San Mateo 3:2 - Xochapa Mixteco

² Káchi ra saa: ―Ndiko koo ini ndo, ïkan ka ndo ya väꞌa, chi xa ti̱ndaa yati ichí ya kaꞌnda chiñu Ndioxi nuu yo ―káchi ra Juan xiꞌin na.

San Mateo 3:2 Iomraidhean Croise

San Mateo 10:7

Ta kuáꞌan ndo, kaꞌan ndoso ndo tuꞌun yóꞌó xiꞌin na, kachi ndo saa: “Xa yati ni íyo ichí vaꞌa nuu xáꞌnda chiñu Ndioxi nuu yo”, kachi ndo xiꞌin na.

San Mateo 11:20

Saa ndi̱ndaꞌi Jesús xiꞌin na ñuu nuu kuaꞌa ni yatuꞌun i̱kan ra, saa chi köo ndi̱xiin na nama na kuꞌva íyo na, ta ni köo xíin na xaa súvi na ya kúni Ndioxi, saa ndi̱kaꞌan ra xiꞌin na, káchi ra saa:

San Mateo 12:41

Tá ná tindaa kivi sindiꞌi ya xaa nani Ndioxi kuachi xiꞌin na ñuu ivi yóꞌó, ta ndikuita na ñuu Nínive taxi na kuachi xaꞌa ndóꞌo̱ ndóo tiempo vitin. Saa chi na ikán ta ndi̱nama na kuꞌva íyo na, ta ndi̱kundikun na ichí Ndioxi kivi xi̱ni soꞌo na tuꞌun Ndioxi ya ndi̱kaꞌan ra Jonás xiꞌin na. Ta ndóꞌo̱ köo xíin ndo kuni soꞌo ndo ya káꞌan i xiꞌin ndo, ta chee ka yeꞌe nuu ra Jonás.

San Mateo 13:11

Saa ndi̱kuiin ra káꞌan ra xiꞌin nda: ―Ndóꞌo̱, ta xa mií Ndioxi ku ra ta̱xi ichí ndaꞌa ndo ya kundaa ini ndo xaꞌa ichí nuu xáꞌnda chiñu ra, ya íyo sěꞌe. Sundi na ikán, ta köo ndítaxi ra ichí ndaꞌa na kundaa ini na.

San Mateo 13:24

Saa ndi̱tuꞌun ka Jesús inka tuꞌun ndíchi sínaꞌa ra naꞌa, káchi ra saa: ―Ichí nuu xáꞌnda chiñu Ndioxi, ta tá káa nuu chíꞌi iin ra ndikin trigo ya vaꞌa ni, saa káa ya.

San Mateo 13:31

Saa ndi̱tuꞌun tuku Jesús inka tuꞌun ndíchi xiꞌin naꞌa ya sínaꞌa ra na, káchi ra saa: ―Ichí nuu xáꞌnda chiñu Ndioxi, tá kuꞌva káa ndikin itun mostaza ya chi̱ꞌi iin taa nuu ñuꞌú ra, saa káa ya.

San Mateo 13:33

Saa ndi̱tuꞌun ka Jesús xiꞌin nda inka tuꞌun ndíchi, káchi ra saa: ―Ichí nuu xáꞌnda chiñu Ndioxi tá kuꞌva káa uxan iya, ya chíkaa na xiꞌin uxan xita vaꞌa, saa káa ya. Ni loꞌo ni uxan iya chíkaa iin yá ñaꞌa xiꞌin uxan xita vaꞌa yá, ta kuaꞌa ni ndúu ya, ndínañu ni ya ―káchi Jesús xiꞌin nda.

San Mateo 13:47

Saa ndi̱tuꞌun Jesús inka tuꞌun ndíchi xiꞌin na, káchi ra saa: ―Ichí nuu xáꞌnda chiñu Ndioxi ta tá káa ñunu ya chíkaa na tíin tiaka ini nduta ñûꞌu, saa káa ya, chi ñunu ikán ta kuaꞌa ni nuu tiaka kuakee ini ya.

San Mateo 13:52

Saa ndi̱kaꞌan ka Jesús xiꞌin nda, káchi ra saa: ―Tá kúu sava nda sínaꞌa ley Ndioxi ya ta̱a ra Moisés, ndíkundikun nda ichí nuu xáꞌnda chiñu Ndioxi, ta nda tá káa iin taa xiꞌin veꞌe ra nuu chivaꞌa ra ñaꞌa yata ra xiꞌin ñaꞌa xa̱á ra, saa íyo nda. Saa chi nda ikán, ta kúchiñu nda táva nda ya kuika yata ya xa xíni nda xiꞌin ya kuika xa̱á ―káchi ra xiꞌin nda.

San Mateo 18:23

Saa ndi̱tuꞌun Jesús inka tuꞌun ndíchi nuu sínaꞌa ra na, káchi ra saa: ―Nda tá káa iin ra rey kúni xaa súvi kuenta xiꞌin na xáa chiñu nuu ra, saa káa nuu xáꞌnda chiñu Ndioxi.

San Mateo 20:1

Saa ndi̱kaꞌan Jesús iin tuꞌun ndíchi ya sínaꞌa ra na, káchi ra: ―Tá káa iin ra kúu mií ñuꞌú, saa íyo ichí nuu xáꞌnda chiñu Ndioxi. Saa ku̱u iin kivi ke̱ta ra veꞌe ra, xitaan ke̱e ra kuaꞌan ra nduku ra naꞌa xaa chiñu nuu ñuꞌú ra, nuu ndi̱taan ra yoꞌó kiti uva.

San Mateo 22:2

―Tá kuꞌva xáa chiñu Ndioxi saa íkan iin ra rey ra íkan viko nuu sítindaꞌa ra seꞌe ra.

San Mateo 23:13

Saa ndi̱kaꞌan ka Jesús xiꞌin nda fariseo tin nda sínaꞌa ley Ndioxi, káchi ra saa: ―¡Ndaꞌvi ni ndóꞌo̱ fariseo xiꞌin ndóꞌo̱ sínaꞌa ley Ndioxi! ¡Vaxi kivi ta ndoꞌo ni ndo xaꞌa ya uvi yuꞌu ndo! Saa chi ndíkasi ndo yeꞌe ya kúu ichí nuu yaꞌa naꞌa kiꞌvi na nuu xáꞌnda chiñu Ndioxi. Ni köo kíꞌvi mií ndo ta ni köo táxi ndo kiꞌvi na.

San Mateo 25:1

Saa ndi̱kaꞌan Jesús, káchi ra saa: ―Ná ndituꞌun i xiꞌin ndo ndá kuꞌva koo tá ná kaꞌnda chiñu Ndioxi ñuu ivi yóꞌó. Saa ndo̱ꞌo uxi ná kuâán vali ná kuaꞌan nuu viko tíndaꞌa. Uxi saa ná níꞌi ñu̱ꞌu̱ túun ná kuaꞌan ná ndikiꞌin ná ra tíndaꞌa.

San Mateo 25:14

Saa ndi̱kaꞌan ka Jesús, káchi ra saa: ―Ná ndituꞌun i inka tuꞌun ndíchi xiꞌin ndo, ya kundaa ini ndo ndá kuꞌva koo kaꞌnda chiñu Ndioxi ñuu ivi yóꞌó. Saa ndo̱ꞌo iin ra, ndi̱kani ini ra kuꞌun xíka ra. Ñaa ka̱na ra nda xáa chiñu nuu ra, si̱kuiso chiñu ra nda xiꞌin ndiꞌi ñaꞌa kuika veꞌe ra.

San Mateo 4:17

Saa xa̱á Jesús káꞌan ndoso ra tuꞌun Ndioxi xiꞌin naꞌa, káchi ra saa: ―Ndiko koo ini ndo xaꞌa ya väꞌa íkan ndo, chi xa yati ni íyo ichí ya xáꞌnda chiñu Ndioxi nuu kutaku ndo ―káchi Jesús xiꞌin na.

San Mateo 4:23

Saa xíka Jesús ndiꞌi ni kúu ñuu ya ñúꞌu estado Galilea, ta sínaꞌa ra ini veꞌe ñuꞌu sinagoga, saa káꞌan ndoso ra tuꞌun vaꞌa xaꞌa ichí ya xáꞌnda chiñu Ndioxi, ta si̱ndaꞌa ra naꞌa, na ndee ndóꞌo̱ xiꞌin ndiꞌi saa nuu kueꞌe.

San Mateo 5:10

’Vaꞌa ni kée ndo tá tu íyo naꞌa, na xáa ndikuu xiꞌin ndo xaꞌa ya kúni ndo ikan ndo ya vaꞌa, ya ndaa, chi ndóꞌo̱ ku ndo ndíkun ichí nuu xáꞌnda chiñu Ndioxi.

San Mateo 5:3

―Vaꞌa ni kée ndo tá tu kúndaa ini ndo ya kúndáꞌvi ni ndo, ta xíniñuꞌu ni ndo Ndioxi, chi ndóꞌo̱ ku ndo kúu mií ichí koo ndo nuu xáꞌnda chiñu Ndioxi.

San Mateo 6:10

Ta ná kixiun kaꞌnda chiñu un ñuu ivi yóꞌó. Tá kuꞌva xáꞌnda chiñu un nuu ndivi saa ná koo ya ikan na ñuu ivi yóꞌó.

San Mateo 6:33

Ndinuꞌu ni ini ndo kundikun ndo ichí nuu xáꞌnda chiñu Ndioxi, saa íkan ndo ya vaꞌa nuu ra. Ta ndiꞌi ka ñaꞌa ya xíniñuꞌu ndo ta mií ra taxi ndiꞌi ya ndaꞌa ndo.

San Marcos 1:15

Ta ya káꞌan ra xiꞌin na kua yóꞌó: ―Vitin kua ti̱ndaa tiempo, ta xa ku̱yati ni ya xa̱á Ndioxi kaꞌnda chiñu ra nuu na ñuu ivi yóꞌó. Yakan kuni soꞌo ndo ya káꞌan i xiꞌin ndo, ta xinu ini ndo ndiko koo ndo nuu Ndioxi, ta kandixa ndo ya vaꞌa yóꞌó ―káchi Jesús xiꞌin na.

San Marcos 1:4

Saa ku̱u nuu xa̱á ra Juan síkuchi ra naꞌa iku yuyu. Saa káꞌan ra xiꞌin na ya ndinuu ini na ná ndiko koo ini na xaꞌa kuachi na, ta saa kuchi na, saa xaa kaꞌnu ini Ndioxi xaꞌa kuachi na, káchi ra xiꞌin na.

San Marcos 6:12

Saa ka̱na koo nda kuaꞌan nda, káꞌan nda xiꞌin naꞌa ya ná ndiko koo ini na xaꞌa kuachi na, ta ndiko koo na nuu Ndioxi.

San Lucas 1:16

Ta kuaꞌa ni na kúu seꞌe ra Israel sindiko koo ra ichí Ndioxi.

San Lucas 11:20

Ta yeꞌe, xaꞌa ya kúu mií i ndee Ndioxi, yakan vaꞌa táva i tachi nduvaꞌa, ya yóꞌó kua sínaꞌa teꞌe nuu ndo ya xa ti̱ndaa ya xáꞌnda chiñu Ndioxi nuu ndo ―káchi Jesús xiꞌin na.

San Lucas 13:3

Süvi ya ndaa kua. Nda ni mií ndo ta saa kundoꞌo tu ndóꞌo̱ va ndiꞌi xaꞌa ndo tá tu köo xíin ndo ndiko koo ini ndo xaꞌa kuachi ndo.

San Lucas 13:5

Süvi ya ndaa kua. Nda ni mií ndo, ta saa kundoꞌo ndo ndiꞌi xaꞌa ndo tá tu köo xíin ndo ndiko koo ini ndo xaꞌa kuachi ndo ―káchi Jesús xiꞌin na.

San Lucas 15:10

Ya ndaa kua kúsini ni ná yóꞌó chi saa kúsini ni na tatun Ndioxi nuu ndivi xiꞌin iin naꞌa na ndíko koo ini xaꞌa ya väꞌa íkan na ―káchi Jesús xiꞌin na.

San Lucas 15:7

Ya ndaa kua kúsini ni ndo tá nde̱ta iin kiti sana ndo ti nda̱ñuꞌu. Tá kuꞌva kúsini ndo xiꞌin sana ndo, saa kúsini Ndioxi xiꞌin iin naꞌa na i̱kan ya väꞌa kivi ndíko koo na nuu ra. Kúsini ni ka va ra xiꞌin na yóꞌó nuu na vaꞌa, na xa íyo xiꞌin Ndioxi, na köo xíniñuꞌu ndiko koo ini ―káchi Jesús xiꞌin na.

San Lucas 16:30

Ñaa ndi̱kuiin ra kuika ikán káꞌan ra: “Saa ndixa va tata, sundi tá tu ná nditaku iin na ndíi kuꞌun na ndituꞌun na xiꞌin nda ta ndiko koo va ini nda”, káchi ra.

San Lucas 21:31

Tá vaꞌa kúndaa ini ndo ndá seña kua táxi itun, ta saa kundaa tu ini ndo xaꞌa seña ya kuu, kundaa ini ndo xa ku̱yati kivi kaꞌnda chiñu Ndioxi.

San Lucas 24:47

Ta naꞌa na ndíkun sata ra tixin kivi ra taxi ra ndee ndaꞌa na kuꞌun na ndituꞌun na xiꞌin ndiꞌi kúu na ñuu ivi. Xiꞌna ñuu Jerusalén xáa na kaꞌan na xiꞌin naꞌa, ya ná ndiko koo ini na xaꞌa kuachi na, saa xaa kaꞌnu ini Ndioxi xaꞌa kuachi na”, káchi ya ta̱a na.

San Lucas 6:20

Saa ndi̱koto Jesús nuu nda ítaꞌan xiꞌin ra, ta ndi̱kaꞌan ra xiꞌin nda, káchi ra saa: ―Vaꞌa ni kée ndóꞌo̱ ndaꞌvi, kusini ni ndo saa chi ndóꞌo̱ ku ndo ndíkun ichí nuu xáꞌnda chiñu Ndioxi.

San Lucas 9:2

Ñaa ti̱ꞌvi ra nda kuaꞌan nda, kaꞌan ndoso nda tuꞌun Ndioxi ta saa kuchiñu ra kaꞌnda chiñu ra nuu na. Ta ndi̱kaꞌan tu ra xiꞌin nda ya sindaꞌa nda na kúꞌvi va.

Los Hechos 11:18

Tá xi̱ni soꞌo na ya ndi̱kaꞌan ra Pedro, ta ku̱taxin yuꞌu na. Ñaa xa̱á káꞌan na ya vaꞌa xaꞌa Ndioxi, káchi na saa: ―Tá tu saa ku̱u, ta kúni kachi ya, nda na köo kúu judío va ta̱xi Iva yo Ndioxi ichí ndaꞌa ya ndiko koo ini na xaꞌa kuachi na, ta saa kutaku na xiꞌin ra ―káchi na.

Los Hechos 17:30

Xinaꞌa ta köo ndi̱xaa ndikuu Ndioxi xiꞌin yo köo ndi̱kundaa ini xaꞌa ra. Sundi vitin ta xáꞌnda chiñu ra nuu ndiꞌi kuu yo ñuu ivi ya ná ndiko koo ini yo, sindoo yo ichí väꞌa kuaꞌan yo.

Los Hechos 2:38

Saa ndi̱kuiin ra Pedro káꞌan ra xiꞌin nda káchi ra saa: ―Ndiko koo ini ndo xaꞌa ndiꞌi kuachi ndo. Ta saa kuchi ndo tixin kivi Jesucristo ya ná xaa kaꞌnu ini Ndioxi xaꞌa kuachi ndo. Saa kua ndikiꞌin ndo Tachi Ií ra koo ya xiꞌin ndo.

Los Hechos 20:21

Ndi̱kaꞌan ndoso i tuꞌun ra xiꞌin na kúu judío tin na köo kúu judío, ya xíniñuꞌu na ndiko koo ini na xaꞌa kuachi na nuu Ndioxi, saa xáa na kundaa ni ini na kuni na Tata yo Jesucristo.

Los Hechos 26:20

Ndikun xa̱á i káꞌan i xiꞌin na, xiꞌna na ndóo ñuu Damasco xa̱á i káꞌan i xiꞌin, tá ndi̱ꞌi ikán ta xa̱á i káꞌan i xiꞌin na ndóo ñuu Jerusalén, saa ndi̱xaꞌan i ndiꞌi ka inka ñuu ya ñúꞌu estado Judea. Saa ke̱e tu i ndi̱xaꞌan i nda inka ñuu nuu ndóo na köo kúu judío. Ndi̱xaꞌan i ndi̱kaꞌan ndoso i xiꞌin na ya ná ndiko koo ini na nuu Ndioxi, saa ikan na ya vaꞌa xaꞌa ya ndi̱ko koo ini na nuu ra.

Los Hechos 3:19

Saa ndi̱kaꞌan ka ra xiꞌin na káchi ra saa: ―Na taꞌan yo, ndiko koo ndo nuu Ndioxi, ta ndiko koo ini ndo xaꞌa kuachi ndo, ta saa xaa kaꞌnu ini ra xaꞌa kuachi ndo. Ikan ndo saa, ta chindee Ndioxi ndóꞌo̱ ndikiꞌin ndo ini ndo koo vaꞌa ini ndo.

2 Corintios 7:10

Saa chi tá táxi Ndioxi kúsuchi ini yo ta ya vaꞌa mií va yo kua, ta süvi xaꞌa ya síndikava ra ini yo kua ndóꞌo yo saa, chi xaꞌa ya ndíko koo ini yo ndínama ini yo nuu Ndioxi va kua ndóꞌo yo saa, ta saa kuchiñu yo kaku yo. Ta íyo inka ya kúsuchi ini naꞌa, na ndíkun ichí ñoo ivi yóꞌó. Ta ya suchi ini ndóꞌo na ta ya chíndaꞌa na kuꞌun na ichí nuu kuvi va na kua.

Colosenses 1:13

Ndioxi ku ra sa̱ña ndika yoo nuu ndee ya xáꞌnda chiñu nuu naá. Ta si̱yaꞌa ra yoo ndi̱kiꞌvi yo ndikundoo yo xiꞌin ra nuu xáꞌnda chiñu Seꞌe ra, ra kúꞌvi ni ini ra xíni ra.

2 Timoteo 2:25

Ta vaꞌa vií ndikani un nuu naꞌa, na köo xíin kandixa tuꞌun Ndioxi, án sana niꞌi na ya vaꞌa nuu Ndioxi ta ndisama nima na, ya ná kundaa ini na xaꞌa ya ndaa.

HEBREOS 6:1

Ná kuaꞌnu ka yo xiꞌin tuꞌun Ndioxi nda ná xinu koo yo kuu yo tá íyo na xa xa̱ꞌnu. Ta ná ndïko koo tuku yo ikan yo taꞌan ñaꞌa ya xa si̱naꞌa na yoo tá xaꞌa. Chi tá xaꞌa ta si̱naꞌa na yo ya kundàà ni ini yo kuni yo Ndioxi, ta saa si̱naꞌa na yo ya sindoo yo ñaꞌa ya väꞌa, ya köo ndáa yaꞌvi i̱kan yo tá yachi.

2 Pedro 3:9

Köo kuáchi vi Iva yo Ndioxi ya sixinu ra ya ki̱ndoo ra xaa súvi ra xiꞌin yo. Süvi tá kuꞌva ndíkani ini naꞌa, kuekuee ni kúu íkan ra, káchi na. Chi xaꞌa ya kaꞌnu ni ini ra xiꞌin yo kua íkan ra saa xiꞌin yo, saa chi köo kúni ra ndiꞌi xaꞌa nda iin naꞌa. Kúni ra ná ndiko koo ini na xaꞌa ya väꞌa íkan na, ta ná ndinama na kuꞌva íyo na.

El Apocalipsis 2:21

Ta xa kuaꞌa ni kivi ta̱xi i ndaꞌa yá nuu ndátun i ya ndiko koo ini yá xaꞌa kuachi yá, ta köo xíin yá sindikoo yá ya väꞌa íkan yá.

El Apocalipsis 2:5

Yakan xíniñuꞌu ndo ndikaꞌán ini ndo ndá kuꞌva ndi̱xiyo ndo tá yachi, tá sikan xa̱á ndo kándixa ndo yeꞌe. Ta nduku ndo kuꞌva ya kuchiñu ndo kuꞌvi tuku ini ndo kuni ndo yeꞌe, tá kuꞌva ku̱ꞌvi ni ini ndo xi̱ni ndo yeꞌe tá núnu̱ú. Chi tá tu ná ïkan ndo saa, ta xaa i nditaꞌan i ndóꞌo̱, saa sikutaꞌa i kàà ndo nuu ndíchi ya xíxi ñu̱ꞌu̱ ini ya.