Apocalipsis 12:2 - New Testament Psalms and Proverbs in Mixtec Magdalena Peñasco

² Te ñu'u sa'ya ña, te káyu'u ña ja u'vi ña ja kâku sa'ya ña ma, vaa ni kenda ora ja sani te kâku sa'ya ña ma.

Apocalipsis 12:2 Iomraidhean Croise

Mateo 24:8

Kovaa ndaka cha'a chi yika ni keja'a tnundo'o tnuneni ma kúu.

Juan 16:21

Sukan ndó'o in ña'a kâku lulu ña ma, ja ndó'o néni ña, vaa jâ ni kenda ora ma, kovaa nuu ni jinu ni kâku lulu ña ma, te ndúnaa ña ja u'vi ña ma, kuechi ja kúsii ini ña, vaa jâ ni kenda in lulu ma ñuu ñayivi a.

Gálatas 4:19

Sa'ya maa sa, in‑ka tuku jichi ka sa'a ni ja ndándo'o ndáneni sa sukan u'vi in ña'a yikuu káku sa'ya ma, vaa kúni sa ja jin ndasa'a ni kuenda sukan kúni Cristo ma ja jin ko kuu o nuu ya te jin kutu'va ni ja jin ko sa'a ni ja vii ja va'a ndija sukan sa'a maa ya ma.

Gálatas 4:27

Vaa sa'a ndee nuu tutu ya ma: Ndusii ini ni, ndijin ja masu kúu koo sa'ya ni ma, ndijin ja ñatuu na sa'ya ni kâku ma. Kayu'u ni ja kúsii ini ni, ndijin ja ñatuu nama jini ni naxe u'vi ña'a káku sa'ya ma. Vaa kua'a‑ka sa'ya ña'a ni ndoo maa in‑ni ma iyo sana ña'a iyo yii ma.

Apocalipsis 12:4

Te su'ma ti ma ñu'u ti kua'a xeen tiuxini ma, te ni skana ti nuu ñu'ú a. Te ni jinkuiñi ti nuu ña'a iyo ja kâku sa'ya ña ma, sukan‑va'a ora kâku kunu sa'ya ña ma, te kokon yachi ti i.