San Mateo 2:3 - Xochapa Mixteco

³ Tá ku̱ndaa ini ra rey Herodes xaꞌa tuꞌun ya ndi̱kaꞌan nda ndíchi ikán, ta ndi̱ndiꞌi ni ini ra. Saa ndíꞌi ni tu ini ndiꞌi na ñuu Jerusalén va.

San Mateo 2:3 Iomraidhean Croise

San Mateo 2:2

Saa tá ndi̱xaa nda ta ndi̱ndakan tuꞌun nda na ñuu Jerusalén, káchi nda saa: ―¿Mií kua ka̱ku ra loꞌo, ra kúu rey nuu na Judío? Saa chi nuu kéta ñu̱ꞌù xi̱ni nde ke̱ta kimi, saa ku̱ndaa ini nde xa ka̱ku ra, yakan vaxi nde koto nde ra, xaa kaꞌnu ñaꞌa nde ―káchi nda ndíchi ikán.

San Mateo 2:4

Saa ku̱u nuu ndi̱kaya ndiꞌi ra rey Herodes nda naꞌnu nuu sutu, xiꞌin nda maestro nda sínaꞌa ya ta̱a ra Moisés, ta ndi̱ndakan tuꞌun ra nda mií kua kaku ra kúu Cristo, ra vaxi sikaku na ñuu ivi.

San Mateo 23:37

Saa ndi̱kaꞌan tuku Jesús, káchi ra saa: ―¡Ndóꞌo̱ ñuu Jerusalén, kúsuchi ni ini i xíni i ndóꞌo̱, saa chi ndóꞌo̱ xáꞌni nda profeta ku ndo, ta káni ndo yu̱ú sata nda ti̱ꞌvi Ndioxi vaxi kaꞌan ndoso tuꞌun ra xiꞌin ndo. ¡Ndisaa vi ichí ndi̱kani ini i xiꞌin ndo ndikaya i ndóꞌo̱, tá kuꞌva ndíkaya nduxi tiatan seꞌe ri kuakee na tixin ri, saa ku̱ni i ikan i xiꞌin ndo, ta köo ndi̱xiin ndo!

San Mateo 24:6

Tá xíni soꞌo ndo káꞌan naꞌa, íyo kuachi xáꞌni taꞌan na ñuu íyo yati án ñuu xika ni, ta ku ïꞌvi ndo. Saa chi nduxa saa xíniñuꞌu kuu, sundi süvi ya xa ndiꞌi xaꞌa ku ñuu ivi.

San Mateo 8:29

Ñaa iin ndi̱ndaꞌi koꞌo uvi saa nda, káchi nda saa: ―¿Unkua kúni un ikan un xiꞌin nde, Jesús? Kïꞌvi un xiꞌin nde saa chi Seꞌe Ndioxi ku yóꞌo̱. ¿Án xa̱a un ya xaa nduvaꞌa un xiꞌin nde, yachi ka tá täꞌan tindaa tiempo? ―káchi nda xiꞌin Jesús.

San Marcos 13:7

’Saa tá xa̱á xíni soꞌo ndo íyo kuachi ñuu yati án ñuu xika, ta ku ïꞌvi ndo. Saa chi nduxa saa xíniñuꞌu kuu, sundi süvi ya xa ndiꞌi xaꞌa ku ñuu ivi.

Los Hechos 4:2

Sáa ka vi nda xiꞌin ra Pedro tin ra Juan xaꞌa ya káꞌan nda xiꞌin naꞌa ya ndi̱taku Jesús. Ta xaꞌa ya ndo̱ꞌo ra saa kua si̱naꞌa ra mií ra nuu naꞌa ya nditaku na, chi saa ndo̱ꞌo Jesús, ndi̱taku ra, káchi nda xiꞌin na.