San Lucas 9:18 - Xochapa Mixteco

¹⁸ Iin kivi íyo síin mií Jesús káꞌan ra xiꞌin Ndioxi, ta saa ndóo nda ítaꞌan xiꞌin ra yati ikán, ñaa ndi̱ndakan tuꞌun ñaꞌa ra, káchi ra saa: ―¿Unku yeꞌe, káchi naꞌa xaꞌa i? ―káchi ra xiꞌin nda.

San Lucas 9:18 Iomraidhean Croise

San Mateo 14:23

Tá ndiꞌi nda̱i ra na, saa nda̱a ra nuu xiki kaꞌan ra xiꞌin Ndioxi. Ikán íyo iindaa mií ra káꞌan ra xiꞌin Ndioxi nda tá ku̱ñuu.

San Mateo 26:36

Saa ke̱e Jesús kuaꞌan ra xiꞌin nda ítaꞌan xiꞌin ra iin ñaꞌñu náni Getsemaní, ta ndi̱kaꞌan ra xiꞌin nda, káchi ra saa: ―Yóꞌó kundoo ndo ta ná kuꞌun i kaa kaꞌan i xiꞌin Ndioxi ―káchi ra xiꞌin nda.

San Lucas 11:1

Iin kivi ke̱e Jesús kuaꞌan ra kaꞌan ra xiꞌin Ndioxi. Tá si̱ndiꞌi ra ndi̱kaꞌan ra xiꞌin ra, ta ku̱yati iin ra ítaꞌan xiꞌin ra, káchi ra saa: ―Tata, sinaꞌa loꞌo un ndeꞌe ná kaꞌan nde xiꞌin Ndioxi, tá i̱kan ra Juan ra síkuchi naꞌa, si̱naꞌa ra nda ítaꞌan xiꞌin ra ndá kuꞌva kaꞌan nda xiꞌin Ndioxi ―káchi ra xiꞌin Jesús.

San Lucas 3:21

Ta yachi tá täꞌan kuꞌun ra Juan veꞌe kàà, kuaꞌa ni naꞌa si̱kuchi ra, saa si̱kuchi tu ra Jesús va. Tá chíchi Jesús, ta xa̱á ra káꞌan ra xiꞌin Ndioxi, ñaa ndi̱xuna nuu ndivi.

San Lucas 6:12

Iin kivi ikán ke̱e Jesús kuaꞌan ra iin iku kaꞌan ra xiꞌin Ndioxi, ta iniun ñǔu ndi̱kaꞌan ra xiꞌin Ndioxi.

San Lucas 9:19

Saa ndi̱kuiin nda káꞌan nda: ―Sava na káꞌan ra Juan, ra síkuchi naꞌa, kúu un, káchi na, sava tu na káꞌan ra Elías ku un, káchi na, inka tuku na káꞌan va sana iin ra ndi̱kaꞌan ndoso tuꞌun yuꞌu Ndioxi xinaꞌa ku ra ndi̱taku, káchi na xaꞌa un ―káchi nda xiꞌin ra.

San Lucas 9:28

Tá ndi̱kaꞌan ra tuꞌun ikán xiꞌin na, saa ndi̱yaꞌa una kivi ta ke̱e ra kuaꞌan ra iin iku kaꞌan ra xiꞌin Ndioxi. Saa ndi̱kiꞌin ra, ra Pedro tin ra Jacobo xiꞌin inka ra Juan, kuaꞌan nda xiꞌin ra kaꞌan ra xiꞌin Ndioxi.

San Lucas 9:29

Tá káꞌan ra xiꞌin Ndioxi ta iin ndi̱nama ndiꞌi nuu ra yáꞌa ni yaa ndu̱u toto ra, ndakua iin ndi̱yeꞌe táxan ndiꞌi ra.