San Mateo 26:2 - Xochapa Mixteco

² ―Xíni ndo soo uvi kivi kúmani, saa kana viko pascua. Saa nditaxi na yeꞌe, Taa ra xa̱a ñuu ivi yóꞌó, nditaxi na yeꞌe ndaꞌa naꞌa, na sáa ini xíni yeꞌe, ta na ikán chinuu yeꞌe ndaꞌa cruzin nuu kuvi i ―káchi Jesús xiꞌin nda ítaꞌan xiꞌin ra.

San Mateo 26:2 Iomraidhean Croise

San Mateo 10:4

Xiꞌin inka ra náni Simón, ra ndíkaa xiꞌin partido na náni cananeo, inka ra náni Judas Iscariote, ra ndi̱xiko vata Jesús nuu na sáa ini xíni ñaꞌa.

San Mateo 17:22

Tá xíka Jesús xiꞌin nda ítaꞌan xiꞌin ra estado Galilea, saa ndi̱kaꞌan ra xiꞌin nda, káchi ra saa: ―Vaxi kivi ta iin taa taxi ra yeꞌe kúu Taa ra xa̱a ñuu ivi yóꞌó, nditaxi ra yeꞌe ndaꞌa na sáa ini xíni yeꞌe.

San Mateo 27:4

Saa ndi̱kaꞌan ra xiꞌin nda, káchi ra saa: ―Ndee ni ndee kuachi i̱kan i chi ndi̱taxi i taa ra vaꞌa, ra köo kuachi kúu mií ndaꞌa ndo, ya kaꞌni ndo ra ―káchi ra xiꞌin nda. Saa ndi̱kuiin nda, káꞌan nda: ―¡Unkua ndóꞌo vi ndeꞌe! ¡Köo xáꞌni ka nde mií nde! ¡Kuachi mií va un kua! ―káchi nda xiꞌin ra.

San Lucas 22:15

Saa ndi̱kaꞌan ra xiꞌin nda, káchi ra saa: ―Yachi vi kúni ni i kuxini i xiꞌin ndo viko pascua yóꞌó. Ta vitin kua ti̱ndaa kivi ya kuxini i xiꞌin ndo yachi ka tá täꞌan kundoꞌo ni i.

San Juan 11:55

Ta kúmani siloꞌo saa tindaa viko pascua ya xákin na judío. Ta kuaꞌa ni na íyo ñuu vali ke̱e na kuaꞌan na ñuu Jerusalén, yachi ka kuaꞌan na xaa súvi na xiꞌin mií na ta saa kuu mií na ichí kuyati na nuu Ndioxi xaa toꞌo na ra.

San Juan 12:1

Ta kumani ka iñu kivi ya xáa viko pascua, ta ke̱e Jesús kuaꞌan ra ñuu Betania, nuu íyo ra Lázaro, ra ndi̱xiꞌi, ta si̱taku Jesús ra.

San Juan 18:2

Ta ra Judas ndi̱xiko vata Jesús, ta xíni vaꞌa ra ñaꞌñu ikán chi kuaꞌa ni ichí ndi̱kitaꞌan Jesús xiꞌin nda ítaꞌan xiꞌin ra ñaꞌñu ikán.

San Juan 18:32

Ndi̱kaꞌan nda saa nuu ndi̱xinu ya xa ndi̱kaꞌan Jesús yachi, ndá kuꞌva kua kundoꞌo ra kuvi ra.

San Juan 2:13

Tá xa tindaa kivi kana viko pascua ya táva na judío ta ke̱e Jesús kuaꞌan ra viko ñuu Jerusalén.