San Lucas 8:7 - Xochapa Mixteco

⁷ Ta sava kiti siꞌva ndi̱koyo nuu íyo ndikin iñú ta iin káchi ndi̱nduta ya xiꞌin taꞌan ya ta köo ndi̱kuvi kuaꞌnu ya saa chi si̱nduxin ñaꞌa iñú.

San Lucas 8:7 Iomraidhean Croise

San Mateo 13:22

Ta ndikin ya ndi̱koyo tañu iñu ku ya káꞌan xaꞌa na xíni soꞌo tuꞌun Ndioxi, saa ndíꞌi ni ini na xaꞌa chiñu íyo ñuu ivi yóꞌó, án kúni na ndukuika ni na, ta ndiꞌi ya yóꞌó ta síndiꞌi xaꞌa ya tuꞌun Ndioxi ya xi̱ni soꞌo na, ta köo táxi ya kuaꞌnu tuꞌun ra nima na.

San Mateo 13:7

Sava ya ndi̱koyo tañu iñu, tá xa̱ꞌnu nu ikán ta si̱nduxin ñaꞌa nu.

San Marcos 4:7

Sava ndikin ikán ndi̱koyo tañu itun iñu, ñaa xa̱ꞌnu ni itun iñu ta si̱nduxin ndiꞌi ñaꞌa nu, ta ni köo mií ka trigo ndítaxi ya.

San Lucas 21:34

Yakan kuenta ni koo ndo xiꞌin mií ndo, ta kündiꞌi ini ndo xaꞌa viko nuu kuxi ndo tin koꞌo ndo, ni kündiꞌi ini ndo xaꞌa ñaꞌa ya ndíꞌi ni ini na köo xíni Ndioxi. Koo tuꞌva ndo saa chi iin kuu soꞌva ndikava kivi ikán sata ndo.

San Lucas 8:14

Ta siꞌva ri ndi̱koyo nuu iñú ku na xíni soꞌo tuꞌun Ndioxi, ta saa loloꞌo vaxi ya síndiꞌi ini na, án ndíꞌi ini na xíka ini na xaꞌa ya kuika, án táa ini na íkan na ya kúsini na, ta köo íkan ka na ya vaꞌa tá íin itun táxi kuiꞌi vaꞌa.

San Lucas 8:6

Sava siꞌva ndi̱koyo sata yu̱ú nuu ndóso loꞌo ñuꞌú, ta loꞌo xa̱ꞌnu ya kama ni ndi̱ndichi ya ndi̱ꞌi xaꞌa ya, chi köo kóꞌyo ñuꞌú xaꞌa ya.

San Lucas 8:8

Ta sava siꞌva ndi̱koyo nuu ñuꞌú vaꞌa. Ta xa̱ꞌnu vaꞌa ya kuaꞌa ni nuni ya ka̱na, sava ya ndi̱xiyo nda iin ciento nuni sata ―káchi Jesús xiꞌin na. Ta saa ndee ni nda̱niꞌi ra tuꞌun ra ta ndi̱kaꞌan ra xiꞌin na, káchi ra saa: ―Unku ndóꞌo̱ íyo soꞌo, ta kuni soꞌo ndo unkua káchi tuꞌun ndíchi yóꞌó ―káchi ra xiꞌin na.