San Lucas 7:3 - Xochapa Mixteco

³ Saa ku̱ndaa ini patrón ra tuꞌun xaꞌa Jesús, saa ka̱na ra na xikuaꞌa na ínuu nuu na judío, ta ndi̱kaꞌan ra xiꞌin na kuꞌun na nduku na ya mani nuu Jesús kixi ra sindaꞌa ra moso ra.

San Lucas 7:3 Iomraidhean Croise

San Mateo 8:5

Saa ndi̱kiꞌvi Jesús ñuu Capernaum. Ñaa ndi̱xaa iin ra lapa ndíso chiñu xiꞌin iin ciento nda lapa ñuu Roma nuu ra. Saa xáku ndaꞌvi ra nuu ra,

San Lucas 7:2

Tá ndi̱xaa ra ñuu Capernaum, ta ikán íyo iin ra ndíso chiñu nuu iin ciento nda lapa ñuu Roma. Saa ki̱ꞌin kueꞌe moso ra, ra ndee ni kúꞌvi ini ra xíni ra, ta xa siloꞌo kuvi ra, yáꞌa ni ndee ndóꞌo ra.

San Lucas 7:4

Ta saa ke̱e na kuaꞌan na nuu Jesús. Tá ndi̱xaa na nuu ra, xa̱á na xáku ndaꞌvi na nuu ra káchi na saa xiꞌin ra: ―Tata, vaxi nde xíkan nde ya mani nuu un kuꞌun loꞌo un xiꞌin nde sindaꞌa un moso ra ndíso chiñu nuu iin ciento nda lapa chi vaꞌa ni taa kúu mií ra.

San Lucas 8:41

Saa ndi̱xa̱a iin ra náni Jairo nuu Jesús, ta ra Jairo ku iin ra xáꞌnda chiñu nuu na veꞌe ñuꞌu sinagoga mií ñuu ikán. Ta ndi̱xaa ra si̱kusiti ra nuu Jesús, xáku ndaꞌvi ra nuu ra ya kuꞌun ra xiꞌin ra veꞌe ra.

San Lucas 9:38

Ta saa ndíkaa iin ra taa tañu ndiꞌi na ndóo ikán, ta ndee ni ndi̱kaꞌan ra xiꞌin Jesús, káchi ra saa: ―Tata Maestro, xíkan i ya mani nuu un xaa loꞌo un ya vaꞌa xiꞌin i, sindaꞌa loꞌo un seꞌe i chi iindaa saa ku ra nuu i.

San Juan 4:47

Saa tá ku̱ndaa ini ra tuꞌun xaꞌa Jesús ya ke̱e ra estado Judea ta ndi̱xaa ra estado Galilea, ta ke̱e ra ikán ndi̱xaꞌan ra nuu ra ndi̱kaꞌan ra xiꞌin ra ya kuꞌun ra xiꞌin ra veꞌe ra sindaꞌa ra seꞌe ra, saa chi ndée ni ndee ndóꞌo seꞌe ra ta xa yati kuvi ra.

FILEMÓN 1:10

Xaꞌa ya ñaa kua xíkan ni i ya mani nuu un ñani yo Filemón, xaꞌa ra Onésimo ñani yo, chi ra ñaa ta tá íyo seꞌe mií i saa íyo ra, xaꞌa ya ndi̱kundikun ra ichí Tata yo Jesucristo ini veꞌe kàà nuu ndíkaa i yóꞌó.