Apocalipsis 10:10 - New Testament Psalms and Proverbs in Mixtec Magdalena Peñasco

¹⁰ Te ni tnii sa libru yinda'a ángel ma, te ni jaa sa, te ini yu'u sa a ni jini vixi sa sukan vixi nduxi ma, kovaa nuu ni jinu ni jaa sa ma, te ini sa ma ni nuku'un uwa kuiti i.

Apocalipsis 10:10 Iomraidhean Croise

Salmos 104:34

Ora ndákani ndáka'vi ini sa ja sa'a ja kúu ya a, te na jatna ini ya sukan ndása'a sa kuenda ja ni sa'a ya ma, vaa maa sa chi kúu sii ini xeen sa nuu Iya Tátnuni ma.

Salmos 119:103

Te ûni játna ini xeen sa sukan ká'an tnu'u maa ni a sana in ja asi xeen jini yu'u sa ma. Vixi‑ka tnu'u maa ni a sana nduxi ñuñu ma jini sa.

Salmos 19:10

Tnu'u tátnuni ya a chi játna ini‑ka o sana oro ma, visi oro nanimaa kúu i ma. Tnu'u tátnuni ya a chi játna ini xeen‑ka o sana nduxi ka kene'e ñuñu ma, visi vixi vixi i ma.

Proverbios 16:24

vaa kuenda tnu'u ja sukan asi jaa nduxi ñuñu ma, sukan ka kuu tnu'u vii tnu'u mani ká'an ñayii ma, vaa sa'a i ja ndusii ini yikikuñu o.

Apocalipsis 10:11

Sani te ni ka'an ángel ma nuu sa: ―‍Jiniñu'u ja ndakaxtnu'u ni in‑ka jichi nuu ñayii ma ja jin ndo'o jin tna'a kua'a ñuu lilikin ma, ji'in ñuu na'nu ma, ji'in kua'a ñayii ndeva'a‑ni na sa'an ka ka'an i ma, ji'in tee ka tatnuni ma ―‍kúu i ká'an i.

Apocalipsis 10:9

Te ni jan tu'va sa ángel ma, te ni jikan sa libru ma, te ni ka'an ángel ma nuu sa: ―‍Tnii ni, te kaa ni, te sa'a i ja ku‑uwa ini ni ma, kovaa ini yu'u ni a chi kuni vixi ni sukan vixi nduxi ma ―‍kúu i ká'an i.