San Lucas 7:43 - Xochapa Mixteco

⁴³ Saa ndi̱kuiin ra Simón káchi ra saa: ―Tuvi yeꞌe, ra kuaꞌa ni xi̱nika ku ra kúꞌvi ni ini xíni ñaꞌa ―káchi ra. Ta saa ndi̱kuiin Jesús, káchi ra saa: ―Ya ndaa ni ndixa ku ya ndi̱kaꞌan un ―káchi ra xiꞌin ra.

San Lucas 7:43 Iomraidhean Croise

San Mateo 18:27

Saa ku̱ndaꞌvi ini ra rey xi̱ni ra ta ikán, ra xa̱a kaꞌnu ini ra xaꞌa ya níka ra nuu ra, ñaa sa̱ña ñaꞌa ra.

San Marcos 12:34

Saa tá xi̱ni soꞌo Jesús ya vaꞌa ni ndi̱kuiin ra maestro ikán, saa ndi̱kaꞌan ra xiꞌin ra, káchi ra saa: ―Xa siloꞌo ni kúmani nuu un ya taxi un kaꞌnda chiñu Ndioxi nuu un ―káchi ra xiꞌin ra. Ta saa nda iin ka na köo ndixaꞌa ndee ini ndakan tuꞌun ñaꞌa ya koto ndoso na ra.

San Lucas 10:38

Saa ke̱e Jesús kuaꞌan ra xiꞌin nda ítaꞌan xiꞌin ra, ndi̱xaa ra iin ñuu loꞌo. Ta ikán ke̱ta iin yá náni Marta ndi̱kiꞌin yá ra kuaꞌan ra xiꞌin yá veꞌe yá.

San Lucas 7:42

Saa ku̱u ta nda iin nda köo ndi̱kuchiñu cháꞌvi xuꞌun ra, ñaa ndi̱xiyo ra ya kaꞌnu ini xiꞌin uvi saa nda. ―¿Ta unku nda kúꞌvi ni ka ini xíni ñaꞌa xaꞌa ya xa̱a kaꞌnu ini ra xaꞌa uvi saa nda, túvi yóꞌo̱? ―káchi Jesús xiꞌin ra Simón.

San Lucas 7:44

Saa ndi̱koto ra nuu yá ñaꞌa ikán, ta ndi̱kaꞌan ra xiꞌin ra Simón, káchi ra saa: ―¿Án xíto un ya íkan yá yóꞌó xiꞌin i? ―Yóꞌo̱, tá ndi̱kiꞌvi i veꞌe un ta köo ndi̱taxi un tikuii ndoo xaꞌa i. Ta yá yóꞌó xa̱á yá ndíkata yá xaꞌa i xiꞌin tikuii nuu yá, saa ndi̱yakun yá ya xiꞌin ixi xiní yá.

San Lucas 7:47

Ta vitin kúni i kaꞌan i xiꞌin un: Ndiꞌi kúu kuachi yá yóꞌó ta xa ndo̱o ndiꞌi ya, saa chi kúꞌvi ni ini yá xíni yá yeꞌe. Sundi na loꞌo ni kuachi kúu mií túvi na, ta loꞌo ni kúꞌvi ini na xíni na yeꞌe ―káchi Jesús xiꞌin ra ikán.