San Lucas 7:44 - Xochapa Mixteco

⁴⁴ Saa ndi̱koto ra nuu yá ñaꞌa ikán, ta ndi̱kaꞌan ra xiꞌin ra Simón, káchi ra saa: ―¿Án xíto un ya íkan yá yóꞌó xiꞌin i? ―Yóꞌo̱, tá ndi̱kiꞌvi i veꞌe un ta köo ndi̱taxi un tikuii ndoo xaꞌa i. Ta yá yóꞌó xa̱á yá ndíkata yá xaꞌa i xiꞌin tikuii nuu yá, saa ndi̱yakun yá ya xiꞌin ixi xiní yá.

San Lucas 7:44 Iomraidhean Croise

San Lucas 7:38

Ndi̱xaa yá ndi̱kunduꞌu koo yá sata Jesús, saa xa̱á yá xáku ni yá, ta kóyo ni tikuii nuu yá xaꞌa ra. Sindiꞌi ta ndi̱yakun yá xaꞌa ra xiꞌin ixi xiní yá, ñaa si̱ichi yá ya ta xa̱á yá chútu yá xaꞌa ra. Saa tá si̱ndiꞌi yá ta ki̱ꞌin yá nduta tami xaꞌan ikán si̱kuchi yá xaꞌa ra.

San Lucas 7:43

Saa ndi̱kuiin ra Simón káchi ra saa: ―Tuvi yeꞌe, ra kuaꞌa ni xi̱nika ku ra kúꞌvi ni ini xíni ñaꞌa ―káchi ra. Ta saa ndi̱kuiin Jesús, káchi ra saa: ―Ya ndaa ni ndixa ku ya ndi̱kaꞌan un ―káchi ra xiꞌin ra.

San Juan 13:5

Saa ki̱ꞌin ra tikuii ta̱an ra ini iin ñaꞌa, ñaa xa̱á ra ndíkata ra xaꞌa nda ítaꞌan xiꞌin ra, ta síichi ra ya xiꞌin toalla, ya ka̱tun ra toko ra.

1 Timoteo 5:10

Ta saa tu ná ndóso vaꞌa tuꞌun xaꞌa ya íkan ná ya vaꞌa, ta vaꞌa ni xi̱ndaa ná seꞌe ná, ta saa ndi̱kuiso vaꞌa ni ná na xáa veꞌe ná, ta ndi̱kata ná xaꞌa nda ñani yo xiꞌin ná kuꞌva yo, saa chi̱ndee taꞌan ná xiꞌin naꞌa tá xi̱ñúꞌu na nuu tindoꞌo, ta vaꞌa ni i̱kan ná xiꞌin ndiꞌi naꞌa.

Santiago 2:6

Sundi ndóꞌo̱, ta köo ndíkuiso vaꞌa ndo na, na xáa nduvaꞌa ndo xiꞌin va ku na. Ta ¿án süvi na kuika ku na táxi kuachi xaꞌa ndo, saa ñúu ndai na ndóꞌo̱ kuaꞌan ndo nuu na chiñu?