Apocalipsis 14:2 - New Testament Psalms and Proverbs in Mixtec Magdalena Peñasco

² Te ni jiniso'o sa onde andivi ma ja kúu yu'u sukan kúu yu'u ndute kua'a xeen jika ma, te sukan kúu ora kána nini'i savi ma sukan kúu yu'u. Te ja ni jiniso'o sa ma kúu yu'u sukan ka kuu yu'u arpa ma ora ka tee ñayii ma tnu.

Apocalipsis 14:2 Iomraidhean Croise

Salmos 147:7

Jin ndachiñu'u ni Su'si o Iya Tátnuni a. Jin tee ni arpa ma, te jin kata ni nuu Su'si o a.

Salmos 149:3

Jin kandava jin kandita ni, te jin ndachiñu'u ni ya, te jin skixin ni pandero ma, te jin tee ni yutnu kúu arpa ma, te jin kata ni.

Salmos 33:2

Jin tee ni guitarra xi arpa, te jin kata ni, te jin ndachiñu'u ni ya.

Salmos 43:4

Te kivi sa nuu iyo altar ni ma, vi Su'si maa sa, iya táa tnu'u sii ini xen‑xeen, te tee sa arpa ma, te kata sa ja ndáchiñu'u ña'a sa, vi Su'si maa sa.

Salmos 57:8

Ora ndákoo sa xtnee ne'e ma te tee sa guitarra sa ma ji'in arpa sa ma. Te ni‑yu'u ni‑ini sa ndachiñu'u ña'a sa, vi Su'si.

Salmos 92:3

Te jin tee sa guitarra ma, te vivii jin kata sa nuu maa ni.

Salmos 93:4

Iya Tátnuni iya iyo onde sukun ma kúu iya neva'a‑ka tnu'u ndee tnu'u ndatnu sana ndute kua'a xeen ma, te iyo‑ka tnu'u ndee tnu'u ndatnu ya sana nuu ndute kua'a kuá'an vee nuu mar ma.

Salmos 98:5

Te jin tee ni guitarra ma, te jin kata ni salmo ma, te vivii jin skixin ni tnu, te vivii jin kata ni nuu ya.

1 Corintios 13:1

Nú saña, te visi kúu ká'an sa kua'a sa'an ka ka'an ñayii ñuu ñayivi a xi sa'an ka ka'an ángel ma, kovaa nú ñatuu kútoo sa ñayii ma chi sukan‑ni kúu in kaa káxin xi sukan‑ni kúu in kaa kíxin, sukan‑ni kúu sa.

Apocalipsis 1:10

In kivi ndáchiñu'u o Iya Tátnuni ma, te yikuu sa ndáchiñu'u sa ya, te ni kenda Xtumani maa ya ma siki sa a, te ichi yata sa ma ni jiniso'o sa ja ni kuu yu'u sukan kúu yu'u in trompeta.

Apocalipsis 1:15

Te ja'a ya ma, ka ndaa i sukan kaa kaa nani bronce lilii ja yika ni ndee i nuu ñu'u i'ni ma. Te sukan nini'i kúu yu'u ndute nuu jika kua'a de ma, sukan nini'i ká'an ya ma.

Apocalipsis 11:12

Te ni ka jiniso'o i ja ni ka'an nini'i onde andivi ma: ―‍Jin nda koo ni onde ya'a ―‍ni ka'an. Te in nuu viko ni ka nda koo de kuan nu koo de andivi ma, te ni ka jini ñayii ni ka yo kuni u'vi nuu de ma.

Apocalipsis 11:15

Te ni tivi ángel ku‑uja ma trompeta ma, te ni ka ka'an nini'i onde andivi ma: Ñuu ni ka yo tatnuni ñayii ka ndanuu ma, ni nduu i ñuu nuu tátnuni Su'si Iya Tátnuni ma ji'in Cristo ma, te tatnuni ya ni‑kani ni‑jika.

Apocalipsis 15:2

Te suni ni jini tna sa in ja kaa sukan kaa mar nuu ñu'u ndute ma te ndii ni'ni kuenda tnu'u ja vidriu ma te sakanuu ji'in ñu'u i'ni. Te ñayii ni ka kundee nuu kiti ka'nu kiti kini kaa ma, ji'in ja kaa sukan kaa ti ma, ji'in tnuni ti ma, ji'in número ja nani ti ma, te ka nukuiñi ñayii yukan nuu ndute mar ma ja kaa sukan kaa vidriu ma, te ka yinda'a i arpa Su'si ma.

Apocalipsis 18:22

Te ni masu kuniso'o‑ka o tee ka tee arpa ma, ni a tee ka tee guitarra ma, ni a tee ka tivi flauta ma, ni a tee ka tivi trompeta ma. Ni a in‑ka tee ka sa'a nda'a de ndaka ndatniñu ma, masu jin koo‑ka de ñuu jiña, ni a yu'u mulinu masu nde kuniso'o‑ka o ñuu jiña.

Apocalipsis 5:8

Te nuu ni tnii ya ma, ndi‑kuun kiti ka teku ma ji'in ndi‑oko kuun tee nija'nu ma, ni ka jinkoo jiti de ji'in ti nuu Jesucristo ma iya ni ndo'o sukan ka sa'a i ji'in ndikachi jaa ma, te ndaka de ka yinda'a yutnu nani arpa ma yutnu tée o yaa ma, ji'in nuu ka ñu'u ja ka jaxiko asi ma, te ndimaa oro ka kuu i, te kuenda tnu'u ja ndaka cha'a ka kuu ndaka ja vii ja va'a ka ndakuan‑ta'vi o nuu Su'si ma ora ka jikan‑ta'vi o ma, ja ka kuu o ñayii ñatuu na ja u'vi‑ka ka sa'a i ma.

Apocalipsis 6:1

Te ni jini sa, nuu ni ndakune iya kúu sukan kúu ndikachi jaa ma in sellu xinañu'u ma, te ni jiniso'o sa ja ká'an in kiti téku ma: ―‍¡Ne'e ni, te konde'ya ni! Te sukan kúu ora kána savi ma, sukan nini'i kúu yu'u ti.

Apocalipsis 8:7

Ángel xinañu'u ma, ni tivi i trompeta ma, te ni kuun ñiñi ji'in ñu'u i'ni sakanuu ji'in niñi vee ichi ñuu ñayivi a. Te jâ yatni sava nuu ñu'ú ya ni kayu. Te jâ yatni sava yutnu kui'i ka iyo nuu ñu'ú ya ni ka kayu, te ndaka yi'i kuii ma ni ka kayu.