San Mateo 26:3 - Xochapa Mixteco

³ Ta suvi mií tiempo ikán íyo nda sutu naꞌnu nuu sutu xiꞌin nda sínaꞌa ley Ndioxi xiꞌin na xikuaꞌa nuu na judío, ndi̱kitaꞌan ndiꞌi na yeꞌe veꞌe ra Caifás, ra kaꞌnu nuu ndiꞌi sutu.

San Mateo 26:3 Iomraidhean Croise

San Mateo 26:69

Tá kúu saa, ta índuꞌu ra Pedro keꞌe yeꞌe veꞌe mií ra ínuu nuu ndiꞌi sutu. Ñaa ndi̱xaa iin yá xáa chiñu veꞌe ra, ta ndi̱kaꞌan yá xiꞌin ra, Pedro, káchi yá saa: ―Saa tu yóꞌo̱ va, ra ítaꞌan xiꞌin Jesús, ra ke̱e chí Galilea ku tu yóꞌó va ―káchi yá xiꞌin ra.

San Mateo 27:27

Sindiꞌi saa ndi̱kundaka nda lapa xáa chiñu nuu ra Pilato Jesús kuaꞌan ra xiꞌin nda veꞌe chiñu kaꞌnu, saa ndi̱kaya ndiꞌi nda lapa, ta ndi̱kava nduu ndiꞌi nda sata ra.

San Marcos 14:54

Saa ndíkun xíka ra Pedro kuaꞌan ra sata Jesús, ta ndi̱xaa ra yeꞌe veꞌe sutu ikán, saa ndi̱kunduꞌu ra ndísaa ra nuu ñu̱ꞌu̱ xiꞌin nda policía.

San Marcos 14:66

Tá kúu saa ta xa índuꞌu ra Pedro keꞌe veꞌe sutu ra ínuu nuu ndiꞌi sutu, ta saa ke̱ta iin yá xáa chiñu nuu sutu ikán.

San Marcos 15:16

Saa ndi̱kiꞌin nda lapa Jesús kuaꞌan ra xiꞌin nda yeꞌe veꞌe chiñu, ta ikán ndi̱kaya taꞌan ndiꞌi ka nda.

San Lucas 22:55

Ta ndi̱kaꞌmi nda ñu̱ꞌu̱ keꞌe yéꞌé mií ra sutu ikán, ndóo nda ndísaa nda. Ñaa ndi̱kunduꞌu tu ra Pedro va tañu nda ndísaa ra xiꞌin nda.

San Lucas 3:2

Ta ra Anás xiꞌin ra Caifás ku nda ndi̱xiyo sutu nda naꞌnu nuu ndiꞌi sutu ñuu Israel. Suvi tiempo nuu ku̱u ndiꞌi nda ikán chiñu kua ndi̱kaꞌan Ndioxi xiꞌin ra Juan, seꞌe ra Zacarías iku yuyu.

San Juan 11:57

Ta nda fariseo xiꞌin nda sutu naꞌnu xa̱ꞌnda nda chiñu, tá ndá naꞌa xi̱ni ra ta kama ni ná taxi na chiñu ya kuꞌun na tiin ñaꞌa na nda mií nuu ndíkaa ra.

San Juan 18:24

Saa ti̱ꞌvi ra Anás Jesús kuaꞌan ra nuu ra Caifás, ra ínuu nuu ndiꞌi sutu. Ta núꞌni Jesús kuaꞌan ra nuu ra ikán.

San Juan 18:28

Ta naꞌa ni kua ta̱va na Jesús veꞌe ra Caifás, ta ndáka na ra kuaꞌan ra veꞌe chiñu kaꞌnu nuu ra gobernador. Ta köo ndi̱xiin nda kiꞌvi nda xiꞌin Jesús nuu ra ikán, xaꞌa ya köo kúni nda kuyakua nda ta saa vaꞌa kuxini nda viko pascua.