San Lucas 7:10 - Xochapa Mixteco

¹⁰ Ta saa tá ndi̱ko koo nda ndi̱xaꞌan nuu Jesús ndi̱xaa nda veꞌe ra, ta ndi̱taꞌan nda moso ra íyo vaꞌa ra, xa ndu̱vaꞌa ra i̱kan Jesús.

San Lucas 7:10 Iomraidhean Croise

San Mateo 15:28

Ñaa ndi̱kaꞌan Jesús xiꞌin yá, káchi ra saa: ―Nana, ndixa ni kándixa un yeꞌe. Ta xaꞌa ya ñaa xaa súvi i ya ndúku un nuu i ―káchi ra xiꞌin yá. Ta mi hora ikán ndu̱vaꞌa yá loꞌo seꞌe yá.

San Mateo 8:13

Saa ndi̱kaꞌan ka Jesús xiꞌin ra ndíso chiñu xiꞌin nda lapa ikán, káchi ra saa: ―Vaꞌa ndiko koo un nuꞌu un veꞌe un. Xa ndu̱vaꞌa ra xáa chiñu nuu un xaꞌa ya kándixa un yeꞌe ―káchi Jesús xiꞌin ra. Ta mi hora ikán ndu̱vaꞌa ra xáa chiñu nuu ra.

San Marcos 9:23

Saa ndi̱kaꞌan Jesús xiꞌin ra, káchi ra saa: ―¿Ndachu káꞌan un án kuchiñu i? ¿Án kuchiñu un kandixa un Ndioxi? Ndiꞌi va ya kuchiñu ikan Ndioxi xiꞌin na kándixa ñaꞌa ―káchi Jesús xiꞌin ra.

San Lucas 7:11

Tá ndi̱ꞌi ikán, ta ke̱e Jesús kuaꞌan ra xiꞌin nda ítaꞌan xiꞌin ra, kuaꞌan nda iin ñuu náni Naín. Saa kuaꞌan kuaꞌa ni naꞌa xiꞌin ra.

San Lucas 7:9

Ñaa tá xi̱ni soꞌo Jesús ya̱ ndi̱kaꞌan nda ikán ta ndi̱kanda ni ini ra. Saa ndi̱ko koo ra ndi̱koto ra nuu na ndíkun kuaꞌan sata ra, ta saa ndi̱kaꞌan ra xiꞌin na, káchi ra saa: ―Ya ndaa káꞌan i xiꞌin ndo, ra yóꞌó ta ni süvi ra ñuu yo Israel ku ra ta ndinuꞌu ni ini ra kándixa ra yeꞌe. Nda iin ndóꞌo̱ ñuu yo Israel yóꞌó köo ndáa ni ini xíni yeꞌe tá kuꞌva kándixa ni ra yóꞌó tuꞌun káꞌan i ―káchi Jesús xiꞌin na.