Apocalipsis 15:4 - New Testament Psalms and Proverbs in Mixtec Magdalena Peñasco

⁴ ¿Na in ma koyu'u ña'a te ma ndachiñu'u ña'a i maa ni, Su'si Iya Tátnuni? Vaa maa in‑ni ni kúu iya ii. Chukan kúu ja ki koo ñayii ka iyo ndaka ñuu ma, te jin ndachiñu'u ña'a i, vaa jâ ni ka jini i sukan sa'a ndaa sa'a ndija ni a. Sa'a ká'an ja ka jita i nuu ya ma.

Apocalipsis 15:4 Iomraidhean Croise

Salmos 105:7

Te maa ya kúu Su'si ndaka o, te ni‑ka'nu ñuu ñayivi a iyo tnu'u tátnuni ya ma.

Salmos 111:9

Ya'vi xeen ni ndachunaa Su'si ma ja jin kaku ñayii kúu ñuu ya ma, vaa sukan ni skuiso ya ja sa'a ya ji'in ñayii kúu ñuu ya ma, te sukan ko kuu ni‑kani ni‑jika. Vaa iya ii kúu ya, te iyo ya ja jin koyu'u o ya, vaa ndakan ya kuenda nuu o a.

Salmos 22:23

Ndaka o ja ka kuu o sa'ya tata Israel ma ja ni yo kuu de Jacob ma, jín kata o, te jín ndachiñu'u o Iya Tátnuni a, te jín koyu'u o ya, vaa ka jini o ja ndakan ya kuenda nuu o a.

Salmos 22:27

Te chukan kúu ja ndaka ñayii ka iyo ni‑ka'nu ñuu ñayivi a chi jin ndaka'án i ja Iya Tátnuni ma kúu Su'si, te jin ndakokuiñi i nuu ya ma, te jin ndachiñu'u i ya.

Salmos 22:3

Kovaa maa ni chi iya ii kúu ni, vaa ni‑in ja u'vi ñatuu nde sa'a ni, te iyo ni ne'un ñayii ñuu Israel ma, vaa ndimaa ka ndachiñu'u ña'a i ma.

Salmos 86:9

Te ndaka ñayii ndaka ñuu ka iyo ñuu ñayivi a chi ki koo i nuu iyo maa ni a, vaa maa ni ni sa'a ndaka ñayii ma, te vivii jin ndachiñu'u ña'a i maa ni, vi Su'si.

Salmos 89:7

Te chukan kúu ja ndaka ñayii ñatuu‑ka na ja u'vi ka sa'a i ma chi ka yu'u ña'a i maa ni, vaa maa ni ndakan kuenda nuu i ma, vi Su'si, te vivii ni ka ndakonduu ña'a ndaka i, te ka ndachiñu'u ña'a i, vi Su'si.

Salmos 97:8

Te ni jiniso'o ñuu Sion ma, te ni ndusii ini i, te ni ka jiniso'o sasi'i ñayii ka iyo ñuu Judá ma, te ni ka ndusii ini i ja ni sa'a ndaa, ni sa'a ndija ni ma, vi Su'si.

Salmos 99:5

Jín ndachiñu'u o Su'si o Iya Tátnuni ma, te jín kunukoo jiti o nuu ja'a ya ma, vaa maa ya chi iya ii kúu ya.

Salmos 99:9

Te chukan kúu ja yo'o chi jín kunukoo jiti o nuu yuku ii ya ma, te jín ndachiñu'u o Su'si o Iya Tátnuni ma, vaa iya ii kúu ya.

Romanos 15:9

te sukan‑va'a ñayii masu judío ka kuu i ma, te jin ndachiñu'u i Su'si ma iya nda'vi ini ma. Vaa sa'a ndee nuu tutu ya ma: Te chukan kúu ja ndaka'an ndakachi sa nuu ñayii masu judío ka kuu i ma ja sa'a ja kúu ni a, te kata sa nuu maa ni.

1 Pedro 1:16

vaa sa'a ndee nuu tutu ká'an tnu'u ya ma: “Má jin sa'a ni ja u'vi, vaa saña, masu na ja u'vi sa'a sa.”

Apocalipsis 11:15

Te ni tivi ángel ku‑uja ma trompeta ma, te ni ka ka'an nini'i onde andivi ma: Ñuu ni ka yo tatnuni ñayii ka ndanuu ma, ni nduu i ñuu nuu tátnuni Su'si Iya Tátnuni ma ji'in Cristo ma, te tatnuni ya ni‑kani ni‑jika.

Apocalipsis 14:7

Te káyu'u ángel ma ká'an i: ―‍Jin koyu'u ni Su'si ma, te jin ndachiñu'u ni ya, vaa ni kenda ora ja ndakan ya kuenda nuu ñayii ma. Te jin ndachiñu'u ni ya, vaa maa ya ni sa'a andivi a, ji'in ñu'ú ya, ji'in ndute mar ma, ji'in nuu ka too ndute ma ―‍kúu i ká'an i.

Apocalipsis 16:5

Te ni jiniso'o sa ja ká'an ángel ni sa'a ja ni nduu ndute ma niñi ma: ―‍Iya sa'a ja ndaa, Iya Tátnuni kúu ni, vi Su'si. Te maa ni ni iyo onde xi'na ma, te maa ni iyo vitna a, vaa iya ii kúu ni, te ñatuu játna ini ni ja jin ko sa'a sa'ya ni ma ja u'vi ma, te ka yikuu maa ñayii ni ka sa'a ja u'vi ma ka ndachunaa i.

Apocalipsis 16:7

Te suni ni jiniso'o sa in‑ka ja ká'an onde nuu altar ma: ―‍Saa vi, Su'si Iya Tátnuni iya kúu sa'a ndaka, vaa ja'nde ndaa ni tniñu, te ja vava'a kúu ―‍kúu i ká'an i.

Apocalipsis 19:2

Vaa sa'a ndaa sa'a ndija ya, te ni sa'a ya ja jâ ni ndachunaa ña'a kúneé kú‑uun ma ja u'vi ni yo sa'a ña ma, vaa ni yo sa'a ña ja jin ko sa'a ñayii ma ja u'vi sukan ni yo sa'a ña ma, te jâ ni ndachunaa ña ja ni yo ja'ni ña ñayii ni ka yo jinukuechi nuu Su'si o a, ka kuu i ka ka'an i.

Apocalipsis 19:8

Te ni wa'a ya tnu'u ja kone'nu i sa'ma lino vava'a vivii, te sa'ma ndoo ndoo sa'ma jándute kúu, ka kuu i ka ka'an i. Te sa'ma lino vava'a vivii ma kúu ja va'a ja ndaa ni ka yo sa'a o ja ka kuu o ñayii ka kandija Su'si ma.

Apocalipsis 3:7

Te ká'an ya: ―‍Tee ni nuu ángel jito ñayii ka kandija Su'si ma ja ka iyo i ñuu Filadelfia ma: “Su'si ndija ma, iya ndimaa sa'a ja va'a ma, iya yinda'a ndakaa ma ja tátnuni ya sukan ni yo tatnuni David ma, iya ndákune ma te masu na in ndakasi ma, iya ndákasi ma te masu na in ndakune ma, ká'an sa'a:

Apocalipsis 4:8

Te ndi‑kuun kiti ka teku ma, te ndi‑in ndi‑in ti ka ndenee iñu ndijin, te ichi yata ndijin ti ma ji'in ichi chii ndijin ti ma ka ndenee nduchinuu ti, te nduu ñuu ka ka'an ka ka'an‑ni ti: Iya ii, iya ii, iya ii kúu Su'si Iya Tátnuni ma, iya kúu sa'a ndaka ma, iya ni iyo ma, iya iyo vitna a, iya iyo ja kii ya ma, ka kuu ti ka ka'an ti.

Apocalipsis 6:10

Te ka kayu'u i ka ka'an i: ―‍Iya Tátnuni iya sa'a ja va'a ja ndija, ¿na ndende kii sana ndakan ni kuenda nuu ñayii ka iyo ñuu ñayivi ma, ja ni ka jati i niñi sa ma, te ndaxndo'o ndaxneni ni i? ―‍ka kuu i ka jiña'a i.