San Lucas 9:10 - Xochapa Mixteco

¹⁰ Tá ndi̱ko koo uxi uvi saa nda ítaꞌan xiꞌin Jesús, saa ndi̱tuꞌun ndiꞌi nda xiꞌin ra ya i̱kan nda nuu ndi̱xaꞌan nda ndi̱kaꞌan ndoso nda xiꞌin naꞌa xaꞌa ichí Ndioxi. Ta saa ndi̱kuiso ra nda kuaꞌan nda xiꞌin ra iin ñuu náni Betsaida, iin ñaꞌñu nuu köo nda iin naꞌa.

San Lucas 9:10 Iomraidhean Croise

San Mateo 11:21

―¡Ndaꞌvi ni ndóꞌo̱ na ñuu Corazín! ¡Ndaꞌvi ni ndóꞌo̱ na ñuu Betsaida! Chi vaxi kivi tixuꞌvi ni ndo. Xinaꞌa tá ndi̱xini na ñuu Tiro xiꞌin na ñuu Sidón taꞌan yatuꞌun xíto ndo vitin, ta ndá tiempo vi ndi̱ko koo ini na ikán xaꞌa kuachi na, xa ndi̱kundixi na toto ndai ni nuu, ta xa chi̱kaa na yaa ñu̱ꞌu̱ xiní na xaꞌa ya sínaꞌa na mií na ya ndi̱ko koo ini na xaꞌa kuachi na ndikuu.

San Marcos 2:7

“¿Ndachu káꞌan ra saa? ¿Án Ndioxi ta ndása ra mií ra? Chi káꞌan ra xáa kaꞌnu ini ra xaꞌa kuachi ra yóꞌó. Ta nda iin naꞌa küvi xaa kaꞌnu ini xaꞌa kuachi yo. Iindaa Ndioxi ku ra xáa kaꞌnu ini xaꞌa kuachi na ivi”, káchi nda.

San Lucas 10:17

Tá ndi̱ko koo uni xiko uxi saa nda ndi̱xaꞌan nda ndi̱kaꞌan nda tuꞌun Ndioxi xiꞌin naꞌa, ta kúsini ni nda xa̱á káꞌan nda xiꞌin Jesús, káchi nda saa: ―Tata, nda tachi nduvaꞌa xíni soꞌo tuꞌun káꞌan nde xiꞌin ya chi ndee ni ndee kúu mií un ―káchi nda xiꞌin ra.

San Juan 1:44

Ta ra ñuu Betsaida ku ra Felipe, ikán ke̱e tu ra Andrés va xiꞌin ra Pedro.

HEBREOS 13:17

Xaa súvi ndo chiñu káꞌan na xáꞌnda chiñu nuu ndo veꞌe ñuꞌu xiꞌin ndo, saa chi na ikán, ta ndíꞌi ni ini na xaꞌa ndo, köo ndíkundee na, chi xíni na vaxi kivi ta taxi na kuenta ndaꞌa Ndioxi xaꞌa ndo. Yakan kuni soꞌo ni ndo ya káꞌan na xiꞌin ndo, ta saa kusini ni na xaa súvi na chiñu ya íkan na, chi tá ná xaa soꞌo ndo nuu na, ta ni köo ñaꞌa niꞌi vi ndo.