San Lucas 7:42 - Xochapa Mixteco

⁴² Saa ku̱u ta nda iin nda köo ndi̱kuchiñu cháꞌvi xuꞌun ra, ñaa ndi̱xiyo ra ya kaꞌnu ini xiꞌin uvi saa nda. ―¿Ta unku nda kúꞌvi ni ka ini xíni ñaꞌa xaꞌa ya xa̱a kaꞌnu ini ra xaꞌa uvi saa nda, túvi yóꞌo̱? ―káchi Jesús xiꞌin ra Simón.

San Lucas 7:42 Iomraidhean Croise

San Mateo 18:27

Saa ku̱ndaꞌvi ini ra rey xi̱ni ra ta ikán, ra xa̱a kaꞌnu ini ra xaꞌa ya níka ra nuu ra, ñaa sa̱ña ñaꞌa ra.

San Mateo 18:34

Saa ndi̱saa ni mií ra rey ikán ta chi̱kaa ñaꞌa ra veꞌe kàà, ta xa̱ꞌnda ra chiñu ya ná sitixuꞌvi ni na ra, ndakua chaꞌvi ndiꞌi ra ya níka ra, nda saa keta ra veꞌe kàà. Saa káchi tuꞌun ndíchi yóꞌó ―káchi Jesús xiꞌin ra Pedro.

San Mateo 6:12

Xaa kaꞌnu ini un xaꞌa kuachi nde, saa chi saa tu ndeꞌe va xáa kaꞌnu ini nde xaꞌa kuachi na íkan ya väꞌa xiꞌin nde.

San Lucas 7:43

Saa ndi̱kuiin ra Simón káchi ra saa: ―Tuvi yeꞌe, ra kuaꞌa ni xi̱nika ku ra kúꞌvi ni ini xíni ñaꞌa ―káchi ra. Ta saa ndi̱kuiin Jesús, káchi ra saa: ―Ya ndaa ni ndixa ku ya ndi̱kaꞌan un ―káchi ra xiꞌin ra.

ROMANOS 3:24

Sundi mií Ndioxi ku ra i̱kan ya vaꞌa xiꞌin yo, nda̱sa vaꞌa ra yoo, ndu̱u yo tá íin naꞌa, na köo ka kuachi ku mií nuu ra. Xaꞌa ya vaꞌa ni Ndioxi, yakan si̱niꞌi uun ra ya vaꞌa, ya chee ni yóꞌó nuu yo. Ta nda iin ñaꞌa köo ndíkan yo xaꞌa ya nda̱sa vaꞌa Ndioxi yoo. Iindaa Jesucristo ku ra cha̱ꞌvi xaꞌa yo chi ndi̱xiꞌi ra ndaꞌa cruzin.

ROMANOS 5:6

Kivi tá xi̱ndoꞌni yo ndaꞌa kuachi ta köo ndíkuchiñu yo saña yo mií yo ndaꞌa ya. Ni köo ndi̱kuchiñu yo sikaku yo mií yo, nda kivi tá chi̱tuni mií Ndioxi, saa kua ki̱xi Jesucristo ndi̱xiꞌi ra xaꞌa kuachi yo.

Gálatas 3:10

Ta ndiꞌi naꞌa, na ndíkani ini ya xíniñuꞌu ni na xaa súvi na ya káꞌan ley Ndioxi ya ta̱a ra Moisés, saa kua nduu na, na vaꞌa, na köo ka kuachi kúu mií nuu Ndioxi, káꞌán na, ta íyo chiꞌña sata na, chi saa káꞌan tuꞌun Ndioxi, káchi ya soꞌva: “Ndiꞌi naꞌa, na köo kúchiñu xaa súvi ndiꞌi ni kúu ya káꞌan ley Ndioxi ya ta̱a ra Moisés, ta na ndíso chiꞌña ku ndiꞌi na”, káchi tuꞌun ra.

Efesios 1:7

Ta ya kuchiñu ra sikaku ra yoo kua cha̱ꞌvi Jesucristo xaꞌa kuachi yo xiꞌin nií ra nduta ndi̱xita nuu cruzin tá ndi̱xiꞌi ra. Saa ku̱u nuu ndi̱saña yo ki̱ndoo ndíka yo nuu ya väꞌa, ya xa̱ꞌnda chiñu nuu yo. Xaꞌa ya kaꞌnu ni ini Ndioxi kua i̱kan ra saa xiꞌin yo.

Efesios 4:32

Ta vitin xíniñuꞌu ndo koo ndo naꞌa, na vaꞌa ini. Kundaꞌvi ini ndo kuni taꞌan ndo. Xaa kaꞌnu ini ndo xaꞌa taꞌan ndo, tá kuꞌva xa̱a kaꞌnu ini Ndioxi xaꞌa ndo tixin Tata yo Jesucristo.

Colosenses 3:13

Ta säa ndo xiꞌin taꞌan ndo, kaꞌnu koo ini ndo xiꞌin taꞌan ndo. Tá ndá naꞌa íkan ya väꞌa xiꞌin ndo ta vaꞌa xaa kaꞌnu ini ndo xaꞌa na, tá kuꞌva i̱kan Tata yo xiꞌin ndo, xa̱a kaꞌnu ini ra xaꞌa ndo, saa ikan ndo.