San Mateo 10:3 - Xochapa Mixteco

³ Xiꞌin ra Felipe, inka ra náni Bartolomé xiꞌin ra Tomás tin inka ra náni Mateo, ra ndíkaya xuꞌun nuu na gobierno, inka ra náni Jacobo seꞌe ra Alfeo ku ra, xiꞌin ra Lebeo, ra káꞌan na xiꞌin Tadeo.

San Mateo 10:3 Iomraidhean Croise

San Mateo 18:17

Tá köo ndíxiin ra kuni soꞌo ra ya káꞌan ndo xiꞌin ra, ta vaꞌa ndituꞌun ndo xiꞌin na veꞌe ñuꞌu xaꞌa ya íkan ra. Tá tu köo ndíxiin ra kuni soꞌo ra ni ya káꞌan na veꞌe ñuꞌu xiꞌin ra, ta kütaꞌan ka ndo xiꞌin ra, vaꞌa ikan ndo tá íkan ndo xiꞌin naꞌa na, na köo xíni Ndioxi án na ndíkaya xuꞌun kuaꞌan ndaꞌa gobierno ñuu Roma.

San Mateo 27:56

Tañu ná ikán ndíkaa yá María Magdalena xiꞌin yá María, siꞌí ra Jacobo xiꞌin ra José, xiꞌin inka siꞌí uvi saa nda seꞌe ra Zebedeo.

San Mateo 9:9

Tá ndiꞌi ikán, saa ke̱e Jesús yáꞌa ra kuaꞌan ra, ta ikán xi̱ni ra iin taa, ra náni Mateo. Índuꞌu ra xáa chiñu ra, ndíkaya ra xuꞌun nuu gobierno ñuu Roma. Saa ndi̱kaꞌan Jesús xiꞌin ra, káchi ra saa: ―Naꞌa, kundikun un yeꞌe ―káchi ra xiꞌin ra. Saa ndi̱kundichi ra Mateo ndi̱kiꞌin ra kuaꞌan ra xiꞌin Jesús.

San Marcos 15:40

Saa ndóo xíka tu sava ná ñaꞌa va. Tañu ná ikán ndíkaa yá María Magdalena, xiꞌin yá María siꞌí ra José xiꞌin ra Jacobo ra ku loꞌo, saa ndíchi tu yá Salomé va xiꞌin ná.

San Marcos 2:14

Tá ndiꞌi ikán ta ndi̱kiꞌin ra kuaꞌan ra, saa ndi̱yaꞌa ra iin ñaꞌñu nuu ndíkaya na xuꞌun kuaꞌan ndaꞌa na ñuu Roma. Ta ikán índuꞌu ra Leví, seꞌe ra Alfeo, xáa chiñu ra. Saa ndi̱kaꞌan Jesús xiꞌin ra, káchi ra saa: ―Naꞌa koꞌyo xiꞌin i ―káchi ra xiꞌin ra. Saa ndikun si̱ndoo ra chiñu ra, ta ndi̱kundichi ra kuaꞌan ra xiꞌin Jesús.

San Marcos 3:18

Inka ra náni Andrés, inka ra náni Felipe, inka ra náni Bartolomé, inka ra náni Mateo, inka ra náni Tomás, inka ra náni Jacobo, seꞌe ra Alfeo, inka ra náni Tadeo, inka ra náni Simón ra xi̱ndikaa xiꞌin na partido náni Cananeo,

San Lucas 18:10

―Saa ndo̱ꞌo uvi nda taa, ke̱e nda kuaꞌan nda veꞌe ñuꞌu kaꞌan nda xiꞌin Ndioxi. Iin ra ikán ku fariseo ta inka ra kúu ra ndíkaya xuꞌun kuaꞌan ndaꞌa gobierno.

San Lucas 18:11

Ta ra fariseo ikán káꞌan ra xiꞌin Ndioxi, káchi ra saa: “Tata, táxi ni i tixaꞌvi ndaꞌa un saa chi köo káa i tá káa inka naꞌa, köo kuiꞌna i, ni köo íyo i kuachi xiꞌin inka naꞌa, ni xiꞌin yá síꞌi inka taa köo xíka i, ta ni süvi tá káa ra ndíkaya xuꞌun kuaꞌan ndaꞌa gobierno yóꞌó saa káa i.

San Lucas 18:13

Ta inka ra ndíkaya xuꞌun kuaꞌan ndaꞌa gobierno, ndi̱kundichi xika ra, ni köo xáꞌa ndee ini ra ndaniꞌi ra nuu ra, vaꞌa ka ndi̱kuita ndee ra nuu ñuꞌú, tíin ndaa ra xiní ra, káchi ra saa: “Tata Iva yo Ndioxi, kundaꞌvi ini un kuni un yeꞌe, saa chi ra ivi kuachi ku i”, káchi ra ndíchi ra.

San Lucas 19:2

Ta nuu ndi̱yaꞌa ra ikán índuꞌu iin ra náni Zaqueo, ra ínuu nuu na ndíkaya xuꞌun kuaꞌan ndaꞌa gobierno ku ra, ta kuika ni ra.

San Lucas 5:27

Sindiꞌi ikán ke̱e Jesús kuaꞌan ra, ndi̱yaꞌa ra nuu ndíkaa iin ra náni Leví, ra xáa chiñu nuu gobierno ñuu Roma ku ra, saa índuꞌu ra nuu cháꞌvi na xuꞌun. Tá ndi̱yaꞌa Jesús ta ndi̱kaꞌan ra xiꞌin ra, káchi ra saa: ―Naꞌa koꞌyo xiꞌin i ―káchi ra.

San Juan 1:48

Saa ndi̱kaꞌan ra Natanael, káchi ra saa: ―¿Ndachu vaꞌa xíni un yeꞌe? ―káchi ra. Ta ndi̱kuiin Jesús káꞌan ra: ―Yachi ka tá täꞌan kana ra Felipe yóꞌo̱ vi kua, xi̱ni i yóꞌo̱ íyo un xaꞌa itun higo ―káchi Jesús xiꞌin ra.

San Juan 11:16

Saa ndi̱kaꞌan ra náni Tomás, ta káꞌan tu na xiꞌin ra náni ra Dídimo va, ndi̱kaꞌan ra xiꞌin nda ítaꞌan xiꞌin ra, káchi ra saa: ―Ná koꞌo yo kuvi tu yoo va xiꞌin ra ―káchi ra.

San Juan 14:22

Saa ndi̱kaꞌan inka ra Judas, süvi ra Judas Iscariote ku ra ikán, ndi̱kaꞌan ra xiꞌin ra, káchi ra saa: ―Tata, ¿ta ndá xaꞌa kua ndisaa ndeꞌe sinaꞌa un mií un nuu, ta sïnaꞌa un mií un nuu na ñuu ivi? ―káchi ra xiꞌin ra.

San Juan 14:5

Saa ndi̱kuiin ra Tomás káꞌan ra xiꞌin Jesús, káchi ra saa: ―Tata, köo xíni nde nuu kuꞌun un, ta ¿unkua ikan nde kundaa ini nde ichí nuu kuꞌun un? ―káchi ra xiꞌin ra.

San Juan 14:9

Saa ndi̱kuiin Jesús káꞌan ra: ―Felipe, xa naꞌá ni íyo i xiꞌin ndo ta, ¿án täꞌan kundaa ini un unku i? Na xíto xiꞌin nuu yeꞌe, ta xíto xiꞌin nuu tu na Iva va i. ¿Ta ndachu káꞌan un xiꞌin i sinaꞌa i ra nuu ndo?

San Juan 21:2

Ta iin káchi íyo ra Simón Pedro xiꞌin ra Tomás, ra káꞌan na xiꞌin Dídimo, xiꞌin inka ra Natanael, ra ñuu Caná, estado Galilea. Saa íyo uvi saa nda seꞌe ra Zebedeo xiꞌin inka uvi nda xi̱taꞌan xiꞌin Jesús.

Los Hechos 1:13

Saa tá ndi̱xaa nda ñuu Jerusalén, ta nda̱a nda piso ni̱nu̱ nuu ndóo nda. Ta nda ndi̱xaa ikán ku nda, kúu ra Pedro, tin ra Jacobo, xiꞌin ra Juan, inka ra Andrés, tin ra Felipe, xiꞌin ra Tomás, tin ra Bartolomé, xiꞌin ra Mateo, tin ra Jacobo seꞌe ra Alfeo, inka ra Simón ra Zelote ra ka̱nitaꞌan xiꞌin na chiñu nuu gobierno ndi̱xiyo ra ikán, tin inka ra Judas ñani ra Jacobo.

Los Hechos 12:17

Saa i̱kan ra seña nuu na ya ná kutaxin yuꞌu na. Ta saa ndi̱tuꞌun ra xiꞌin na ndá kuꞌva ta̱va Tata yo ra veꞌe kàà. Ta káꞌan ra xiꞌin na, káchi ra saa: ―Ndituꞌun ndo ya yóꞌó xiꞌin ra Jacobo tin ndiꞌi ka na taꞌan yo na kándixa Jesús ―káchi ra xiꞌin na. Saa ke̱e ra ndi̱kiꞌin ra kuaꞌan ra inka ñaꞌñu.

Los Hechos 15:13

Tá sindiꞌi nda ndi̱kaꞌan nda, ta saa xa̱á inka ra Jacobo káꞌan ra xiꞌin na, káchi ra saa: ―Na taꞌan yo, kuni soꞌo ndo ná kaꞌan i xiꞌin ndo.

Los Hechos 21:18

Saa inka kivi ke̱e ra Pablo kuaꞌan ra xiꞌin nde koto nde ra Jacobo saa ndóo ndiꞌi na xikuaꞌa, na ndíso chiñu xiꞌin na veꞌe ñuꞌu.

Gálatas 1:19

Ta nda iin nda apóstol täꞌan kuni taꞌan i xiꞌin tiempo ikán, ndisaa ra Jacobo, ñani Tata yo Jesucristo ku ra xi̱ni taꞌan i xiꞌin.

Gálatas 2:9

Ta nda ñani yo ra Jacobo xiꞌin ra Pedro tin ra Juan, nda ikán ku nda ndíso chiñu xiꞌin na veꞌe ñuꞌu ñuu Jerusalén. Saa ndi̱kuni nda ikán yeꞌe ya ta̱xi Ndioxi chiñu ndaꞌa i xáa chiñu i nuu ra, ñaa ti̱in nda ndaꞌa i xiꞌin ra Bernabé ñani yo, ya ná kuꞌun ndeꞌe xaa chiñu nde xiꞌin na köo kúu judío ta mií nda ku nda xaa chiñu xiꞌin na judío.

Santiago 1:1

Yeꞌe Santiago, ra xáa chiñu nuu Ndioxi xiꞌin nuu Tata yo Jesucristo ku i táa tutu yóꞌó xaa ya ndaꞌa ndiꞌi uxi uvi saa iin iin tiꞌvi ndóꞌo̱ ñani yo, na Israel, na kúu ñuu Iva yo Ndioxi, na ndi̱xita niꞌnu ndóo ndiꞌi ni kúu xaꞌa ñuu ivi. Ta káꞌan ndioxi i xiꞌin ndo.

Judas 1:1

Yeꞌe, Judas, ñani ra Jacobo, ra xáa chiñu nuu Tata yo Jesucristo ku i táa tutu yóꞌó xaa ya ndaꞌa ndóꞌo̱ ka̱na ra, saa nda̱sa i̱í Iva yo Ndioxi ndóꞌo̱, ta ndáa ni Tata yo Jesucristo ndóꞌo̱.