San Lucas 7:6 - Xochapa Mixteco

⁶ Ta saa ke̱e Jesús kuaꞌan ra xiꞌin na. Tá xa kúyati na xaa na veꞌe ra, saa xi̱ni ra ikán xaa Jesús veꞌe ra. Ta saa ti̱ꞌvi ra nda migo ra kuaꞌan nda kaꞌan nda tuꞌun yóꞌó xiꞌin Jesús: ―Tata, sïndiꞌi ka un mií un ya kixi un veꞌe ra, saa chi ndíkani ini ra yóꞌo̱ chee ni kúu un nuu ra yakan ni köo kúu mií ra ichí ya kiꞌvi un veꞌe ra, chi ra ni̱nu̱ ni kúni ku ra, che.

San Lucas 7:6 Iomraidhean Croise

San Mateo 20:28

Tá kuꞌva íkan yeꞌe Taa ra xa̱a ñuu ivi yóꞌó, chi yeꞌe ta köo vaxi i ya kaꞌnda i chiñu nuu naꞌa, sundi yeꞌe ta vaxi i ya koto vií i xiꞌin na saa xaa súvi i chiñu nuu na, ta saa kua kuchiñu na saña ndika na xaꞌa kuachi na ―káchi Jesús.

San Mateo 3:11

Yeꞌe, ta síkuchi i ndóꞌo̱ xiꞌin tikuii, ya sínaꞌa ndo mií ndo nuu naꞌa ya ndi̱nama ndo kuꞌva íyo ndo. Sundi íyo inka ra vaxi sindiꞌi, ta ndee ni ra ikán nuu yeꞌe. Ra ikán ku ra sikuchi ndóꞌo̱ xiꞌin Tachi I̱í Ndioxi xiꞌin ñu̱ꞌu̱ ya xíxi. Xaꞌa ya ndee ni ra ta nda nduxan ra küvi loꞌo kundiso i.

San Marcos 5:24

Saa ke̱e Jesús kuaꞌan ra xiꞌin ra, ta kuaꞌa ka vi naꞌa kuaꞌan xiꞌin ra, iin ndakua chíndaꞌa taꞌan mií na kuaꞌan na.

San Lucas 5:8

Ta saa tá xi̱ni ra Simón Pedro ya ndo̱ꞌo nda, ñaa ndi̱xaa ra si̱kusiti ra nuu Jesús, káchi ra saa: ―Tata, yóꞌo̱ ta ra vaꞌa ku un, ra i̱í ku un, yakan vaꞌa ka kuataꞌa nuu i chi küvi kitaꞌan i xiꞌin un chi süvi ra vaꞌa ku i, ra íyo kuachi ku i ―káchi ra xiꞌin Jesús.

San Lucas 7:4

Ta saa ke̱e na kuaꞌan na nuu Jesús. Tá ndi̱xaa na nuu ra, xa̱á na xáku ndaꞌvi na nuu ra káchi na saa xiꞌin ra: ―Tata, vaxi nde xíkan nde ya mani nuu un kuꞌun loꞌo un xiꞌin nde sindaꞌa un moso ra ndíso chiñu nuu iin ciento nda lapa chi vaꞌa ni taa kúu mií ra.

San Lucas 7:5

Suvi ra si̱kuaꞌa veꞌe ñuꞌu sinagoga ya íin ñuu nde yóꞌó, ta kúꞌvi ni ini ra xíni ra na ñuu yo Israel ―káchi na xiꞌin Jesús.

San Lucas 7:7

Ta xaꞌa ya ñaa kua, köo ndi̱xaꞌa ndee ini i xaa i nuu un kaꞌan i xiꞌin un kixi un sindaꞌa un moso i. Sundi kándixa i yóꞌo̱ ya kúu mií un ndee sindaꞌa ñaꞌa un. Vaꞌa rá iin tuꞌun ná kaꞌan un ta nduvaꞌa moso i.

San Lucas 8:49

Káꞌan ka Jesús, saa xa̱a inka ra ke̱e veꞌe ra Jairo, káꞌan ra xiꞌin ra Jairo, káchi ra saa: ―Xa ndi̱xiꞌi va seꞌe un, köo xíniñuꞌu ka un sikutu un ini Tata Maestro ñaa ―káchi ra xiꞌin ra.

Los Hechos 10:38

Ta xi̱ni soꞌo ndo ndá kuꞌva ta̱xi Ndioxi ndee ndaꞌa Jesús ndu̱ndee ra xiꞌin Tachi I̱í Ndioxi ya xa̱a ndúvi ra chiñu nuu Ndioxi. Ta nina ya vaꞌa i̱kan Jesús saa chi Ndioxi íyo xiꞌin ra. Ta ndi̱xika ra si̱ndaꞌa ra na kúꞌvi, saa chi̱ndee ra na kúu mií tachi nduvaꞌa.

Santiago 4:10

Kusiti ndo nuu Iva yo Ndioxi, sindikava ndo ini ndo nuu ra ta xaa kaꞌnu ini ra xaꞌa ndo.

Santiago 4:6

Ta ndee ni ka ndee ya vaꞌa táxi mií Iva yo Ndioxi íyo xiꞌin yo, yakan kua káꞌan tuꞌun ra, káchi ya saa: “Kúndasi nuu va Ndioxi xíni ra naꞌa, na ndee ni kútai ini nuu ra, ta táxi ni va ra ya vaꞌa kúu mií ra ndaꞌa naꞌa, na ni̱nu̱ kúni, na ndáꞌvi kúni nuu ra”, káchi ya.