San Lucas 8:51 - Xochapa Mixteco

⁵¹ Saa ke̱e Jesús ndi̱xaa ra veꞌe ra Jairo, ta köo ndi̱taxi ra kiꞌvi ndiꞌi naꞌa xiꞌin ra cuarto nuu kánduꞌu yá loꞌo ikán. Ndisaa siꞌí yá tin iva yá xiꞌin ra Pedro, xiꞌin inka ra Juan, inka ra Jacobo, nda ítaꞌan xiꞌin ra, ndisaa na ikán ku na ndi̱kee xiꞌin ra.

San Lucas 8:51 Iomraidhean Croise

San Marcos 14:33

Saa ke̱e ra kuaꞌan ra xiꞌin ra Pedro tin ra Jacobo xiꞌin ra Juan, ta xa̱á kúsuchi ni ini ra saa ndíꞌi ni ini ra.

San Lucas 6:14

Ta ya yóꞌó ku kivi nda ikán. Iin ra náni Simón, ta ndi̱sama Jesús kivi ra náni ra Pedro, inka ra náni Andrés ñani ra Simón, inka ra náni Jacobo, inka ra náni Juan, inka ra náni Felipe, inka ra náni Bartolomé,

San Lucas 8:50

Ta saa xi̱ni soꞌo Jesús, ñaa ndi̱kaꞌan ra xiꞌin ra Jairo, káchi ra saa: ―Käka ini un. Tá tu ndáa ini un Ndioxi ta nduvaꞌa va seꞌe un ―káchi ra xiꞌin ra.

San Lucas 8:52

Ta ndóo inka naꞌa xáku ka vi na xaꞌa yá. Saa ndi̱kaꞌan Jesús xiꞌin na, káchi ra saa: ―Kuäku ndo chi köo ndi̱xiꞌi vi yá, yá kíxi va ku yá ―káchi ra xiꞌin na.

San Lucas 9:28

Tá ndi̱kaꞌan ra tuꞌun ikán xiꞌin na, saa ndi̱yaꞌa una kivi ta ke̱e ra kuaꞌan ra iin iku kaꞌan ra xiꞌin Ndioxi. Saa ndi̱kiꞌin ra, ra Pedro tin ra Jacobo xiꞌin inka ra Juan, kuaꞌan nda xiꞌin ra kaꞌan ra xiꞌin Ndioxi.

Los Hechos 9:40

Ñaa xa̱ꞌnda ra Pedro chiñu ya ná kee ndiꞌi na cuarto nuu índuꞌu yá. Ta saa ka̱na koo na. Tá ke̱e ndiꞌi na, ta ñaa si̱kusiti ra xa̱á ra káꞌan ra xiꞌin Ndioxi. Saa ndi̱koto ra nuu yá, káꞌan ra xiꞌin yá, káchi ra saa: ―Nana Tabita, kuándikoo ―káchi ra xiꞌin yá. Saa ndi̱xuna nuu yá. Tá xi̱ni yá ra Pedro, ta ndi̱koo yá ndi̱kunduꞌu koo yá.