Apocalipsis 18:8 - New Testament Psalms and Proverbs in Mixtec Magdalena Peñasco

⁸ Chukan kúu ja in‑ni kivi jin kenda koo kue'e ndo'o neni ña ma, te ko kokon ko yichi ña, te ndanda'yu ña, te kûu ña, te kayu ña nuu ñu'u i'ni ma, vaa Su'si Iya Tátnuni iya ndákan kuenda nuu ña ma, iyo kua'a tnu'u ndee tnu'u ndatnu ya ma ―‍kúu i ká'an i.

Apocalipsis 18:8 Iomraidhean Croise

Salmos 62:11

Vaa in jichi ni ka'an Su'si ma, te uu jichi ni jiniso'o sa cha'a, ja nuu maa Su'si ma iyo ndaka tnu'u ndee tnu'u ndatnu ma.

1 Corintios 10:22

Másu ko jin sa'a o sukan, vaa nú ña'a, te jin sa'a o ja ndakiti ini Cristo iya tátnuni nuu o ma. ¿Xi kuu jin kundee yo'o nuu ya ma, ka jani ini ni?

Apocalipsis 11:17

Te ka jiña'a de ya: Ka kuta'vi xeen sa nuu ni, Su'si Iya Tátnuni, iya kúu sa'a ndaka, vaa maa ni kúu iya iyo onde xinañu'u ma, te maa ni iyo vitna a, te maa ni kúu iya ndii ma, vaa ni ndunda'a ni tnu'u ndee tnu'u ndatnu ma, te jâ tátnuni ni.

Apocalipsis 17:16

Te ndi‑uxi ndiki kiti ka'nu kiti kini kaa ni jini ni ma, jin saxiko i ña'a kuneé ku‑uun ma, te jin xtandee i ndaka ja neva'a ña ma, te jin savichi i ña, te jin kaa i yikikuñu ña ma, te jin ka'mi i ña ji'in ñu'u i'ni.

Apocalipsis 17:18

Te ña'a ni jini ni ma kúu ñuu ka'nu tátnuni nuu ndaka rey ka iyo ñuu ñayivi a ―‍kúu i ká'an i.

Apocalipsis 18:17

Vaa in ora‑ni, te ni ka naa ndaka ja va'a ni yo neva'a ro ma ―‍jin kuña'a i. Te ndaka tee ka skaka barcu ma, ji'in ndaka ñayii ka ñu'u nuu barcu ma, ji'in ndaka tee ka jinukuechi nuu barcu ma, ji'in ndaka tee ka satniñu nuu ndute mar ma, te ni ka jinkuiñi jika de,

Apocalipsis 18:19

Te ni ka chiso de ñuyaka xini de, te ni ka kayu'u de, te ka nda'yu de, te ka kuxii ini de, te ka ka'an de: ―‍¡Ay! ¡Ay! Nda'vi ñuu ka'nu ya, te vitna ja ja va'a neva'a maa ñuu ma, te ni ka kuxiku ndaka tee ka neva'a barcu kuan koo ve koo nuu ndute mar ma. Kovaa in ora‑ni, te ni naa ―‍ka kuu de ka ka'an de.

Apocalipsis 19:3

Te ka ka'an i in‑ka jichi: ―‍¡Aleluya! Vaa ni ndani'i, ni ndatna'a maa ña, te ñu'ma káyu ña'a ma kana ni‑kani ni‑jika ―‍ka kuu i ka ka'an i.