Apocalipsis 15:3 - New Testament Psalms and Proverbs in Mixtec Magdalena Peñasco

³ Te ka jita i yaa jita Moisés ma tee jinukuechi nuu Su'si ma, ji'in yaa jita iya kúu sukan kúu ndikachi jaa ma, te sa'a ká'an: Su'si Iya Tátnuni, iya kúu sa'a ndaka, ja na'nu xeen kúu ja sa'a ni a, ja vii ja luu kúu ndaka, vi Su'si. Te ja va'a ja ndaa ndija kúu ichi ni a, ja kúu ni Rey tátnuni nuu ndaka ñayii ñatuu na ja u'vi ka sa'a i ma.

Apocalipsis 15:3 Iomraidhean Croise

Salmos 100:5

Vaa Su'si o Iya Tátnuni ma chi iya va'a ini kúu ya, te ni‑kani ni‑jika kúnda'vi ini ña'a ya, te nuu ndaka sa'ya tata ñayii ma iyo tnu'u ndaa tnu'u ndija ya ma.

Salmos 105:5

Ndaka ndijin ja ka kuu ni sa'ya tata Abraham tee ni yo jinukuechi nuu Su'si ma, ja ka kuu ni sa'ya tata Jacob tee ni kaji maa ya ma, jin kona'a ni ndaka milagru ni sa'a ya ma, ji'in sukan ni ja'nde ya tniñu ñayii ma.

Salmos 111:2

Kua'a xeen ja vii ja luu ni sa'a Su'si ma, te ñayii ka kuu sii ini ja ka nde'ya i ma, te ñukuun ka ndanduku‑ka i, sukan‑va'a jin ndasa'a i kuenda sukan kaa sukan iyo ja ni sa'a ya ma.

Salmos 111:7

Te ndaka ja ni sa'a ya ji'in nda'a ya ma inuu kúu ji'in tnu'u ndaa tnu'u ndija ká'an ya ma ji'in sukan jani ini ya ma. Te tnu'u tátnuni ya ma chi kuu jin kukanu ini o, vaa ja va'a kúu.

Salmos 139:14

Te maa sa chi ndachiñu'u ña'a sa, vaa vivii ni sa'a ña'a ni, vaa vivii kúu ja ni sa'a ni a, jani ini sa, vi Su'si, te kúu sii ini xeen sa, te vitna chi jâ ni jaku'ni vava'a ini sa ja maa ni ni sa'a ña'a.

Salmos 145:17

Ndaka cha'a sa'a kúu Iya Tátnuni ma, te ka jini o ja iya sa'a ndaa sa'a ndija kúu ya, te ndaka ja sa'a ja kúu ya ma, te káxtnu'u ya ja nda'vi xeen ini ya.

Salmos 145:6

Te ndaka ñayii ma, jin kuatnu'u ini ña'a i ndaka ja sa'a ni ma, vi Su'si, te jin ndaka'an jin ndakachi i sukan vii sukan luu kúu ja sa'a ni ma. Te maa sa ndaka'an ndaka tu'u ja sa'a ja kúu ni ma, vi Su'si.

Salmos 18:30

Ichi káxtnu'u Su'si ma chi ichi va'a ichi ndaa kúu, te tnu'u káxtnu'u ya a chi tnu'u ndaa tnu'u ndija kúu, te ndaka ñayii ka kukanu ini ya ma chi maa ya kasi ndee kasi ndoso ja ñatuu ni‑in ja u'vi kaki'i ña'a.

Salmos 78:12

Te ndaka tna'a de ñayii jana'a ma chi ni ka jini tna i ndaka milagru ni sa'a ya ñuu Egipto ma, nuu ka iyo‑ka i ñuu Zoán ma.

Salmos 92:5

Masu na in kundee ndaka'an ndakachi ndaka ja ni sa'a, ni kuu ni, vi Su'si. Te ûni kua'a xeen kúu ja jani ini ni ja ni masu na in kundee ja jaku'ni ini i ndaka, vi Su'si.

Salmos 99:4

“Maa ni kúu Rey iya sa'a ndaa sa'a ndija ma, te chukan kúu ja kóo jayiñu'u nuu maa ni a. Te maa ni káxtnu'u ja inuu‑ni ka kuu ndaka ñayii ma, te ñatuu na nde i kanuu‑ka. Te sukan ni sa'a ndaa ni sa'a ndija ni ji'in sa'ya tata Jacob ma.” Sa'a jin kuña'a ni ya.

Juan 1:17

Tnu'u ni tatnuni Su'si ma chi ni wa'a ya nuu tee kúu Moisés ma, te ni yo ndakaxtnu'u de nuu ñayii ma. Kovaa tnu'u vii tnu'u mani ma ji'in ja ndaa ma ni kenda ja maa Jesucristo ma.

1 Timoteo 1:17

Te chukan kúu ja ndimaa na koo jayiñu'u nuu Rey ma, iya tátnuni ni‑kani ni‑jika ma, iya téku ni‑kani ni‑jika ma, iya masu kuu jin kuni ñayivi o ya ma, iya ndichi ma, te maa in‑ni ya kúu, vaa ñatuu na in‑ka Su'si iyo. Te sukan kó kuu ni‑kani ni‑jika.

Hebreos 3:5

Te suni sukan tna ni yo kuu Moisés ma, ja ni‑yu'u ni‑ini de ni yo jinukuechi de nuu ñayii ni ka iyo nuu Su'si ma. Te ndaka ja ni yo sa'a de ma, te ndakani Su'si ma nuu yo'o.

Apocalipsis 1:8

Te ka'an Su'si Iya Tátnuni ma: “Maa sa kúu letra xinañu'u ma, te maa sa kúu letra sandi'i‑nka ma, te maa sa ni skeja'a ndaka ja iyo a, te maa sa sinu ndaka”, kúu ya ká'an ya. Te maa ya iyo vitna, te maa ya iyo onde xinañu'u ma, te maa ya ndii ma, te maa ya kúu iya kúu sa'a ndaka ma.

Apocalipsis 11:17

Te ka jiña'a de ya: Ka kuta'vi xeen sa nuu ni, Su'si Iya Tátnuni, iya kúu sa'a ndaka, vaa maa ni kúu iya iyo onde xinañu'u ma, te maa ni iyo vitna a, te maa ni kúu iya ndii ma, vaa ni ndunda'a ni tnu'u ndee tnu'u ndatnu ma, te jâ tátnuni ni.

Apocalipsis 14:3

Te ka jita i yaa jaa nuu núkoo Iya Tátnuni ma, ji'in nuu ka iyo kiti ka teku ma, ji'in nuu ka iyo tee nija'nu ma. Te ni‑in ñayii ñatuu kúu kutu'va i ja kata i yaa ma chi maa‑ni cientu uu xiko kuun mil (144,000) ñayii ni ndene'e ya ne'un ñayii ka iyo ñuu ñayivi a ka kuu ñayii kúu ka jita ma.

Apocalipsis 14:8

Te ndikin‑ka in‑ka ángel ma, te ká'an i: ―‍Jâ ni kotuu ñuu Babilonia ma, ñuu kanuu xeen‑ka ma, vaa suu i ni yo kaxtnu'u nuu ndaka‑ka ñuu ma sukan jin sa'a i ja u'vi ma ―‍kúu i ká'an i.

Apocalipsis 17:14

te jin kanaa de ji'in iya kúu sukan kúu ndikachi jaa ma. Te iya kúu sukan kúu ndikachi jaa ma, kundee ya, vaa maa ya kúu Iya Tátnuni, te tátnuni ya onde nuu tee ka tatnuni ma, te maa in‑ni ya kúu Rey tátnuni nuu ndaka‑ka rey ma. Te ñayii ka iyo ji'in ya ma, ka kuu ñayii ni ndakana maa ya ma, te ni ndakaji maa ya i, te masu jin xndoo i ichi ya ma ―‍kúu i ká'an i.

Apocalipsis 19:16

Te ichi ja'a sa'ma ne'nu ya ma ndenee ja nani ya ma, te sa'a ká'an: “Rey tátnuni nuu ndaka rey ma, iya tátnuni nuu ndaka tee ka tatnuni ma.”

Apocalipsis 19:2

Vaa sa'a ndaa sa'a ndija ya, te ni sa'a ya ja jâ ni ndachunaa ña'a kúneé kú‑uun ma ja u'vi ni yo sa'a ña ma, vaa ni yo sa'a ña ja jin ko sa'a ñayii ma ja u'vi sukan ni yo sa'a ña ma, te jâ ni ndachunaa ña ja ni yo ja'ni ña ñayii ni ka yo jinukuechi nuu Su'si o a, ka kuu i ka ka'an i.

Apocalipsis 4:8

Te ndi‑kuun kiti ka teku ma, te ndi‑in ndi‑in ti ka ndenee iñu ndijin, te ichi yata ndijin ti ma ji'in ichi chii ndijin ti ma ka ndenee nduchinuu ti, te nduu ñuu ka ka'an ka ka'an‑ni ti: Iya ii, iya ii, iya ii kúu Su'si Iya Tátnuni ma, iya kúu sa'a ndaka ma, iya ni iyo ma, iya iyo vitna a, iya iyo ja kii ya ma, ka kuu ti ka ka'an ti.