San Lucas 9:12 - Xochapa Mixteco

¹² Saa xa̱á kuaꞌan kuáa̱ va, ñaa ku̱yati uxi uvi saa nda ítaꞌan xiꞌin ra ta ndi̱kaꞌan nda xiꞌin ra, káchi nda saa: ―Tata Maestro, xa vaꞌa kaꞌan un xiꞌin na yóꞌó ná nuꞌu na ndikundee na, ta saa ná nduku na ñaꞌa kuxi na ndá ka ñuu ya ñúꞌu yati án chí iku, saa chi yóꞌó ta köo mií ñaꞌa kuxi na iku yuyu mií kua ―káchi nda xiꞌin ra.

San Lucas 9:12 Iomraidhean Croise

San Mateo 14:13

Tá ku̱ndaa ini Jesús ya ndo̱ꞌo ra Juan, saa ke̱e ra kuaꞌan ra xiꞌin itun barco iin ñaꞌñu nuu köo nda iin naꞌa. Saa ku̱ndaa ini naꞌa ya kuaꞌan ra, ñaa ke̱e na ndíkun na kuaꞌan na sata ra chí nuu ñuꞌú.

San Mateo 15:23

Ta nda iin tuꞌun köo ndi̱kuiin Jesús yuꞌu yá. Saa ku̱yati nda ítaꞌan xiꞌin ra xáku ndaꞌvi nda nuu ra, káchi nda saa: ―Tata, kaꞌan xiꞌin yá ná kuꞌun yá, saa chi ndee ni ndáꞌi yá vaxi yá sata yo ―káchi nda xiꞌin ra.

San Mateo 15:32

Saa ka̱na Jesús nda ítaꞌan xiꞌin ra, ta ndi̱kaꞌan ra xiꞌin nda, káchi ra saa: ―Kúndaꞌvi ni ini i xíni i na yóꞌó, saa chi xa íyo uni kivi ndóo na xiꞌin i ta ni köo ñaꞌa kuxi na. Ta küvi tiꞌvi i na kuꞌun na xiꞌin soko, koto ka kuvi ndiuu na ichí ―káchi ra xiꞌin nda.

San Lucas 9:11

Sundi tá ku̱ndaa ini naꞌa nuu kuaꞌan Jesús ta ndi̱kundikun na kuaꞌan na sata ra. Ta saa ndi̱kuiso ñaꞌa ra, ndi̱kaꞌan ra xiꞌin na xaꞌa ichí nuu xáꞌnda chiñu Ndioxi, saa si̱ndaꞌa ndiꞌi ra na kúꞌvi na xíniñuꞌu nduvaꞌa.

San Lucas 9:13

Ta saa ndi̱kuiin ra yuꞌu nda, káchi ra saa: ―Vaꞌa taxi mií ndo ñaꞌa ná kuxi na ―káchi ra xiꞌin nda. Ñaa ndi̱kuiin nda, káchi nda saa: ―Tata, köo mií ñaꞌa taxi nde ndaꞌa na, uꞌun ndaa va ku xita vaꞌa ndíso nde xiꞌin uvi tiaka va, näni vi ya yóꞌó kuxi na, yáꞌa ni kuaꞌa ku na. Tá tu kúni un ta vaꞌa kuꞌun nde sata nde ya kuxi na ndá ñuu niꞌi nde ya ―káchi nda xiꞌin ra.

San Juan 6:1

Tá ndiꞌi ikán ta ndi̱kiꞌin Jesús kuaꞌan ra chí inka ñaꞌñu yuꞌu nduta ñûꞌu ya káꞌan na xiꞌin Galilea án Tiberias.

Filipenses 1:19

Saa chi xíni i xaꞌa ya káꞌan ndo xiꞌin Ndioxi xaꞌa i ya chíndee Tachi Jesucristo yeꞌe, ta kama keta i veꞌe kàà yóꞌó kuꞌun ndíka i.