San Lucas 7:16 - Xochapa Mixteco

¹⁶ Tá xi̱ni na ndi̱taku ra, ta ndi̱kanda ni ini na ndi̱ndiꞌvi ni na. Saa xa̱á na xáa kaꞌnu na Ndioxi, káchi na saa: ―Iin ra chee ni ra káꞌan ndoso tuꞌun yuꞌu Ndioxi ku ra ndi̱kuita tañu yo. Ti̱ꞌvi Ndioxi ra vaxi ra koto ra yoo na kúu ñuu ra ―káchi na.

San Lucas 7:16 Iomraidhean Croise

San Mateo 15:31

Saa ndi̱kanda ni ini na xi̱ni ñaꞌa na xaꞌa ya xi̱ni na xa̱á vaꞌa xíka na köo ndikuvi kaka, ta na kuáa̱ ndi̱xuna nuu na, na meꞌme xa̱á vaꞌa káꞌan na, saa xa̱á na xáa kaꞌnu ndiꞌi na Ndioxi, ra xáa káꞌnu na Israel.

San Mateo 21:11

Saa ndi̱kuiin na kuaꞌan xiꞌin Jesús, káꞌan na: ―Jesús, ra profeta ku ra, ra ke̱e ñuu Nazaret estado Galilea ku ra ―káchi na.

San Mateo 28:8

Ndi̱ndiꞌvi ni ná, sundi kúsini ka vi ná. Ñaa ka̱na koo ná ndee ka vi xínu ná kuaꞌan ná ndituꞌun ná xiꞌin nda xi̱taꞌan xiꞌin ra.

San Mateo 9:8

Tá xi̱ni naꞌa ya ndu̱vaꞌa ra ikán, saa ndi̱kanda ni ini na, ta xa̱a kaꞌnu na Ndioxi xaꞌa ya ta̱xi ra ndee ra ndaꞌa na ñuu ivi yóꞌó.

San Lucas 1:65

Saa tá xi̱ni na xíni taꞌan xiꞌin ra ya xa̱á ra káꞌan ra ta ndi̱ndiꞌvi ka vi na. Xa̱ta ndiꞌi na tuꞌun xaꞌa ya ndo̱ꞌo ra. Ndiꞌi saa ñuu ya ñúꞌu iku estado Judea ku̱ndaa ini na xaꞌa ya ndo̱ꞌo ra.

San Lucas 1:68

Kaꞌnu ni ná koo Ndioxi ra chíndee yoo na Israel, saa chi vaxi ra koto ra yoo saa saña ndíka ra yoo.

San Lucas 19:44

Iin sindiꞌi vaꞌa na xaꞌa ndo. Nda iin yu̱ú xaꞌa veꞌe ndo ndöo ikan na. Iin ndiꞌi vaꞌa xaꞌa ñuu ndo, saa chi köo xíin ndo ndikuni ndo yeꞌe, ya sikaku i ndóꞌo̱ ―káchi Jesús xiꞌin na.

San Lucas 2:20

Ta saa ndi̱ko koo nda kuanuꞌu nda iku nuu ndóo kiti sana nda, káꞌan nda ya vaꞌa xaꞌa Ndioxi kuaꞌan nda. Ta kúsini ka vi nda kuaꞌan nda xaꞌa ya xi̱ni soꞌo nda ndi̱kaꞌan tatun Ndioxi xiꞌin nda, saa chi tá íyo ya ndi̱kaꞌan tatun ikán xiꞌin nda, saa íyo ya xi̱ni nda.

San Lucas 24:19

Saa ndi̱kaꞌan ra xiꞌin nda káchi ra saa: ―¿Ta unkua ku̱u kua? ―káchi ra xiꞌin nda. Saa ndi̱kuiin nda, káꞌan nda: ―Xaꞌa ra Jesús, ra ñuu Nazaret va kua káꞌan nde. Ra ndi̱kaꞌan ndoso tuꞌun yuꞌu Ndioxi ndi̱xiyo ra, ta ndee ni ndee taa ku̱u mií ra, kuaꞌa ni ya vaꞌa i̱kan ra, vaꞌa ni si̱naꞌa ra. Ta vaꞌa ni káꞌan Ndioxi xaꞌa ra tin ndiꞌi naꞌa.

San Lucas 5:26

Ta ndiꞌi na ndóo ikán xi̱ni ndu̱vaꞌa ra, ñaa ndi̱kanda ni ini na xa̱á na káꞌan na ya vaꞌa xaꞌa Ndioxi, ta íꞌvi ni na, káchi na saa: ―Nda iin kivi täꞌan kuni yo taꞌan ya xíto yo kivi vitin ―káchi na.

San Lucas 5:8

Ta saa tá xi̱ni ra Simón Pedro ya ndo̱ꞌo nda, ñaa ndi̱xaa ra si̱kusiti ra nuu Jesús, káchi ra saa: ―Tata, yóꞌo̱ ta ra vaꞌa ku un, ra i̱í ku un, yakan vaꞌa ka kuataꞌa nuu i chi küvi kitaꞌan i xiꞌin un chi süvi ra vaꞌa ku i, ra íyo kuachi ku i ―káchi ra xiꞌin Jesús.

San Lucas 7:15

Saa ndi̱taku ra ndi̱koo ra ndi̱kunduꞌu koo ra nuu itun xito ikán. Saa xa̱á ra káꞌan ra. Ñaa ndi̱taxi Jesús ra ndaꞌa siꞌí ra.

San Lucas 7:39

Saa tá xi̱ni ra Simón ikán, ta xa̱á ndíkani ini ra, káchi ra saa: “Tá tu ndixa ra káꞌan ndoso tuꞌun yuꞌu Ndioxi ku ra yóꞌó, ta xa kundaa va ini ra süvi ñaꞌa vaꞌa ku yá yóꞌó, ta täxi ra tiin ndaa ñaꞌa yá, ndíkuu”, káꞌán ra.

San Lucas 8:37

Ta ndiꞌi na ñuu Gadara xiꞌin inka ka na ñuu vali ya ítaꞌan yati xiꞌin ya, ndi̱xikan na ya mani nuu Jesús ya ná keta ra ñuu na kuꞌun ra chi yáꞌa ni íꞌvi na. Ta saa ndi̱kiꞌvi Jesús ini tun barco xiꞌin nda ítaꞌan xiꞌin ra ndi̱kiꞌin nda kuaꞌan nda.

San Lucas 9:19

Saa ndi̱kuiin nda káꞌan nda: ―Sava na káꞌan ra Juan, ra síkuchi naꞌa, kúu un, káchi na, sava tu na káꞌan ra Elías ku un, káchi na, inka tuku na káꞌan va sana iin ra ndi̱kaꞌan ndoso tuꞌun yuꞌu Ndioxi xinaꞌa ku ra ndi̱taku, káchi na xaꞌa un ―káchi nda xiꞌin ra.

San Juan 1:21

Saa ndi̱ndakan tuꞌun tuku ñaꞌa nda, káchi nda saa: ―¿Ta unku yóꞌo̱? ¿Án ra profeta Elías kúu un? ―káchi nda xiꞌin ra. Saa ndi̱kuiin ra káꞌan ra: ―Süvi i ―káchi ra. ―¿Án iin ra profeta ndi̱kaꞌan ndoso tuꞌun yuꞌu Ndioxi xinaꞌa va ku un? ―káchi nda xiꞌin ra. Saa ndi̱kuiin ra káꞌan ra: ―Süvi i ―káchi ra xiꞌin nda.

San Juan 1:25

Ta saa ndi̱kaꞌan nda xiꞌin ra, káchi nda saa: ―Tá tu süvi Cristo kuu un, ta ni süvi ra Elías ku un, ta ni süvi ra profeta ku un, ¿ta ndachu síkuchi un naꞌa? ―káchi nda xiꞌin ra.

San Juan 4:19

Ñaa tá xi̱ni soꞌo yá ya ndi̱kaꞌan ra xiꞌin yá, saa ndi̱kaꞌan yá xiꞌin ra, káchi yá saa: ―Tata, va iin ra káꞌan ndoso tuꞌun yuꞌu Ndioxi va ku un túvi i.

San Juan 6:14

Saa tá xi̱ni na ikán yatuꞌun i̱kan Jesús, ta ndi̱kaꞌan na, káchi na saa: ―Ndixa ra yóꞌó ku ra káꞌan ndoso tuꞌun yuꞌu Ndioxi, mií ra chee ni, ra ndátun yo xaa ñuu ivi yóꞌó ku ra ―káchi na.

San Juan 9:17

Saa ndi̱kaꞌan tuku nda xiꞌin ra ndi̱xiyo kuáa̱, káchi nda saa: ―¿Ta unkua káꞌan yóꞌo̱ xaꞌa taa, ra xu̱na nuu un? ―káchi nda xiꞌin ra. Saa ndi̱kuiin ra káꞌan ra: ―Iin ra káꞌan ndoso tuꞌun yuꞌu Ndioxi va ku ra ―káchi ra.

Los Hechos 5:5

Ñaa tá xi̱ni soꞌo ra ya ndi̱kaꞌan ra Pedro ta ndikun ndi̱kava ra ndi̱xiꞌi ra. Ta ndiꞌi na xi̱ni soꞌo ya ndo̱ꞌo ra ta ndi̱ndiꞌvi ni na.

Los Hechos 7:37

Suvi ra Moisés ikán ku ra ndi̱kaꞌan xiꞌin xii sikua yo: “Vaxi kivi ta tiꞌvi Ndioxi iin ta̱a, raza mií yo Israel yóꞌó koo ra tiꞌvi Ndioxi kixi ra kaꞌan ndoso ra tuꞌun yuꞌu Ndioxi xiꞌin naꞌa. Tá kuꞌva íyo yeꞌe káꞌan ndoso i tuꞌun yuꞌu ra xiꞌin ndo, saa koo ra kixi, ta kuni soꞌo ndo ya kaꞌan ra ikán xiꞌin ndo”, káchi ra Moisés xiꞌin na.

Gálatas 1:24

Ta saa xa̱a kaꞌnu ni na Ndioxi xaꞌa ya i̱kan ra xiꞌin i.