San Lucas 9:3 - Xochapa Mixteco

³ Tá täꞌan kuꞌun nda ta ndi̱kaꞌan ka ra xiꞌin nda, káchi ra saa: ―Kuáꞌan ndo, ta nda iin ñaꞌa küꞌun xiꞌin ndo. Küniꞌi ndo itun, ni leka, ni xita, ni xuꞌun, ni tikoto ndo ya ndinama ndo küꞌun xiꞌin ndo. Nda iin ñaꞌa küꞌun xiꞌin ndo.

San Lucas 9:3 Iomraidhean Croise

San Marcos 6:7

Saa ku̱u ka̱na ra uxi uvi saa nda ítaꞌan xiꞌin ra, ta ti̱ꞌvi ra nda kuaꞌan nda kaꞌan ndoso nda tuꞌun Ndioxi. Tá uvi, tá uvi nda ti̱ꞌvi ra kuaꞌan. Ta saa ta̱xi ra ndee ndaꞌa nda ya tava nda tachi nduvaꞌa kúu mií naꞌa.

San Lucas 12:22

Sindiꞌi ikán ndi̱kaꞌan Jesús xiꞌin nda ítaꞌan xiꞌin ra, káchi ra saa: ―Kündiꞌi ini ndo xaꞌa ya kutaku ndo, ni ya kuxi ndo, ni xaꞌa tikoto kundixi ndo, kündiꞌi ini ndo.

San Lucas 12:28

Ta Ndioxi ku ra síkundixi ita ikán, vani loꞌo ni va kivi íyo ya, chi sava ya iin kivi ndíndika ya ta inka kivi xa ndóko ndiꞌi va ya, saa kuakee ya xíxi ya. Ndisaa ka vi ndóꞌo̱, sikundixi ra ndóꞌo̱. Ta ¿ndachu loꞌo ni ndáa ini ndo ra?

San Lucas 22:35

Saa ku̱u ta ndi̱kaꞌan Jesús xiꞌin nda ítaꞌan xiꞌin ra, káchi ra saa: ―Ndikaꞌán ndo, yachi tá ti̱ꞌvi i ndóꞌo̱ ndi̱xika ndo ndi̱kaꞌan ndoso ndo tuꞌun Ndioxi xiꞌin naꞌa iin iin ñuu, ta köo leka ndo ndi̱xaꞌan xiꞌin ndo, ni xuꞌun, ni nduxan ya ndinama ndo köo ndi̱xaꞌan xiꞌin ndo, ta ¿án ndá ñaꞌa ku̱mani nuu ndo? ―káchi ra xiꞌin nda. Saa ndi̱kuiin nda, káchi nda saa: ―Nda iin ñaꞌa köo ndi̱kumani nuu nde, Tata ―káchi nda.

San Lucas 3:11

Saa ndi̱kuiin ra, káchi ra saa: ―Tá íyo iin taa kúu mií uvi tikoto, ta íyo inka ra köo nda iin tikoto ra, ta ra kúu mií uvi tikoto xíniñuꞌu ra taxi ra iin ya ndaꞌa ra köo nda iin tikoto. Saa tu iin ra íyo ñaꞌa xíxi nuu, saa xíniñuꞌu tu ra ikán va xaa súvi ra ―káchi ra Juan xiꞌin na.

San Lucas 5:29

Sindiꞌi saa xa̱kin ra viko veꞌe ra, ta saa ka̱na ndiꞌi ra na xíni taꞌan xiꞌin ra, na ndíkaya xuꞌun nuu gobierno, ta ka̱na tu ra inka va na, ndi̱xaa na ndóo na xíxi na nuu mesa ra.

San Lucas 9:4

Tá ndá ñuu ndi̱xaa ndo káꞌan na xiꞌin ndo kiꞌvi ndo koo ndo veꞌe na, ta vaꞌa kiꞌvi ndo koo ndo veꞌe na, nda kivi ná kee ndo ñuu na.

2 Timoteo 2:4

Chi nda lapa ta köo ka inka chiñu ndíkani ini nda ikan nda, iindaa ya ndíkani ini nda xaa súvi nda ku chiñu nuu ra ndíso chiñu xiꞌin nda.