San Lucas 8:18 - Xochapa Mixteco

¹⁸ ’Ta kuenta ni koo ndo xaꞌa ñaꞌa ya xíni soꞌo ndo. Saa chi íyo naꞌa ta loꞌo ni kúndaa ini na ichí Ndioxi, sundi mií ra ku ra taxi ka ya kundaa ini na. Ta íyo sava na köo xíin kundaa ini xaꞌa ichí ra, ta nda ya loꞌo kúndaa ini na xaꞌa ra, túvi na, kindaa ndiꞌi ra ya ndaꞌa na ―káchi Jesús xiꞌin nda ítaꞌan xiꞌin ra.

San Lucas 8:18 Iomraidhean Croise

San Mateo 13:12

Saa chi na kúndaa ini tuꞌun káꞌan i, ta Ndioxi ku ra táxi kundaa vaꞌa ka ini na, ta na xïin kundaa ini ya káꞌan i, ta nda ya loꞌo kúndaa ini na ndundaa ya ndaꞌa na.

San Mateo 25:29

Chi ndiꞌi na xíni kundaa vaꞌa ñaꞌa, ta niꞌi kuaꞌa na ya vaꞌa. Ta na köo xíni kundaa vaꞌa ya, ta nda ya loꞌo kúu mií na ndundaa ndiꞌi ya ndaꞌa na.

San Marcos 13:14

’Ta ndóꞌo̱ tá xi̱ni ndo ya väꞌa, ya kini ya síndiꞌi xaꞌa ya i̱í, taꞌan ñaꞌa ya ndi̱kaꞌan ra Daniel xaꞌa, ra ndi̱kaꞌan ndoso tuꞌun yuꞌu Ndioxi, tá xi̱ni ndo ya ikán íyo ya ini veꞌe ñuꞌu kaꞌnu nuu köo xíniñuꞌu ya koo ya, ta vaꞌa ka kana koo ndóꞌo̱ ndóo estado Judea yóꞌó, kee ndo kunu ndo kuꞌun ndo iku, (ta ndóꞌo̱ káꞌvi ya yóꞌó ta ná kundaa ini ndo xiꞌin ya káꞌvi ndo).

San Lucas 19:26

Saa ndi̱kuiin ra rey ikán káꞌan ra: “Tá íyo na xa kuaꞌa ni ñaꞌa kúu mií, ta niꞌi ka na ya saa chi xíni na kundaa na ya. Tá íyo na köo xíni kundaa ya, ta nda ya loꞌo kúu mií na ndundaa ndiꞌi ya ndaꞌa na, saa chi köo xíni na kundaa na ya.

San Lucas 9:44

―Kuni soꞌo vaꞌa ndo ya kaꞌan i xiꞌin ndo, chikaa ni ndo ya nima ndo ta ndïndoso ini ndo ya, chi yeꞌe ra kúu Taa ra xa̱a ñuu ivi yóꞌó, ta nditaxi na yeꞌe ndaꞌa na ivi yóꞌó ya xaa nduvaꞌa ni na xiꞌin i ―káchi ra xiꞌin nda.

San Juan 15:2

Xáꞌnda ndiꞌi ra teꞌe ndaꞌa nu ya köo kúun kuiꞌi ndaꞌa. Ta ya kúun kuiꞌi ndaꞌa ta xáa vií ra xiꞌin ya, xáꞌnda ndoso ra ya, ná nana ndixin ya, ta saa kana kuaꞌa ka kuiꞌi ndaꞌa ya.

Los Hechos 10:33

Tá ndi̱kaꞌan ya xiꞌin i ta ndikun ti̱ꞌvi i nda yóꞌó kuaꞌan nda ndikiꞌin nda yóꞌo̱. Vaꞌa ni kúu xa̱a un, ndi̱xaꞌvi un xaꞌa ya vaxi un. Ta vitin ndi̱kitaꞌan ndiꞌi nde ndóo nde kúni nde kuni soꞌo nde ya ndi̱kaꞌan Ndioxi xiꞌin un kaꞌan un xiꞌin nde ―káchi ra Cornelio xiꞌin ra Pedro.

Los Hechos 17:11

I̱í va ini na ñuu Berea ikán nuu na ñuu Tesalónica, chi vaꞌa ni ka va ndi̱kiꞌin na ikán tuꞌun Ndioxi ya káꞌan ra Pablo xiꞌin na. Ndiꞌi saa kivi síkuaꞌa na tuꞌun Ndioxi ya kundaa vaꞌa ka ini na án ya ndixa kua káꞌan ra Pablo xiꞌin na.

ROMANOS 12:3

Xaꞌa ya vaꞌa ni Ndioxi ta si̱niꞌi uun ra nuu i káꞌan i xiꞌin ndo, yakan xíkan ni i ya mani nuu ndo ndïkani ini ndo ya vaꞌa ni ka mií ndo nuu inka naꞌa. Vaꞌa ka kiꞌin ni ndo kuenta ndá kuꞌva ndíkani ini ndo xaꞌa mií ndo. Ta ndáꞌvi, ndáꞌvi ndikani ini ndo, ikan ndo tá kuꞌva íyo ya vaꞌa ta̱xi Ndioxi ndaꞌa iin iin ndo ya kándixa ndo ra.

1 Corintios 14:37

Tá ndá na taꞌan yo ndíkani ini ya káꞌan na tuꞌun yuꞌu Ndioxi, án ndee ni vaꞌa íyo Tachi I̱í ra xiꞌin na, ta vaꞌa ná kundaa ini na xiꞌin tuꞌun yóꞌó ya kúu ya xáꞌnda chiñu mií Tata yo Jesucristo.

1 Corintios 3:18

Sïndaꞌvi ndo mií ndo. Tá ndá ndóꞌo̱ ndíkani ini ya ndíchi ni ndo, chi xíni ni ndo xiꞌin ya ndíchi íyo ñuu ivi yóꞌó túvi ndo, ta vaꞌa xíniñuꞌu ndo ndasa ndo mií ndo tá kuꞌva íin naꞌa, na köo xíni, ta saa kua ndixa nduu ndo naꞌa, na ndee ni ndíchi.

1 Corintios 8:2

Tá ndíkani ini sava naꞌa ya xíni ni na túvi na, ta ni köo xíni na tá kuꞌva xíniñuꞌu na kundaa vaꞌa ka ini na.

Filipenses 3:4

Tá tu xaꞌa chiñu ya íkan yo kua kaku yo túvi sava na, ta xiꞌna yeꞌe ku ra kama ni kaꞌan ya xa ndi̱kaku i, saa chi kuaꞌa ni ka va ya vaꞌa i̱kan yeꞌe.

HEBREOS 2:1

Xaꞌa ya yóꞌó kua xíniñuꞌu yo chikaa ni soꞌo yo xaꞌa tuꞌun Ndioxi ya xi̱ni soꞌo yo ya ná sïndoo yo ichí ra, ta ná kandixa ni ka yo ra.