'vi ma, te máko jin koo‑ka i ñuu ñayivi ya. Kovaa ini anua sa a na ndachiñu'u Iya Tátnuni ma. ¡Jayiñu'u kóo nuu Iya Tátnuni ma!

Salmos 106:1

Aleluya. Jín ndachiñu'u o Su'si Iya Tátnuni ma, vaa iya va'a xeen ini kúu ya, te ni‑kani ni‑jika kúnda'vi ini ña'a ya.

Salmos 111:1

Ni‑yu'u ni‑ini sa ndachiñu'u sa Su'si Iya Tátnuni ma nuu ka ndatna'a sa ji'in ndaka ñayii ka iyo va'a ka iyo ndaa nuu Su'si ma.

Salmos 115:18

Kovaa yo'o ja ka teku o a chi jín ka'an o ja vii ja va'a ja kuu ya, sukan‑va'a na koo jayiñu'u nuu ya onde vitna, te ni‑kani ni‑jika jín ko sa'a o sukan. ¡Jayiñu'u na koo nuu ya! ¡Aleluya!

Salmos 146:1

Yo'o chi ûni ni‑yu'u ni‑anua o ndáchiñu'u o Su'si iya tátnuni nuu o a.

Salmos 148:1

Jayiñu'u kóo nuu Su'si Iya Tátnuni ma, iya iyo onde andivi ma. Onde andivi ma na koo jayiñu'u ya.

Salmos 149:1

Jín kata o in yaa jaa nuu Su'si o Iya Tátnuni ma, te jín ndachiñu'u o ya ja ka kuu o ñayii ka iyo va'a ka iyo ndaa nuu maa ya ma.

Salmos 150:1

Jayiñu'u na koo nuu Su'si Iya Tátnuni a. Jin ndachiñu'u ni Su'si o a ini veñu'u ya ma. Jin ndachiñu'u ni Su'si o iya tátnuni onde andivi ma. Jin ndachiñu'u ni Su'si o a, vaa maa ya kúu iya kúu sa'a ndaka.

Salmos 3:8

Iya Tátnuni, maa ni kúu iya sa'a ja jin kaku ñayii ñuu ni a nuu ja u'vi ma. Te maa ni kua'a ja vii ja va'a ja jin kuta'vi i, vi Su'si.”

Salmos 62:11

Vaa in jichi ni ka'an Su'si ma, te uu jichi ni jiniso'o sa cha'a, ja nuu maa Su'si ma iyo ndaka tnu'u ndee tnu'u ndatnu ma.

Mateo 6:13

Te máko kua'a ni tnu'u ja ska'an ña'a tachi ma ja jin sa'a sa ja u'vi ma, su'va chindee ña'a ni ja na jin kaku sa nuu ja u'vi ma. Vaa maa ni kúu iya tátnuni, te maa ni iyo tnu'u ndee tnu'u ndatnu ji'in jayiñu'u ni‑kani ni‑jika. Te sukan kó kuu.

Apocalipsis 11:15

Te ni tivi ángel ku‑uja ma trompeta ma, te ni ka ka'an nini'i onde andivi ma: Ñuu ni ka yo tatnuni ñayii ka ndanuu ma, ni nduu i ñuu nuu tátnuni Su'si Iya Tátnuni ma ji'in Cristo ma, te tatnuni ya ni‑kani ni‑jika.

Apocalipsis 12:10

Sani te ni jiniso'o sa in ja ká'an nini'i onde andivi ma: ―‍Vitna jâ ni kenda tnu'u ndee tnu'u ndatnu Su'si ma ja kuu jin ndani'i ta'vi ñayii ma, te jâ ni kenda kivi tatnuni Su'si o a ji'in ja tatnuni Cristo iya ni tetniñu Su'si ma, vaa jâ ni xtandiyo ya tachi ma suchi nduu ñuu ni yo xtekuechi ña'a i nuu Su'si ma ndaka o ja ni ka nduu o sa'ya ya ma.

Apocalipsis 19:6

Te ni jiniso'o sa ja ka kuu yu'u kua'a xeen ñayii sukan ka kuu yu'u ndute kua'a xeen ma. Te sukan kúu ora kána xeen savi ma, sukan ka kuu yu'u i, te ka ka'an i: ¡Aleluya! ¡Vaa Su'si o Iya Tátnuni a, iya kúu sa'a ndaka ma, jâ tátnuni ya nuu ndaka!