San Lucas 9:11 - Xochapa Mixteco

¹¹ Sundi tá ku̱ndaa ini naꞌa nuu kuaꞌan Jesús ta ndi̱kundikun na kuaꞌan na sata ra. Ta saa ndi̱kuiso ñaꞌa ra, ndi̱kaꞌan ra xiꞌin na xaꞌa ichí nuu xáꞌnda chiñu Ndioxi, saa si̱ndaꞌa ndiꞌi ra na kúꞌvi na xíniñuꞌu nduvaꞌa.

San Lucas 9:11 Iomraidhean Croise

San Mateo 12:15

Tá xi̱ni Jesús ya ndíkani ini nda, saa ke̱ta ra veꞌe ñuꞌu kuaꞌan ra. Kuaꞌa ka vi naꞌa ndi̱kundikun kuaꞌan sata ra. Saa si̱ndaꞌa ndiꞌi ra na kúꞌvi.

San Mateo 14:14

Tá nu̱u ra sata barco saa xi̱ni ra iin chútu ndaa naꞌa, ñaa ku̱ndaꞌvi ni ini ra xi̱ni ra na, saa si̱ndaꞌa ra ndiꞌi na kúꞌvi ndáka naꞌa kuaꞌan xiꞌin na.

San Mateo 21:31

Ta vitin, ¿unkua túvi ndóꞌo̱? ¿Unku seꞌe ra yóꞌó xa̱a súvi ya ndi̱kaꞌan ra? ―káchi Jesús. Saa ndi̱kuiin na káꞌan na: ―Ra núnu̱ú ku ra xa̱a súvi chiñu ya kúni iva ra ―káchi na. Saa ndi̱kaꞌan Jesús xiꞌin na, káchi ra: ―Ya ndaa káꞌan i xiꞌin ndo, naꞌa na ndíkaya xuꞌun nuu gobierno ñuu Roma xiꞌin ná ñaꞌa ná xíko mií, na yóꞌó ku na xiꞌna kuakiꞌvi ichí nuu xáꞌnda chiñu Ndioxi, nuu ndóꞌo̱.

San Mateo 21:43

Yakan káꞌan i xiꞌin ndo, Ndioxi ta täxi ra ichí ndaꞌa ndo kiꞌvi ndo kundoo ndo nuu xáꞌnda chiñu ra, saa taxi ra ichí ndaꞌa inka naꞌa kundoo na nuu xáꞌnda chiñu ra, ta na yóꞌó ku na xaa súvi ya kúni ra.

San Lucas 1:53

Na ndaꞌvi, na xíꞌi soko ta ta̱xi ra kuaꞌa ni ya xíxi ndaꞌa na, ta na kuika si̱ndiko koo yuchi ra na kuaꞌan na.

San Lucas 5:31

Saa ku̱ndaa ini Jesús ta ndi̱kuiin ra káꞌan ra xiꞌin nda fariseo, káchi ra saa: ―Naꞌa, na íyo vaꞌa ini, ta köo xíniñuꞌu na kuꞌun na kutatan na, na kúꞌvi ku na xíniñuꞌu kuꞌun kutatan.

San Lucas 8:1

Sindiꞌi ikán ke̱e Jesús kuaꞌan ra iin iin ñuu naꞌnu tin ñuu vali, kuaꞌan ra ndítuꞌun ra xiꞌin na, káꞌan ndoso ra tuꞌun vaꞌa xaꞌa kuꞌva xáꞌnda chiñu Ndioxi. Ta kuaꞌan uxi uvi saa nda ítaꞌan xiꞌin ra.

San Lucas 8:10

Ñaa ndi̱kuiin Jesús ndi̱kaꞌan ra xiꞌin nda, káchi ra saa: ―Ndioxi táxi ra kundaa ini ndo ya sêꞌe ndá kuꞌva xáꞌnda chiñu ra. Ta inka na ta xiꞌin tuꞌun ndíchi káꞌan i xiꞌin na, yakan ni xíto na tin xíni soꞌo na ta ni köo xíin na kundaa ini na ―káchi Jesús xiꞌin nda.

San Lucas 9:10

Tá ndi̱ko koo uxi uvi saa nda ítaꞌan xiꞌin Jesús, saa ndi̱tuꞌun ndiꞌi nda xiꞌin ra ya i̱kan nda nuu ndi̱xaꞌan nda ndi̱kaꞌan ndoso nda xiꞌin naꞌa xaꞌa ichí Ndioxi. Ta saa ndi̱kuiso ra nda kuaꞌan nda xiꞌin ra iin ñuu náni Betsaida, iin ñaꞌñu nuu köo nda iin naꞌa.

San Lucas 9:12

Saa xa̱á kuaꞌan kuáa̱ va, ñaa ku̱yati uxi uvi saa nda ítaꞌan xiꞌin ra ta ndi̱kaꞌan nda xiꞌin ra, káchi nda saa: ―Tata Maestro, xa vaꞌa kaꞌan un xiꞌin na yóꞌó ná nuꞌu na ndikundee na, ta saa ná nduku na ñaꞌa kuxi na ndá ka ñuu ya ñúꞌu yati án chí iku, saa chi yóꞌó ta köo mií ñaꞌa kuxi na iku yuyu mií kua ―káchi nda xiꞌin ra.

San Lucas 9:2

Ñaa ti̱ꞌvi ra nda kuaꞌan nda, kaꞌan ndoso nda tuꞌun Ndioxi ta saa kuchiñu ra kaꞌnda chiñu ra nuu na. Ta ndi̱kaꞌan tu ra xiꞌin nda ya sindaꞌa nda na kúꞌvi va.

San Juan 4:34

Ta saa ndi̱kuiin Jesús káꞌan ra xiꞌin nda, káchi ra saa: ―Tá káa ñaꞌa ya xíxi i saa káa ya xáa súvi ndiꞌi i ya kúni Ndioxi ta ndakua sixinu ndiꞌi i chiñu ya ta̱xi ra ndaꞌa i.

San Juan 6:37

Ndiꞌi na táxi Iva i Ndioxi ndaꞌa i, ta vaxi na nuu i, ta ndiꞌi na vaxi nuu i ta täva i na keꞌe.

Los Hechos 28:31

Nda iin naꞌa köo ndi̱keꞌe ra ya ndi̱kaꞌan ndoso ra xiꞌin na xaꞌa ichí nuu xáꞌnda chiñu Ndioxi. Saa sínaꞌa ra na xaꞌa Tata yo Jesucristo ta köo ya ndi̱kan na xiꞌin ra.

ROMANOS 10:14

Ná ndikani ini yo vitin, ¿ta unkua ikan na kana na ra, kaꞌan na xiꞌin ra, ta täꞌan kundaa ini na xaꞌa ra, ni täꞌan kuni soꞌo na tuꞌun xaꞌa ra? chi köo naꞌa ndituꞌun xiꞌin na xaꞌa ra.

ROMANOS 10:17

Ta xa xíni yo, xiꞌna xíniñuꞌu naꞌa kuni soꞌo na tuꞌun xaꞌa Jesucristo, saa kuchiñu na kandixa na ra.

ROMANOS 15:3

Saa chi ni mií Jesucristo, ta köo ndi̱xika ini ra ndisaa xaꞌa mií ra. Tá káꞌan tuꞌun Ndioxi xaꞌa ra, káchi ya saa: “Naꞌa na kánaꞌa xaꞌa un, ta nda xaꞌa yeꞌe kánaꞌa na”, káchi tuꞌun Ndioxi xaꞌa Jesucristo.

2 Timoteo 4:2

ya ná chikaa ni un ndee ya kaꞌan ndoso un tuꞌun ra xiꞌin naꞌa ndiꞌi saa kivi. Koo ndúvi un kaꞌan un xiꞌin na tá kivi vaꞌa ni kúni un án tá väꞌa kúni un. Ta teꞌe kaꞌan un xiꞌin na, sinaꞌa un na ya ná kundaa ini na xaꞌa ya väꞌa kéꞌe na, ta kaꞌan xiꞌin na ná sindoo na ya, saa xaꞌa ni un ndee xiꞌin na ya ná kundikun vaꞌa na ichí Tata yo Jesucristo. Ta toꞌo kaꞌan un xiꞌin na sinaꞌa un na, kaꞌnu koo ini un xiꞌin na.

HEBREOS 4:16

Yakan vaꞌa ná kuyati yo nuu ra tá ndóꞌni yo nuu tindoꞌo ta ná ku ïꞌvi yo kuyati yo nuu ra, chi ndee ni vaꞌa ra, kúndaꞌvi ni ini ra xíni ra yoo, yakan kúꞌvi ni ini ra xíni ra yoo, ta saa chindee ra yoo tá ñúꞌu yo nuu tindoꞌo, ta ná kuyati yo nuu íyo ra xáꞌnda chiñu ra.