Biblia Todo Logo
Bìoball air-loidhne

- Sanasan -




San Mateo 1:1 - Xochapa Mixteco

1 Ya yóꞌó ku tutu nuu vaxi kivi na xi̱kuu xii sikua Jesucristo ra kúu seꞌe sikua ra David, ta ra David ku ra xi̱kuu seꞌe sikua ra Abraham xinaꞌa.

Faic an caibideil Dèan lethbhreac




San Mateo 1:1
39 Iomraidhean Croise  

Soꞌva ku̱u nuu ka̱ku Jesús ra kúu Cristo: Yá María, siꞌí Jesús, ta xa íyo yuꞌu yá tindaꞌa yá xiꞌin ra José, ta täꞌan ka vi tindaꞌa na xiꞌin taꞌan na, ta xa ndi̱kee va seꞌe yá i̱kan Tachi I̱í Ndioxi.


Ta ra Abraham ku ra xi̱kuu iva ra Isaac, ta ra Isaac ku ra xi̱kuu iva ra Jacob xiꞌin nda ñani ra.


Ta iin ñaꞌa yá kúu seꞌe sikua na Canaán, süvi yá judío ku yá, ta vitin íyo yá inka ñaꞌñu náni Sirofenicia yati ñuu Tiro xiꞌin Sidón. Saa ndi̱xaa yá nuu Jesús ndee ni ndee ndi̱kaꞌan yá xiꞌin ra, káchi yá saa: ―¡Tata, seꞌe sikua ra David! ¡Kundaꞌvi ini un kuni un yeꞌe, ta chindee un yeꞌe xiꞌin seꞌe i! Ndee ni ndee ndóꞌó seꞌe síꞌi loꞌo i, tachi nduvaꞌa ki̱ꞌin yá ―káchi yá xiꞌin ra.


Tá síkuchi ñaꞌa ra, ñaa xa̱á ra kéta ra ini tikuii, saa xi̱ni ra xúna nuu ndivi. Ta ñaa ke̱ta Tachi Ndioxi vaxi ya, tá káa sata, saa káa ri ke̱ta vaxi.


Saa ke̱e Jesús kuaꞌan ra, ta ndi̱kundikun uvi nda kuáa̱ kuaꞌan nda sata ra, ndáꞌi koꞌo nda, káchi nda saa: ―Tata, seꞌe ra David, kundaꞌvi ini un kuni un ndeꞌe ―káchi nda.


Kuniꞌi ra ichí kaꞌnda chiñu ra nuu ndiꞌi na Israel. Nda iin kivi ndïꞌi xaꞌa chiñu ya kuu mií ra ―káchi tatun Ndioxi xiꞌin yá.


Chi tuꞌun Ndioxi ya ta̱a na xinaꞌa káchi ya saa: Ra kúu Cristo ta kaku ra tixin seꞌe sikua ta rey David, ta ñuu Belén nuu ndi̱xiyo ra rey David kee ra, káchi tuꞌun Ndioxi ―káchi na.


Sundi ra ndi̱kaꞌan ndoso tuꞌun yuꞌu Ndioxi ndi̱xiyo ra, ta ku̱ndaa ini ra xaꞌa tuꞌun ya ndi̱kaꞌan Ndioxi xiꞌin ra, nuu chi̱naꞌa ñaꞌa Ndioxi ya kaku iin taa tixin seꞌe sikua ra ñuu ivi yóꞌó, ta ra ikán ku ra ku Cristo, ra ndikunduꞌu nuu tai toꞌo nuu xi̱nduꞌu mií ra rey ikán.


Ta xaꞌa Tata yo Jesucristo ra kúu Seꞌe Ndioxi, ra chee nuu yo kua ndíkani tuꞌun vaꞌa ikán. Ta kúu Jesucristo Seꞌe sikua ra rey David, xaꞌa ya ka̱ku ra tá kuꞌva káku ndiꞌi yo ñuu ivi yóꞌó.


Ndi̱kaꞌan Ndioxi xiꞌin ra Abraham ya taxi ra ñuu ivi yóꞌó ndaꞌa ra xiꞌin na seꞌe sikua ra. Ta süvi xaꞌa ya xáa súvi ra ley Ndioxi kua taxi ra ya ndaꞌa ra xiꞌin na seꞌe sikua ra. Sundi xaꞌa ya kándixa ni ra Ndioxi kua ndu̱u ra ra vaꞌa, ra káa tá káa naꞌa, na köo ka kuachi kúu mií nuu Ndioxi.


Ra Abraham xiꞌin ra Isaac tin ra Jacob, nda yóꞌó ku xii sikua ndiꞌi nde ñuu Israel, ta xii sikua tu Jesucristo va ku nda. Xaꞌa ya ki̱xi Jesucristo ñuu ivi yóꞌó ta ndi̱xiyo ikin kuñu ra tá kuꞌva íyo mií yo, yakan kúu ra Ndioxi ra Chee ni nuu ndiꞌi ñaꞌa. Vaꞌa ná kunuu vaꞌa ni ya toꞌo ra ndiꞌi saa kivi ya vaxi. Saa ná koo.


Ta kuꞌva saa íyo ya ki̱ndoo Ndioxi xiꞌin ra Abraham xiꞌin iin ra kúu seꞌe ñani sikua ra, köo káꞌan ya xaꞌa kuaꞌa ni na seꞌe ñani sikua ra, iindaa va ra káꞌan ya xaꞌa, ta ra ikán ku Jesucristo, xaꞌa ra ikán káꞌan ya.


Ta iindaa va ku Iva yo Ndioxi, ta iindaa ku tu taa ra si̱kitaꞌan mani yoo va xiꞌin Iva yo Ndioxi, ta taa ikán ku ra ku Tata yo Jesucristo.


Ta nda iin ichí ndi̱ndoso ini un xaꞌa Tata yo Jesucristo, ra ndi̱xiꞌi, ta ndi̱taku ra tañu na ndíi, ra kúu seꞌe sikua ra rey David. Chi xaꞌa mií Tata yo Jesucristo kua káꞌan tuꞌun vaꞌa ya si̱naꞌa i ndiꞌi naꞌa.


Saa ndi̱kaꞌan tuku Tata yo Jesucristo, káchi ra saa: ―Yeꞌe ku Jesús, ta xa ti̱ꞌvi i tatun i ya xáa chiñu nuu i xa̱a ya kaꞌan ya ndiꞌi tuꞌun yóꞌó xiꞌin un. Saa chi kúni i ndituꞌun un xiꞌin ndiꞌi na veꞌe ñuꞌu, xaꞌa ya káa yeꞌe tá káa “Tioꞌo itun”, chi kúu i seꞌe ñani sikua ra rey David, ta káa tu i tá káa “Kimi kiti ndíyeꞌe ni tá xa túvi naꞌa” ―káchi Tata yo Jesucristo.


Lean sinn:

Sanasan


Sanasan