San Lucas 8:12 - Xochapa Mixteco

¹² Ta siꞌva ri ndi̱koyo yuꞌu ichí ku na xíni soꞌo tuꞌun Ndioxi, ta vaxi kiti nǎꞌa táva ri tuꞌun Ndioxi nima na ya ná kändixa na tuꞌun ra ya sikaku ra na.

San Lucas 8:12 Iomraidhean Croise

San Mateo 13:19

Ndikin ya ndi̱xita yuꞌu ichí ku ya káꞌan xaꞌa na xíni soꞌo tuꞌun xaꞌa nuu xáꞌnda chiñu Ndioxi, ta köo kúndaa ini na xiꞌin ya. Saa vaxi kiti nǎꞌa táva ri tuꞌun Ndioxi nima na ya xi̱ni soꞌo na.

San Mateo 13:4

Xa̱á ra xáta yava ra ndikin nuu ñuꞌú, saa ndi̱koyo sava ndikin ikán yuꞌu ichí, ñaa ndi̱xaa sàà ya̱xi ri ya.

San Marcos 4:15

Sava naꞌa tá íin ñuꞌú nuu ndi̱koyo ndikin trigo yuꞌu ichí saa íin na, saa chi xíni soꞌo ni na tuꞌun yóꞌó, tá vaxi kiti nǎꞌa táva ri tuꞌun nima na, ta ndíndoso ini na xaꞌa tuꞌun ya xi̱ni soꞌo na.

San Lucas 8:11

Ta soꞌva káchi tuꞌun ndíchi yóꞌó: ―Siꞌva ri ndi̱xita yava ikán ku tuꞌun Ndioxi.

San Lucas 8:13

Ta siꞌva ri ndi̱koyo nuu yu̱ú ku na xíni soꞌo tuꞌun Ndioxi, ta ndíkiꞌin vaꞌa na ya, kúsini ni na xiꞌin ya, sundi täꞌan tiin vaꞌa ya nima na. Ta saa vaxi ya xíto ndoso ñaꞌa, vaxi ya tíxuꞌvi na, ta síndikoo na ichí Ndioxi.

San Lucas 8:5

―Saa ndo̱ꞌo iin ra chíꞌi trigo xa̱á ra xáta yava ra siꞌva trigo. Ta sava ri ndi̱koyo ichí ta ndi̱xañu ndoso na ri, saa xa̱a sàà ta xa̱xi ñaꞌa ri.

El Apocalipsis 12:9

Ta tatun ya íyo xiꞌin Ndioxi ta̱va ya kiti koó nǎꞌa xiꞌin ndiꞌi tachi nduvaꞌa ya íyo xiꞌin ri. Ta̱va ya ri ki̱ꞌin ñaꞌa ya si̱koyo ya nda nuu ñuꞌú. Ta kiti ko̱ó nǎꞌa ikán ku ko̱ó yata ni, ta inka kivi ri kua Satanás án kiti Timiaꞌan. Ta suvi mií ri ku ri síndaꞌvi ndiꞌi ni kúu na ñuu ivi.