San Lucas 7:26 - Xochapa Mixteco

²⁶ ¿Unkua ka̱na koo ndo xíto ndo? ¿Án iin ra káꞌan ndoso tuꞌun yuꞌu Ndioxi ku ra ka̱na koo ndo xíto ndo? Ya ndaa va kua, taa ra ka̱na koo ndo xíto ndo, ta chee ni ka ra ikán nuu ndiꞌi nda ndi̱kaꞌan ndoso tuꞌun yuꞌu Ndioxi.

San Lucas 7:26 Iomraidhean Croise

San Lucas 1:76

Ta yóꞌo̱ ra loꞌo, ra káꞌan tuꞌun yuꞌu Iva yo Ndioxi koo un chi ra Chee ni ku ra, saa chi kunuu un nuu Tata yo kuꞌun un kaꞌan un xiꞌin na ya ndasa vií un ichí nuu ra.

San Lucas 16:16

Saa ndi̱kaꞌan ka Jesús, káchi ra saa: ―Tá yachi ta ley Ndioxi xiꞌin ya ta̱a nda ndi̱kaꞌan ndoso tuꞌun yuꞌu Ndioxi kua ndi̱xiyo, iin saa nda kivi tá ki̱xi ra Juan, ra si̱kuchi naꞌa. Saa ku nuu xa̱á káꞌan ndoso nde ndá kuꞌva xáꞌnda chiñu Ndioxi. Ta kuaꞌa ni na xáa nduxa kuakiꞌvi na ichí ra.

San Lucas 20:6

Ta ni küvi kaꞌan tuku yo: “Naꞌa ku na ta̱xi ichí ndaꞌa ra”, kachi yo, saa chi ndiꞌi na kándixa ni ñaꞌa na. “Ra ndi̱kaꞌan ndoso tuꞌun yuꞌu Ndioxi ku ra”, káchi na, ta ìyo ni kaꞌni na yoo xiꞌin yu̱ú ―káchi nda xiꞌin taꞌan nda.

San Lucas 7:25

¿Unkua xi̱ni ndo tá ka̱na koo ndo xíto ndo? ¿Án iin taa ra ndíxi vaꞌa ni ku ra xi̱ni ndo? Chi taa ra kuika, ra ndíxi tikoto vaꞌa ta luvi ni va veꞌe nuu íyo ra xaꞌa ya kúu ra rey.

San Lucas 7:27

Chi xinaꞌa ta̱a iin ra ndi̱kaꞌan ndoso tuꞌun yuꞌu Ndioxi xaꞌa ra Juan, ta ya ta̱a ra káchi ya saa: Ra yóꞌó ku ra kunuu kuꞌun nuu un, xiꞌna ra kuꞌun xaa vií ichí saa kuꞌun un, káchi ya ta̱a ra ikán. ―káchi Jesús xiꞌin na.

San Juan 5:35

Tá íyo ñu̱ꞌu̱ xíxi ta ndee ni ndíyeꞌe ya, saa ndi̱xiyo ra Juan, ta ndóꞌo̱ ta ku̱sini ni ndo xi̱ni soꞌo ndo ya ndi̱kaꞌan ra xiꞌin ndo, ta uvi ndaa kivi va kua ku̱sini ni ndo.