San Lucas 8:22 - Xochapa Mixteco

²² Saa ku̱u iin kivi ndi̱keta Jesús ini iin barco xiꞌin nda ítaꞌan xiꞌin ra. Ta ndi̱kaꞌan ra xiꞌin nda, káchi ra saa: ―Ná koꞌyo inka ñaꞌñu yuꞌu nduta ñûꞌu ―káchi ra xiꞌin nda. Saa ndi̱kiꞌin nda kuaꞌan nda.

San Lucas 8:22 Iomraidhean Croise

San Mateo 14:22

Saa xa̱ꞌnda Jesús chiñu nuu nda ítaꞌan xiꞌin ra, ya ndaa nda sata barco ndikunuu nda kuꞌun nda, yaꞌa nda inka ñaꞌñu yuꞌu nduta ñûꞌu, ñaa ndi̱ndoo mií ra ndái ra naꞌa.

San Mateo 8:18

Saa xi̱ni Jesús kuaꞌa ni naꞌa xi̱nuu nduu nuu ra, ñaa xa̱ꞌnda ra chiñu nuu nda ítaꞌan xiꞌin ra ya ná koo tuꞌva nda xiꞌin barco ya kuchiñu yaꞌa ra xiꞌin nda kuꞌun nda inka ñaꞌñu yuꞌu nduta ñûꞌu Galilea.

San Marcos 5:21

Saa tá ndiko koo Jesús xiꞌin barco, ndi̱xaa ra nda yuꞌu nduta tikuii nuu ke̱e ra tá kuaꞌan ra. Ta iin chútu ndaa naꞌa ndóo na ndátun na ra, saa ndi̱ndoo ra yuꞌu nduta ñûꞌu ikán xiꞌin na.

San Marcos 6:45

Sindiꞌi ikán saa ndi̱kaꞌan Jesús xiꞌin nda ítaꞌan xiꞌin ra nda̱a nda sata barco. Kuaꞌan nda inka ñaꞌñu yuꞌu nduta ñûꞌu ta ka̱na koo nda kuaꞌan nda chí ñuu Betsaida. Xiꞌna nda ítaꞌan xiꞌin ra kuaꞌan, saa ndi̱ndoo siín mií ra ndái ra naꞌa.

San Marcos 8:13

Saa si̱ndoo ñaꞌa ra, ta nda̱a tuku ra sata itun barco xiꞌin nda ítaꞌan xiꞌin ra, ndi̱kiꞌin nda kuaꞌan nda inka ñaꞌñu yuꞌu nduta ñûꞌu.

San Lucas 5:1

Iin kivi ndíchi Jesús yuꞌu nduta ñûꞌu náni Genesaret, ta yáꞌa ni kuaꞌan naꞌa nuu ra ya kuni soꞌo na tuꞌun Ndioxi, ndakua iin chíndaꞌa taꞌan mií na kuaꞌan na.

San Lucas 8:23

Tá kuaꞌan nda nuu nduta ñûꞌu ikán, ta ndi̱naa ini Jesús ndi̱kixi ra. Ñaa xaá ndinuni loꞌo xíka tachi, ta saa kuaꞌan chútu ndaa tikuii ini nu kúni ndikava nu kaꞌa tikuii ikán.

San Lucas 8:33

Ta saa ke̱e ndiꞌi tachi nduvaꞌa ikán kuaꞌan ya ndi̱kee ya ini kiti kini ikán, saa xi̱nu ni ri, ñaa ndi̱koyo ndiꞌi ri ndika iku ikán ndi̱kee ri ini tikuii, saa ndi̱xiꞌi ndiꞌi ri.

San Juan 6:1

Tá ndiꞌi ikán ta ndi̱kiꞌin Jesús kuaꞌan ra chí inka ñaꞌñu yuꞌu nduta ñûꞌu ya káꞌan na xiꞌin Galilea án Tiberias.

Los Hechos 27:2

Ta saa nda̱a nde sata iin barco tun ke̱e ñuu Adramitio ta yáꞌa nu kuaꞌan nu kuaꞌa ni ñuu ya ñúꞌu yati yuꞌu nduta ñûꞌu estado Asia. Kuaꞌan tu iin ra taꞌan nde ra náni Aristarco va xiꞌin nde, ta ra ke̱e chí ñuu Tesalónica ya ndíkaa estado Macedonia ku ra ikán.