San Lucas 8:3 - Xochapa Mixteco

³ inka yá náni Juana, yá síꞌi ra Chuza, ra ndáa chiñu veꞌe chiñu ra rey Herodes. Inka yá náni Susana, ta kuaꞌa ni ka ku ná kuaꞌan xiꞌin Jesús. Ta ná síꞌi ikán chi̱ndee ñaꞌa ná xiꞌin xuꞌun, ta̱xi ná ya ndaꞌa ra ya kuniñuꞌu ra xiꞌin nda ítaꞌan xiꞌin ra.

San Lucas 8:3 Iomraidhean Croise

San Mateo 14:1

Suvi mií tiempo ikán xi̱ni soꞌo ra Herodes xaꞌa ndiꞌi ya vaꞌa íkan Jesús. Ta ra Herodes ikán ku rey ra xáꞌnda chiñu nuu na ñuu estado Galilea.

San Mateo 14:3

Chi suvi mií ra Herodes ikán ku ra xa̱ꞌnda chiñu ya ti̱in na ra Juan, ka̱tun na ra xiꞌin cadena, saa ki̱ꞌin na ra chi̱kaa na veꞌe kàà. Xaꞌa ya ndi̱kaꞌan ra xiꞌin ra Herodes, ya väꞌa íkan ra xiꞌin yá Herodías, yá xanu ra, yá síꞌi ra ñani ra, ra Felipe.

San Mateo 14:6

Saa ti̱ndaa iin kivi ta xa̱kin mií ra Herodes viko veꞌe ra, xaꞌa ya xínu ra kuiya ra. Ñaa ti̱xaꞌa mií yá kuâán loꞌo seꞌe mií yá Herodías ikán nuu ndiꞌi mií na ndóo viko ikán, ta ndee ni ku̱too mií ra Herodes ndá kuꞌva ti̱xaꞌa yá.

San Mateo 2:11

Tá ndi̱kiꞌvi nda ini veꞌe, saa xi̱ni nda íyo yá María, xiꞌin ra loꞌo seꞌe yá, saa si̱kusiti nda xáa kaꞌnu nda ra loꞌo ikán. Saa xu̱na nda xatun vali ndíso nda, ta ta̱va nda kàà oro xiꞌin xuxa ya yaꞌvi ni ta tami ni xaꞌan ya, xiꞌin nduta tami xaꞌan, rá náni mirra. Ndiꞌi ya yóꞌó si̱niꞌi nda nuu ra loꞌo ikán.

San Mateo 20:8

Tá ku̱ñuu ta saa ka̱na ra xitoꞌo ñuꞌú ikán, ra ndíso chiñu xiꞌin ñaꞌa ra, ñaa ndi̱kaꞌan ra xiꞌin ra káchi ra: “Kana ndiꞌi na xáa chiñu nuu i ta chaꞌvi un na, tá kuꞌva ndi̱kee na saa xáa un chaꞌvi un na. Xiꞌna na ndi̱kee sindiꞌi chaꞌvi un, saa ndíkun un chaꞌvi un ndiꞌi na, ta nda sindiꞌi chaꞌvi un na ndi̱kee núnu̱ú”, káchi ra xiꞌin ra.

San Mateo 25:40

Saa ndikuiin yeꞌe, rey, kaꞌan i xiꞌin na, kachi i saa: “Ya ndaa káꞌan i xiꞌin ndo, kivi i̱kan ndo ya vaꞌa xiꞌin na ndíkun yeꞌe, vani ndaꞌvi ni na, ta süvi xiꞌin na ikán ndi̱xaa ndo ya vaꞌa, sundi xiꞌin yeꞌe i̱kan ndo ya vaꞌa”, kachi i xiꞌin na ―káchi Jesús.

San Mateo 26:11

Ndiꞌi saa ichí koo na ndaꞌvi xiꞌin ndo, sundi yeꞌe, ta süvi ndiꞌi saa ichí koo i xiꞌin ndo.

San Mateo 27:55

Saa ndíta xíka ná ñaꞌa xíto ná. Ta ná ikán xi̱ndikun ná sata Jesús, chi̱ndee ná ra xa̱a chiñu ná nuu ra, nda estado Galilea ke̱e ná xiꞌin ra, ta ndi̱xaa ná nda ñuu Jerusalén.

San Lucas 24:10

Ná síꞌi ná xi̱ni ya ku̱u ikán ku ná ndi̱tuꞌun xiꞌin nda ítaꞌan xiꞌin Jesús ta ná ikan ku ná náni: María yá ñuu Magdala, inka yá náni Juana, inka yá náni María, siꞌí ra Jacobo, xiꞌin inka ka ná síꞌi.

San Juan 12:6

Ta süvi ya ndixa ndíꞌi ini ra xaꞌa na ndaꞌvi kua ndi̱kaꞌan ra saa. Ndi̱kaꞌan ra saa chi ra kuiꞌna ku ra, saa chi mií ra ku ra ndíso ñaꞌa nuu kuakee xuꞌun xíniñuꞌu Jesús xiꞌin nda ítaꞌan xiꞌin ra, ta sava ichí síkuiꞌna ra ya.

Los Hechos 13:1

Tañu na ndíkun Jesús ndóo ñuu Antioquía ñúꞌu nda káꞌan tuꞌun yuꞌu Ndioxi xiꞌin nda sínaꞌa. Ta nda kúu mií chiñu yóꞌó kuu ra Bernabé xiꞌin ra Simón ra káꞌan na xiꞌin ra tu̱ún, inka ra náni Lucio, ra ke̱e ñuu Cirene, xiꞌin ra náni Manaén, ra xa̱ꞌnu xiꞌin ra rey Herodes, ra ndi̱xiyo gobernador nuu na Galilea. Nda ikán xiꞌin ra Saulo ku nda ku̱u mií chiñu yóꞌó.

2 Corintios 8:9

Chi xa xíni mií ndo ya kúꞌvi ni ini mií Tata yo Jesucristo xíni ra yoo kua nda̱sa ndaꞌvi ra mií ra, vani kuika ni ndi̱xiyo ra ta saa nda̱sa ndaꞌvi ra mií ra xaꞌa ndóꞌo̱, ya ná ndukuika ndo.

Filipenses 4:22

Ta ndiꞌi na ñani yo, na ndóo ñuu Roma yóꞌó, tíꞌvi ni tu na yóꞌó va tuꞌun mani xaa nuu ndo. Ta saa tu na taꞌan yo, na xáa chiñu nuu ra rey César veꞌe chiñu kaꞌnu yóꞌó, tíꞌvi tu na yóꞌó va tuꞌun mani xaa nuu ndo.

1 Timoteo 5:10

Ta saa tu ná ndóso vaꞌa tuꞌun xaꞌa ya íkan ná ya vaꞌa, ta vaꞌa ni xi̱ndaa ná seꞌe ná, ta saa ndi̱kuiso vaꞌa ni ná na xáa veꞌe ná, ta ndi̱kata ná xaꞌa nda ñani yo xiꞌin ná kuꞌva yo, saa chi̱ndee taꞌan ná xiꞌin naꞌa tá xi̱ñúꞌu na nuu tindoꞌo, ta vaꞌa ni i̱kan ná xiꞌin ndiꞌi naꞌa.