San Lucas 7:41 - Xochapa Mixteco

⁴¹ Ñaa xa̱á Jesús káꞌan ra iin tuꞌun ndíchi xiꞌin ra, káchi ra saa: ―Saa ndo̱ꞌo uvi nda taa, nda níka nuu iin ra táxi too xuꞌun. Iin ra níka uꞌun ciento denario ta inka ra níka uvi xiko uxi denario.

San Lucas 7:41 Iomraidhean Croise

San Mateo 18:28

Saa ke̱ta ra moso ikán kuaꞌan ra, ñaa ndi̱kitaꞌan ra xiꞌin inka moso taꞌan mií ra, ta níka ra ikán iin ciento xuꞌun vali ya náni denario nuu ra. Ñaa xa̱á ra xáxin ra sukun ra xáa nduxa ra xiꞌin ra, káchi ra saa: “¡Chaꞌvi ya níka un nuu i!”, káchi ra xiꞌin ra.

San Mateo 6:12

Xaa kaꞌnu ini un xaꞌa kuachi nde, saa chi saa tu ndeꞌe va xáa kaꞌnu ini nde xaꞌa kuachi na íkan ya väꞌa xiꞌin nde.

San Marcos 6:37

Saa ndi̱kuiin Jesús, káchi ra saa: ―¿Ndachun kuꞌun na nduku na ñaꞌa kuxi na? Vaꞌa, taxi mií ndo ná kuxi na ―káchi ra xiꞌin nda. Saa ndi̱kuiin nda káꞌan nda: ―¿Án kúni un kuꞌun nde sata nde ñaꞌa kuxi na? Ta nda uvi ciento xuꞌun denario vi kua vaꞌa nani ya sata nde ñaꞌa kuxi na ―káchi nda xiꞌin ra.

San Lucas 11:4

Saa xaa kaꞌnu ini un xaꞌa kuachi nde, saa chi saa tu ndee va xáa kaꞌnu ini nde xaꞌa kuachi na íkan ya väꞌa xiꞌin nde. Täxi un ndikava nde ndaꞌa ya väꞌa, chindee un ndeꞌe nuu ya väꞌa, kachi ndo xiꞌin ra ―káchi Jesús xiꞌin nda.

San Lucas 12:48

Sundi tá íyo iin ra moso, ta köo xíni ra ini xitoꞌo ra unkua kúni ra ikan ra, ta loꞌo ni va ndoꞌo ra xaa xitoꞌo ra. Saa ndiꞌi ndóꞌo̱, tá tu kuaꞌa ni ya vaꞌa táxi Ndioxi ndaꞌa ndo ta kuaꞌa ni ya vaꞌa nduku ra nuu ndo. Tá tu kuaꞌa ni ya kúndaa ini ndo xaꞌa ra ta kuaꞌa ni ya nduku ra nuu ndo ―káchi Jesús xiꞌin na.

San Lucas 13:4

Tá kúu na xaꞌun uni ndi̱xiꞌi tá ndi̱kava torre ya Siloé, ¿án kini ni ka na ikán nuu inka na ndóo ñuu Jerusalén túvi ndo?

San Lucas 7:40

Ta saa ndi̱kaꞌan Jesús xiꞌin ra, káchi ra saa: ―Tata Simón, íyo iin ñaꞌa kúni i kaꞌan i xiꞌin un ―káchi ra xiꞌin ra. Saa ndi̱kuiin ra Simón, káchi ra saa: ―Vaꞌa, kaꞌan xiꞌin i Tata Maestro ―káchi ra.

San Lucas 7:47

Ta vitin kúni i kaꞌan i xiꞌin un: Ndiꞌi kúu kuachi yá yóꞌó ta xa ndo̱o ndiꞌi ya, saa chi kúꞌvi ni ini yá xíni yá yeꞌe. Sundi na loꞌo ni kuachi kúu mií túvi na, ta loꞌo ni kúꞌvi ini na xíni na yeꞌe ―káchi Jesús xiꞌin ra ikán.

ROMANOS 3:23

Kuꞌva saa kua xi̱niñuꞌu Ndioxi i̱kan ra xiꞌin yo chi ndiꞌi ni kúu yo ndíso kuachi xaꞌa ya väꞌa íkan yo nuu ra. Ta xaꞌa ya ikán kua ku̱xika yo nuu ra, küvi kuyati yo koo yo xiꞌin ra nuu íyo ndiꞌi ya luvi ni yéꞌe̱.

ROMANOS 5:20

Tá ta̱xi Ndioxi ley ra ndaꞌa na, saa kua ku̱ndaa ini na ya ndee ni íyo kuachi na nuu ra. Tá ndee ni nda̱a kuachi na ta saa ndee ni ka ndaa tu ya vaꞌa i̱kan Ndioxi xiꞌin va na, xaꞌa ya kúꞌvi ni ini ra xíni ra na.