San Lucas 8:8 - Xochapa Mixteco

⁸ Ta sava siꞌva ndi̱koyo nuu ñuꞌú vaꞌa. Ta xa̱ꞌnu vaꞌa ya kuaꞌa ni nuni ya ka̱na, sava ya ndi̱xiyo nda iin ciento nuni sata ―káchi Jesús xiꞌin na. Ta saa ndee ni nda̱niꞌi ra tuꞌun ra ta ndi̱kaꞌan ra xiꞌin na, káchi ra saa: ―Unku ndóꞌo̱ íyo soꞌo, ta kuni soꞌo ndo unkua káchi tuꞌun ndíchi yóꞌó ―káchi ra xiꞌin na.

San Lucas 8:8 Iomraidhean Croise

San Mateo 11:15

Ndiꞌi ndóꞌo̱ xíni soꞌo ya káꞌan i xiꞌin ndo, ta kuni soꞌo ni ndo ya káꞌan i xiꞌin ndo ―káchi Jesús xiꞌin na.

San Mateo 13:23

Ta ndikin ya ndikoyo nuu ñuꞌú xaꞌan ku ya káꞌan xaꞌa na xíni soꞌo tuꞌun Ndioxi, ta kúndaa ini na xiꞌin ya. Ta tá káa ñaꞌa ya vaꞌa ni kána, saa íin na yóꞌó. Nda tá íin ndikin ya kána iin ciento ndikin, án ya kána uni xiko ndikin án ya kána oko uxi ndikin, saa íin na ndinuꞌu ni kándixa tuꞌun Ndioxi ―káchi Jesús xiꞌin nda ítaꞌan xiꞌin ra.

San Marcos 4:20

Ta íyo tuku sava na íin tá íin ñuꞌú vaꞌa ni ya kána kuaꞌa ni ñaꞌa nuu, chi ñuꞌú vaꞌa ikán kána kuaꞌa ni ñaꞌa nuu ya, sava ya táxi oko uxi ndikin trigo, tin ya táxi uni xiko, xiꞌin ya táxi nda iin ciento trigo. Tá íin ya ikán saa íin na ndinuꞌu ndíkiꞌin tuꞌun Ndioxi, ta ya ikán ku ya chíndee na kúu na ivi na vaꞌa. Soꞌva kúni kachi tuꞌun ndíchi ikán ―káchi Jesús xiꞌin na.

San Marcos 4:23

Ndiꞌi ndóꞌo̱ xíni soꞌo ya káꞌan i, ta kuni soꞌo ni ndo ya káꞌan i xiꞌin ndo ―káchi Jesús xiꞌin na.

San Marcos 4:8

Sundi sava ndikin ikán ndi̱koyo nuu ñuꞌú vaꞌa. Ta saa xa̱ꞌnu vaꞌa ya ta vaꞌa ni ka̱na trigo ya. Sava ya ku̱u mií oko uxi ndikin trigo, ta sava ya ka̱na uni xiko ndikin trigo, sava ya ka̱na nda iin ciento ndikin trigo ―káchi ra xiꞌin na.

San Marcos 7:16

Saa ndi̱kaꞌan ra xiꞌin na: ―Ndiꞌi ndóꞌo̱ xíni soꞌo ya káꞌan i, ta kuni soꞌo ni ndo ta saa ndikiꞌin xiní ndo xiꞌin ya ―káchi ra.

San Lucas 14:35

Chi tá köo uꞌva ya, ta ni nuu ñuꞌú küvi kee ya xaa xuxan ya ñuꞌú. Ndá taka va kuꞌun ya kuita ya xaꞌa ya väꞌa ka ya. Saa ndóꞌo̱ íyo soꞌo, kuni soꞌo vaꞌa ndo unkua káꞌan i xiꞌin ndo ―káchi Jesús xiꞌin na.

San Lucas 8:15

Ta siꞌva ri ndi̱koyo nuu ñuꞌú vaꞌa ku na kúu mií nima vaꞌa, ndâku ni ini na chívaꞌa na tuꞌun xíni soꞌo na nima na, ta köo ndíko koo ini na ya kuaꞌan na ichí ra, tá íin kuiꞌi vaꞌa ni kána, saa íin na ikán ―káchi Jesús xiꞌin nda ítaꞌan xiꞌin ra.

San Lucas 8:7

Ta sava kiti siꞌva ndi̱koyo nuu íyo ndikin iñú ta iin káchi ndi̱nduta ya xiꞌin taꞌan ya ta köo ndi̱kuvi kuaꞌnu ya saa chi si̱nduxin ñaꞌa iñú.

Efesios 2:10

Chi mií Ndioxi ku ra si̱kuaꞌa yoo. Tixin Jesucristo kua i̱kan ra saa xiꞌin yo ya ná ikan yo ya vaꞌa, ya xa chi̱tuni mií ra ikan ra xiꞌin yo. Ta saa kuchiñu yo xaa súvi yo ndiꞌi ya.

Colosenses 1:10

Ta saa kua vaꞌa kuchiñu ndo ikan ndo tá kuꞌva kúni mií Tata yo Jesucristo, chi saa kua xaa kaꞌnu ni ndo ra xiꞌin ndiꞌi ni kúu ñaꞌa vaꞌa íkan ndo nuu ra, koo ndo tá kuꞌva íyo naꞌa, na ndíkun Tata yo Jesucristo. Ta saa kua vaꞌa kuaꞌnu ka ndo xiꞌin ya ndíchi xaꞌa mií ra.

El Apocalipsis 13:9

Ta ndóꞌo̱ xíni soꞌo ya yóꞌó ta kuni soꞌo vaꞌa ka ndo ya.

El Apocalipsis 2:11

Ndiꞌi ndóꞌo̱ kándixa yeꞌe, ta kuni soꞌo ni ndo ya káꞌan Tachi I̱í Ndioxi xiꞌin ndo. Ndiꞌi ndóꞌo̱, na kúchiñu nuu ya väꞌa, xaꞌa ya köo síndikoo ndo ichí i. Ndóꞌo̱ ta küvi ndo nuu Ndioxi, vani kuvi ndo ñuu ivi yóꞌó ndiꞌi xaꞌa ikin kuñu ndo, sundi küvi ndo ichí uvi, kutaku ya vaꞌa ndo koo ya xiꞌin Ndioxi ―káchi Tata yo Jesucristo.

El Apocalipsis 2:7

Ndiꞌi ndóꞌo̱ kándixa yeꞌe, ta kuni soꞌo ni ndo tuꞌun ya káꞌan Tachi I̱í Ndioxi xiꞌin ndo. Ndiꞌi ndóꞌo̱ na kúchiñu nuu ndee ya väꞌa, ndóꞌo̱ köo síndikoo ichí i, ta ndaꞌa ndóꞌo̱ kua taxi i kuiꞌi kaxi ndo, kiti kúun ndaꞌa itun ndíchi maꞌñu corra Ndioxi nuu luvi ni káa. Ta kuiꞌi ikán ku ri táxi ichí ndaꞌa ndo ya koo ndo ndiꞌi saa kivi ya vaxi xiꞌin Ndioxi ―káchi Jesucristo xiꞌin i.

El Apocalipsis 3:13

Ndiꞌi ndóꞌo̱ kándixa yeꞌe ta kuni soꞌo ni ndo ya káꞌan Tachi I̱í Ndioxi xiꞌin ndiꞌi ndo ndíkitaꞌan xáa kaꞌnu yeꞌe ―káchi Tata yo Jesucristo.

El Apocalipsis 3:6

Yakan ndiꞌi ndóꞌo̱ kándixa yeꞌe ta kuni soꞌo ni ndo tuꞌun ya káꞌan Tachi I̱í Ndioxi xiꞌin ndiꞌi ndo ―káchi Tata yo Jesucristo.