San Lucas 7:7 - Xochapa Mixteco

⁷ Ta xaꞌa ya ñaa kua, köo ndi̱xaꞌa ndee ini i xaa i nuu un kaꞌan i xiꞌin un kixi un sindaꞌa un moso i. Sundi kándixa i yóꞌo̱ ya kúu mií un ndee sindaꞌa ñaꞌa un. Vaꞌa rá iin tuꞌun ná kaꞌan un ta nduvaꞌa moso i.

San Lucas 7:7 Iomraidhean Croise

San Marcos 1:27

Ta ndi̱kanda ka vi ini na xi̱ni ya ikán, ñaa xa̱á na ndákan tuꞌun taꞌan na, káchi na saa: ―¿Ndá ndee kua kúu mií ra yóꞌó kua? Xa síin va ku ya sínaꞌa ra, ndee ni va ndee kúu mií ra, chi nda tachi nduvaꞌa xíni soꞌo káꞌan ra ―káchi na xiꞌin taꞌan na.

San Lucas 4:36

Ta ndiꞌi na xi̱ni ya ndo̱ꞌo ra ikán ndi̱kanda ni ini na. Ñaa ndindakan tuꞌun taꞌan na, káchi na saa: ―¿Ndá ndee kua kúu mií ra yóꞌó yakan vaꞌa kúu mií ra ichí xáꞌnda chiñu ra nuu tachi nduvaꞌa ta kándixa ñaꞌa ya ―káchi na.

San Lucas 5:13

Ta saa chi̱nuu ndaꞌa Jesús xiní ra, ndi̱kaꞌan ra xiꞌin ra, káchi ra saa: ―Kúni i sindaꞌa i yóꞌo̱, ná nduvaꞌa un ―káchi ra xiꞌin ra. Ta saa ndikun ki̱ndaa kueꞌe táꞌi ñií xiꞌin ra.

San Lucas 7:6

Ta saa ke̱e Jesús kuaꞌan ra xiꞌin na. Tá xa kúyati na xaa na veꞌe ra, saa xi̱ni ra ikán xaa Jesús veꞌe ra. Ta saa ti̱ꞌvi ra nda migo ra kuaꞌan nda kaꞌan nda tuꞌun yóꞌó xiꞌin Jesús: ―Tata, sïndiꞌi ka un mií un ya kixi un veꞌe ra, saa chi ndíkani ini ra yóꞌo̱ chee ni kúu un nuu ra yakan ni köo kúu mií ra ichí ya kiꞌvi un veꞌe ra, chi ra ni̱nu̱ ni kúni ku ra, che.

San Lucas 7:8

Saa chi saa tu yeꞌe va. Íyo na xáꞌnda chiñu nuu i, ta saa tu yeꞌe va xáꞌnda chiñu i nuu inka nda lapa. Tá káꞌan i xiꞌin nda kuꞌun nda, ta kuaꞌan nda. Saa tá kána i nda kixi nda, ta vaxi nda. Saa tu ra xáa chiñu nuu va i, xáꞌnda i chiñu nuu ra ikan ra ndá ka ñaꞌa káꞌan i xiꞌin ra, ta íkan ra ya, káchi ra xiꞌin chiñu vaxi nuu un ―káchi nda xiꞌin Jesús.