San Mateo 21:3 - Xochapa Mixteco

³ Tá ndi̱taꞌan ndo naꞌa káꞌan na xiꞌin ndo: “¿Ndachu ndáxin ndo ri?” káchi na xiꞌin ndo. Saa ndikuiin ndo kaꞌan ndo xiꞌin na: “Tata yo, ra chee nuu yo xíniñuꞌu ri, tá ndi̱ꞌi xi̱niñuꞌu ra ri ta kama ni sindiko koo ra ri ndaꞌa ndo”, kachi ndo xiꞌin na ―káchi Jesús xiꞌin nda.

San Mateo 21:3 Iomraidhean Croise

San Mateo 21:2

káchi ra saa: ―Kuáꞌan ndo ñuu ya xíto ndaa kaá. Tá ndi̱xaa ndo, ta nditaꞌan ndo iin burru tiatan núꞌni ri xiꞌin seꞌe loꞌo ri. Saa ndaxin ndo ri ta kundaka ndo uvi saa ri kixi xiꞌin ndo.

San Mateo 21:4

Saa ku̱u nuu ndi̱xinu ndiꞌi ya ndi̱kaꞌan Ndioxi xiꞌin ra profeta, ra ndi̱kaꞌan tuꞌun yuꞌu Ndioxi xinaꞌa ta̱a ra, chi ya ta̱a ra ikán, káchi ya soꞌva:

San Juan 17:2

Chi yóꞌo̱ ku ra ta̱xi ichí ndaꞌa i xaꞌa ndiꞌi na ñuu ivi na ta̱xi un ndaꞌa i yóꞌó, ya ná taxi i ichí ndaꞌa na kutaku na ndiꞌi saa kivi.

San Juan 3:35

Iva yo Ndioxi ta kúꞌvi ni ini ra xíni ra Seꞌe ra, yakan kua ta̱xi ndiꞌi ra ñaꞌa ndaꞌa Seꞌe ra.

Los Hechos 17:25

Ta nda iin ñaꞌa köo xíniñuꞌu ra taxi naꞌa ndaꞌa ra, chi suvi mií ra ku ra si̱kuaꞌa ndiꞌi va ya. Ta síniꞌi ra tachi ndíxita yo ya vaꞌa táku yo, saa táxi ra ndiꞌi ñaꞌa xíniñuꞌu yo ndaꞌa yo.

2 Corintios 8:16

Táxi ni i tixaꞌvi ndaꞌa Ndioxi xaꞌa ra Tito, ñani yo, chi chi̱kaa Ndioxi ya vaꞌa ini ra, ya ndíkani ini ra tá kuꞌva ndíkani ini yeꞌe, ya chindee taꞌan nde xiꞌin ndo.

2 Corintios 8:9

Chi xa xíni mií ndo ya kúꞌvi ni ini mií Tata yo Jesucristo xíni ra yoo kua nda̱sa ndaꞌvi ra mií ra, vani kuika ni ndi̱xiyo ra ta saa nda̱sa ndaꞌvi ra mií ra xaꞌa ndóꞌo̱, ya ná ndukuika ndo.

Santiago 1:17

Chi ndiꞌi ñaꞌa ya vaꞌa xiꞌin ya ndaa níꞌi yo, ta chí ni̱nù vaxi ndiꞌi ya, nuu mií Iva yo ra si̱kuaꞌa kiti kimi xiꞌin ndiꞌi ñaꞌa ya íyo nuu ndivi ni̱nù nuu íyo ra, nuu yéꞌe̱ ndiꞌi saa kivi, ta köo ndínama nuu íyo ra, ni köo kúnaá, ta nuu mií ra kua vaxi ndiꞌi ya.