San Lucas 6:41 - Xochapa Mixteco

⁴¹ Ta saa ndóꞌo̱, ¿ndachu kua xíto ndaa ndo xeꞌe loꞌo ya ndíkaa nuu ñani ndo ta köo xíto ndo itun viga chee ni ndíkaa nuu mií ndo?

San Lucas 6:41 Iomraidhean Croise

San Mateo 7:1

Saa ndi̱kaꞌan Jesús káchi ra saa: ―Känaꞌa un xaꞌa inka naꞌa, ta ni Ndioxi ta ïkan ra saa xiꞌin un.

San Marcos 8:7

Saa ndíso tu nda uvi ndaa tiaka vali va, ta ta̱xi nda ri ndaꞌa Jesús, ta ta̱xi tu ra tixaꞌvi ndaꞌa Ndioxi xaꞌa ri ikán va, ta saa ta̱xi tu ra ri ikán va ndaꞌa nda ítaꞌan xiꞌin ra ndi̱taꞌvi nda ri xiꞌin na.

San Lucas 6:40

Ni iin ra síkuaꞌa ta küvi ndikunuu ra nuu maestro ra, saa chi ra sikan síkuaꞌa ku ra, nda ná xinu ra sikuaꞌa ra, ta saa xinu ra koo ra tá káa maestro ra.

San Lucas 6:42

Käꞌan ndo xiꞌin ñani ndo: “Kundatun naꞌa un ná tava i xeꞌe ndíkaa nuu un”, kachi ndo. Saa chi chee ni ka itun viga ndíkaa nuu mií ndo. ¡Ndóꞌo̱ uvi yuꞌu ku ndóꞌo̱! Xiꞌna tava ndo itun ndíkaa nuu mií ndo, ta saa kuchiñu ndo tava ndo xeꞌe loꞌo ya ndíkaa nuu ñani ndo ―káchi Jesús xiꞌin na.

San Juan 8:7

Ta ndíkundee nda ndákan tuꞌun ñaꞌa nda, saa ndi̱kundichi ra ta ndi̱kaꞌan ra xiꞌin nda, káchi ra saa: ―Unku ndóꞌo̱ köo nda iin kuachi kúu mií, ta vaꞌa xiꞌna ndóꞌo̱ kiꞌin yu̱ú kakin ndo sata yá ―káchi ra xiꞌin nda.

ROMANOS 2:1

Ta ndóꞌo̱, ta ni köo ya taa nuu ndo, xaꞌa ya káꞌan ndo xaꞌa inka naꞌa, na íkan saa. Chi tá káꞌan ndo xaꞌa na ta chíkaa ndo kuachi sata mií ndo, saa chi saa íkan tu mií va ndo.

Santiago 1:24

Chi tá xíto ndaa na nuu yu̱ú tátan, saa kéta na kuaꞌan na, ta kama ni va ndíndoso ini na ndá kuꞌva káa nuu na.