San Lucas 8:1 - Xochapa Mixteco

¹ Sindiꞌi ikán ke̱e Jesús kuaꞌan ra iin iin ñuu naꞌnu tin ñuu vali, kuaꞌan ra ndítuꞌun ra xiꞌin na, káꞌan ndoso ra tuꞌun vaꞌa xaꞌa kuꞌva xáꞌnda chiñu Ndioxi. Ta kuaꞌan uxi uvi saa nda ítaꞌan xiꞌin ra.

San Lucas 8:1 Iomraidhean Croise

San Mateo 11:1

Tá si̱ndiꞌi Jesús ta̱xi ra ichí nuu uxi uvi saa nda ítaꞌan xiꞌin ra, saa ke̱e ra kuaꞌan ra sinaꞌa ra tin kaꞌan ndoso ra xiꞌin na ndóo mií ñuu ya ñúꞌu Galilea.

San Mateo 13:19

Ndikin ya ndi̱xita yuꞌu ichí ku ya káꞌan xaꞌa na xíni soꞌo tuꞌun xaꞌa nuu xáꞌnda chiñu Ndioxi, ta köo kúndaa ini na xiꞌin ya. Saa vaxi kiti nǎꞌa táva ri tuꞌun Ndioxi nima na ya xi̱ni soꞌo na.

San Mateo 4:23

Saa xíka Jesús ndiꞌi ni kúu ñuu ya ñúꞌu estado Galilea, ta sínaꞌa ra ini veꞌe ñuꞌu sinagoga, saa káꞌan ndoso ra tuꞌun vaꞌa xaꞌa ichí ya xáꞌnda chiñu Ndioxi, ta si̱ndaꞌa ra naꞌa, na ndee ndóꞌo̱ xiꞌin ndiꞌi saa nuu kueꞌe.

San Mateo 9:35

Saa xíka Jesús ñuu naꞌnu tin ñuu vali, xíniꞌni ra xíka ra sínaꞌa ra naꞌa, tá veꞌe ñuꞌu sinagoga, tá veꞌe ñuu xíka ra. Sínaꞌa ra na tuꞌun vaꞌa xaꞌa ichí ya xáꞌnda chiñu Ndioxi. Ndíkani ra nuu na, saa síndaꞌa ra na ndóꞌo ndiꞌi nuu kueꞌe.

San Marcos 1:39

Saa xa̱á ra xíka ra ndiꞌi kúu veꞌe ñuꞌu sinagoga ya ñúꞌu estado Galilea. Xíka ra káꞌan ndoso ra tuꞌun Ndioxi, saa táva tu ra tachi nduvaꞌa ya ndóꞌo naꞌa va.

San Lucas 1:80

Saa xáꞌnu ka ra loꞌo Juan ndúndee ka ra xiꞌin ndee Ndioxi, ta xíka ra iku yuyu. Ndiꞌi saa kivi ndi̱xika ra iku yuyu nda kivi tá si̱naꞌa ra mií ra nuu na ñuu ra, na Israel.

San Lucas 20:1

Saa ku̱u iin kivi tá ndíkaa Jesús veꞌe ñuꞌu kaꞌnu ñuu Jerusalén sínaꞌa ra tuꞌun vaꞌa xaꞌa Ndioxi. Ta saa ndi̱xaa nda ínuu nuu ndiꞌi sutu xiꞌin nda sínaꞌa ya ta̱a ra Moisés tin na xikuaꞌa,

San Lucas 4:18

Íyo Tachi I̱í Ndioxi xiꞌin i, saa ndi̱kaxin ya yeꞌe vaxi i ndituꞌun i tuꞌun vaꞌa xiꞌin na ndaꞌvi. Saa ti̱ꞌvi ya yeꞌe vaxi i sindaꞌa i na ndee ni taꞌvi nima. Ta ti̱ꞌvi ya yeꞌe vaxi i saña i na núꞌni xaꞌa kuachi na. Saa vaxi i kuna i nuu na kuáa̱, ta vaxi i chindee i na tíxuꞌvi.

San Lucas 9:6

Saa ke̱e nda ndi̱kiꞌin nda kuaꞌan nda ndiꞌi ni kúu ñuu vali, kuaꞌan nda ndítuꞌun nda tuꞌun vaꞌa xaꞌa Jesucristo xiꞌin ndiꞌi naꞌa, ta síndaꞌa nda na kúꞌvi.

Los Hechos 10:38

Ta xi̱ni soꞌo ndo ndá kuꞌva ta̱xi Ndioxi ndee ndaꞌa Jesús ndu̱ndee ra xiꞌin Tachi I̱í Ndioxi ya xa̱a ndúvi ra chiñu nuu Ndioxi. Ta nina ya vaꞌa i̱kan Jesús saa chi Ndioxi íyo xiꞌin ra. Ta ndi̱xika ra si̱ndaꞌa ra na kúꞌvi, saa chi̱ndee ra na kúu mií tachi nduvaꞌa.

Los Hechos 13:32

’Yakan ndítuꞌun nde xiꞌin ndo tuꞌun vaꞌa ya ki̱ndoo Ndioxi xinaꞌa ikan ra xiꞌin xii sikua yo,

ROMANOS 10:15

Ta ¿unkua ikan na kuꞌun na ndituꞌun na tuꞌun Ndioxi xiꞌin inka naꞌa, ta köo naꞌa tiꞌvi na kuꞌun na? Tá káchi tuꞌun Ndioxi ya ta̱a na xinaꞌa: “Vaꞌa ka vi kúni yo tá xa̱a naꞌa ndítuꞌun na tuꞌun vaꞌa xaꞌa Ndioxi xiꞌin yo”, káchi ya ta̱a na.