San Mateo 8:3 - Xochapa Mixteco

³ Saa si̱ndikaa ndaꞌa Jesús ta ti̱ndaa ñaꞌa ra, ndi̱kaꞌan ra xiꞌin ra, káchi ra saa: ―Kúni i sindaꞌa i yóꞌo̱, ná nduvaꞌa un ―káchi ra xiꞌin ra. Tá ndi̱kaꞌan soꞌva ra xiꞌin ra, ta ndikun ndu̱vaꞌa ra.

San Mateo 8:3 Iomraidhean Croise

San Mateo 12:13

Saa ndi̱kaꞌan ra xiꞌin ra ndi̱ndichi ndaꞌa ikán, káchi ra saa: ―Sindikaa ndaꞌa un ―káchi ra xiꞌin ra. Saa si̱ndikaa ra ndaꞌa ra, tá si̱ndikaa soꞌva ra ya ta ndikun saa ndu̱vaꞌa ya. Ndu̱u ya tá íyo inka ya vaꞌa.

San Marcos 1:41

Saa ku̱ndaꞌvi ini Jesús xi̱ni ñaꞌa ra. Ñaa si̱kaa ra ndaꞌa ra ti̱in ndaa ñaꞌa ra, ta ndi̱kaꞌan ra xiꞌin ra, káchi ra saa: ―Kúni i sindaꞌa i yóꞌo̱, ná nduvaꞌa un ―káchi ra xiꞌin ra.

San Marcos 4:39

Saa ndi̱koo ra ndi̱kaꞌan ra xiꞌin tachi íꞌna, ta ndi̱kaꞌan tu ra xiꞌin nduta ñûꞌu va, káchi ra saa: ―¡Yaa koo un nduta ñûꞌu, siyaa un! ―káchi ra xiꞌin rá. Saa ndikun siyaa tachi íꞌna, ta si̱yaa tu nduta ñûꞌu va, iin yayaa ku̱u.

San Marcos 5:41

Saa ti̱in ra ndaꞌa yá loꞌo ikán, ta ndi̱kaꞌan ra xiꞌin yá, káchi ra saa: ―Talita, cumi ―káchi ra xiꞌin yá. Tuꞌun ikán kúni kachi ya: “Yá loꞌo, káꞌan i xiꞌin un ndikoo un”.

San Marcos 7:34

Ñaa nda̱niꞌi nuu ra nuu ndivi saa ndi̱kiꞌin ra tachi ra, ta ndi̱kaꞌan ra xiꞌin ra ikán, káchi ra saa: ―¡Efata! ―káchi ra xiꞌin ra. Tuꞌun ikán kúni kachi ya: ¡Ná kuna ya!

San Marcos 9:25

Ñaa xi̱ni Jesús xa̱á ndíkutu kuaꞌa ka naꞌa, saa ndi̱ndaꞌi ra nuu tachi nduvaꞌa ikán, káchi ra saa: ―Yóꞌo̱ tachi nduvaꞌa xa̱a soꞌo ra yóꞌó tin xa̱a meꞌme un ra, yeꞌe xáꞌnda chiñu nuu un, keta kuaꞌan un, ta saña un ra loꞌo yóꞌó, ndïko koo ka un tiin ñaꞌa un ―káchi ra xiꞌin ya.

San Lucas 4:27

’Saa ku̱u tu xinaꞌa va, tiempo ndi̱kaꞌan ndoso ra Eliseo tuꞌun Ndioxi. Ta ndi̱xiyo ni na táꞌi ñuu Israel xiꞌin kueꞌe ya náni lepra. Ta Ndioxi köo ndi̱sindaꞌa ra nda iin na ñuu Israel. Iindaa ra Naamán, ra köo kúu judío, ra ke̱e nda estado Siria, ra ikán ku ra si̱ndaꞌa Ndioxi ―káchi Jesús xiꞌin na.

San Lucas 5:13

Ta saa chi̱nuu ndaꞌa Jesús xiní ra, ndi̱kaꞌan ra xiꞌin ra, káchi ra saa: ―Kúni i sindaꞌa i yóꞌo̱, ná nduvaꞌa un ―káchi ra xiꞌin ra. Ta saa ndikun ki̱ndaa kueꞌe táꞌi ñií xiꞌin ra.

San Lucas 7:14

Saa ku̱yati ra ndi̱xaa ra ti̱in ndaa ra xito nuu ínuu ndìì ikán. Tá ti̱in ndaa soꞌva ra nu, ñaa ndikun ndi̱kundita na xiꞌin xito nuu kánuu ra. Ta saa ndi̱kaꞌan Jesús xiꞌin ndìì ikán, káchi ra saa: ―Ta loꞌo, ¡ndikaxin ini un ndikoo un! ―káchi ra.

San Juan 11:43

Tá sindiꞌi ndikaꞌan ra tuꞌun ikán, ta saa ndi̱ndaꞌi koꞌo ra, káchi ra saa: ―¡Lázaro, naꞌa keta un keꞌe! ―káchi ra.

San Juan 15:24

Tá tu köo yatuꞌun ndi̱xini na ikan i ta köo kuachi na, ndikuu, sundi xi̱ni na ya, ta saa ni kúndasi nuu na xíni na yeꞌe ta kúndasi nuu tu na xíni na Iva va i. Ta kuaꞌa ni yatuꞌun i̱kan i nda iin na köo ndi̱kan taꞌan ya i̱kan i.

San Juan 5:21

Tá kuꞌva sítaku Iva ra Ndioxi na ndíi ta táxi ra kutaku na, ta saa íkan tu Seꞌe va ra, táxi ra kutaku na kúni mií ra.