San Lucas 9:5 - Xochapa Mixteco

⁵ Tá ndá ñuu ndi̱xaa ndo köo xíin na ndikiꞌin vaꞌa na ndóꞌo̱, ta köo ndo ñuu na, kama kee ndo, ta ndiyakun ndo yaá xaꞌa ndo, ya ná kundaa ini na ya ku̱ndasi na tuꞌun Ndioxi ―káchi Jesús xiꞌin nda.

San Lucas 9:5 Iomraidhean Croise

San Mateo 10:18

Nda nuu na chiñu naꞌnu, na kúu gobierno án nuu nda rey, kundaka na ndóꞌo̱ kuꞌun ndo xaꞌa ya ndíkun ndo yeꞌe. Ta saa kuchiñu ndo kaꞌan ndo tuꞌun vaꞌa xaꞌa i xiꞌin na ikán tin na köo kúu judío.

San Marcos 6:11

Tá ndá ñuu ndi̱xaa ndo, köo xíin na ndikiꞌin vaꞌa na ndóꞌo̱, ni köo xíin na kuni soꞌo na ya káꞌan ndo, ta köo ndo ñuu na. Kana koo ndo kuaꞌan ndo, ta ndiyakun ndo yaa ñuu na ya chi̱chi sata nduxan ndo, ya ná kundaa ini na ku̱ndasi na tuꞌun Ndioxi. Ya ndaa káꞌan i xiꞌin ndo tá ná tindaa kivi sindiꞌi ya xaa nani Ndioxi kuachi xiꞌin na ñuu ivi yóꞌó, ta ndee ni ka uꞌvi sitixuꞌvi ra na ku̱ndasi tuꞌun ra nuu na väꞌa xi̱ndoo ñuu Sodoma xiꞌin ñuu Gomorra xinaꞌa ―káchi ra xiꞌin nda.

San Marcos 9:37

―Naꞌa, na ndíkiꞌin vií na vali taꞌan ra loꞌo yóꞌó xaꞌa ya kándixa na yeꞌe, ta yeꞌe kúu i ndíkiꞌin na, ta na ndíkiꞌin yeꞌe, ta süvi iindaa yeꞌe ku i ndíkiꞌin na, ndíkiꞌin tu na Ndioxi ra ti̱ꞌvi yeꞌe vaxi i ñuu ivi yóꞌó va ―káchi ra xiꞌin nda.

San Lucas 10:16

Ta saa ndi̱kaꞌan ra xiꞌin uni xiko uxi saa nda ikán, káchi ra saa: ―Ndiꞌi na ndíkiꞌin tuꞌun ya káꞌan ndóꞌo̱, tuꞌun yeꞌe kua ndíkiꞌin na. Ta ndiꞌi na kúndasi ndóꞌo̱, yeꞌe ku i kúndasi na. Ndiꞌi na kúndasi yeꞌe, Ndioxi ku ra kúndasi na ikán, saa chi Ndioxi ku ra ti̱ꞌvi yeꞌe vaxi i ñuu ivi yóꞌó ―káchi Jesús xiꞌin nda.

San Lucas 5:14

Ñaa ndi̱kaꞌan Jesús xiꞌin ra, ya ná käꞌan ra xiꞌin nda iin naꞌa ya ndu̱vaꞌa ra. Saa ndi̱kaꞌan ka Jesús xiꞌin ra, káchi ra saa: ―Xa ndu̱vaꞌa un ta vaꞌa kuꞌun un nuu sutu, ná koto ra yóꞌo̱. Saa taxi un kiti ndaꞌa ra xiꞌin inka ñaꞌa tá íyo ya káꞌan ley Ndioxi ya ta̱a ra Moisés, saa koo ya taxi un ndaꞌa ra. Tá sindiꞌi xa̱a nduvi ndiꞌi un ya, ta saa kundaa ini ndiꞌi naꞌa ya ndu̱vaꞌa un ―káchi Jesús xiꞌin ra.

San Lucas 9:4

Tá ndá ñuu ndi̱xaa ndo káꞌan na xiꞌin ndo kiꞌvi ndo koo ndo veꞌe na, ta vaꞌa kiꞌvi ndo koo ndo veꞌe na, nda kivi ná kee ndo ñuu na.

San Lucas 9:48

Ta saa ndi̱kaꞌan ra xiꞌin nda, káchi ra saa: ―Tá ndá naꞌa ndíkiꞌin vií na vali taꞌan ra loꞌo yóꞌó, ta yeꞌe ku i ndíkiꞌin na, ta na ndíkiꞌin yeꞌe, ndíkiꞌin na Iva i Ndioxi, ra ti̱ꞌvi yeꞌe vaxi i ñuu ivi yóꞌó. Saa ndiꞌi na ni̱nu̱ ni íin, na íin tá íin na vali, na yóꞌó ku na kúu mií chiñu ndee ni ka nuu ndiꞌi ndóꞌo̱ ―káchi Jesús xiꞌin nda.

Los Hechos 13:51

Saa ndi̱yakun nda yaa chi̱chi sata nduxan nda, ya ná kundaa ini na ndíso na kuachi xiꞌin mií na, chi ku̱ndasi na tuꞌun Ndioxi. Saa ke̱e nda ñuu Antioquía ikán ta ndi̱kiꞌin nda kuaꞌan nda ñuu Iconio.

Los Hechos 18:6

Ta köo xíin na ikán ndikiꞌin na tuꞌun káꞌan ra Pablo xiꞌin na. Ñaa xa̱á na kánaꞌa na xiꞌin ra. Saa ki̱si ra tikoto ra, ta ndi̱kaꞌan ra xiꞌin na, káchi ra saa: ―Käꞌan ka i xiꞌin ndo. Vitin ndíso mií ndo kuachi xaꞌa ndo, köo ndíso ka i kuachi ndo. Vitin ta kuꞌun i kaꞌan ndoso i tuꞌun Ndioxi xiꞌin na köo kúu judío ―káchi ra Pablo xiꞌin na.