San Lucas 8:2 - Xochapa Mixteco

² Ta saa kuaꞌan ka sava ná ñaꞌa xiꞌin ra. Ta sava ná ndee ni ndo̱ꞌo ná ta si̱ndaꞌa ra ná, ta sava ná ku̱u mií tachi kiti nǎꞌa ta ta̱va ra ri mií ná. Uxa nuu tachi nduvaꞌa ku̱u mií iin yá náni María yá ñuu Magdala,

San Lucas 8:2 Iomraidhean Croise

San Mateo 4:24

Saa ndi̱xita tuꞌun xaꞌa ra ndiꞌi ni kúu ñuu Siria, ta ndáka naꞌa na taꞌan na, na kúꞌvi, na ndóꞌo ndiꞌi ni kúu nuu kueꞌe, xiꞌin na kúu mií tachi nduvaꞌa tin na xíꞌi ndiuu xiꞌin na küvi kaka. Ndi̱xaa na nuu ra ta si̱ndaꞌa ndiꞌi ra na ikán.

San Marcos 16:1

Tá ndi̱yaꞌa kivi ndíkundee na ta sa̱ta yá María Magdalena xiꞌin yá Salomé xiꞌin yá María siꞌí ra Jacobo, sa̱ta ná nduta tami xáꞌan kuaꞌan xiꞌin ná ndiyakun ná ikin kuñu Jesús.

San Marcos 16:9

Tá ndi̱taku Jesús kivi núnu̱ú xaꞌa semana, xitaan kivi domingo ta xiꞌna nuu yá María Magdalena ndi̱tuvi ra, yá ta̱va ra uxa tachi nduvaꞌa tá yachi.

San Lucas 23:27

Ta kuaꞌa ni naꞌa ndíkun kuaꞌan sata Jesús. Iin taꞌnda chee ku ná ñaꞌa ndíkun kuaꞌan sata ra, iin ndáꞌi koꞌo mií ná xáku ná xaꞌa ra kuaꞌan ra.

San Lucas 23:49

Ta saa ndíta sava ná ñaꞌa, ná xi̱ndikun sata Jesús nda ñuu Galilea iin saa nda ñuu Jerusalén. Ndíta ná xiꞌin inka nda migo Jesús. Xíka ndíta na xíto na ya ndóꞌo Jesús nuu itun cruzin ikán.

San Lucas 23:55

Ñaa ke̱e ndiꞌi ná síꞌi, ná xi̱ndikun sata Jesús nda estado Galilea, ke̱e ná ndíkun ná kuaꞌan ná sata ra José saa xi̱ni ná ndá kuꞌva chi̱kaa na ikin kuñu ra nuu si̱nduxi ñaꞌa ra.

San Lucas 8:30

Ta saa ndi̱ndakan tuꞌun Jesús ra, káchi ra saa: ―¿Unkua náni un? ―káchi ra xiꞌin ra. Saa ndi̱kuiin ra, káꞌan ra: ―Legión náni nde ―káchi ra. Chi tuꞌun legión kúni kachi ya: kuaꞌa ni, saa chi ndixa ni kuaꞌa ku tachi nduvaꞌa tíin ñaꞌa.

San Juan 19:25

Ta yati xaꞌa cruzin nuu ínuu Jesús ndíchi siꞌí ra xiꞌin kuꞌvi yá, xiꞌin yá María síꞌi ra Cleofas xiꞌin yá María Magdalena.

Los Hechos 1:14

Ndiꞌi saa ichí ndíkitaꞌan ndiꞌi nda káꞌan nda xiꞌin Ndioxi saa xáku ndaꞌvi nda nuu ra, ta ndíkitaꞌan tu siꞌí Jesús yá María va xiꞌin nda saa tu nda ñani va ra, ndíkitaꞌan na káꞌan na xiꞌin Ndioxi.