San Lucas 5:8 - Xochapa Mixteco

⁸ Ta saa tá xi̱ni ra Simón Pedro ya ndo̱ꞌo nda, ñaa ndi̱xaa ra si̱kusiti ra nuu Jesús, káchi ra saa: ―Tata, yóꞌo̱ ta ra vaꞌa ku un, ra i̱í ku un, yakan vaꞌa ka kuataꞌa nuu i chi küvi kitaꞌan i xiꞌin un chi süvi ra vaꞌa ku i, ra íyo kuachi ku i ―káchi ra xiꞌin Jesús.

San Lucas 5:8 Iomraidhean Croise

San Mateo 17:6

Tá xi̱ni soꞌo nda ítaꞌan xiꞌin Jesús tuꞌun ikán, ñaa si̱kusiti nda nda nuu ñuꞌú, ta íꞌvi ka vi nda.

San Mateo 2:11

Tá ndi̱kiꞌvi nda ini veꞌe, saa xi̱ni nda íyo yá María, xiꞌin ra loꞌo seꞌe yá, saa si̱kusiti nda xáa kaꞌnu nda ra loꞌo ikán. Saa xu̱na nda xatun vali ndíso nda, ta ta̱va nda kàà oro xiꞌin xuxa ya yaꞌvi ni ta tami ni xaꞌan ya, xiꞌin nduta tami xaꞌan, rá náni mirra. Ndiꞌi ya yóꞌó si̱niꞌi nda nuu ra loꞌo ikán.

San Mateo 8:8

Saa ndi̱kuiin ra ndíso chiñu nuu nda lapa, káchi ra saa: ―Tata, ra ndee ni nuu i kúu un, yakan ni köo kúu mií i ichí kiꞌvi un veꞌe i. Takua iin tuꞌun loꞌo kaꞌan un ta nduvaꞌa va moso i.

San Lucas 5:7

Ta saa i̱kan nda seña nuu nda taꞌan nda, nda ñúꞌu ini inka barco, ya ná kuꞌun nda chindee ñaꞌa nda. Saa ndi̱xaa nda ta̱va nda ya. Si̱kutu ndaa nda uvi saa tun barco xiꞌin ri, siloꞌo ndikava nu ini tikuii chi ku̱u vee nu xiꞌin ri.

San Lucas 5:9

Xaꞌa ya kuaꞌa ni tiaka ti̱in nda yakan ndi̱ndiꞌvi ni ra, saa ndo̱ꞌo ndiꞌi tu nda ítaꞌan xiꞌin va ra, ndi̱ndiꞌvi ni nda xíto nda chu̱tu ndaa tun barco nda xiꞌin tiaka.

San Juan 11:32

Saa ndi̱xaa yá María nuu íin Jesús, tá xi̱ni yá ra, ta si̱kusiti yá nuu ra, káꞌan yá xiꞌin ra, káchi yá saa: ―Tata, tá tu ndíxiyo un yóꞌó ta küvi kuꞌva i ndíkuu ―káchi yá xiꞌin ra.

1 Corintios 13:12

Kuꞌva saa íyo ya ndóꞌo yo vitin, tá ndóꞌo naꞌa, na xíto nuu yu̱ú tatan, ya kuaꞌan kúxana nuu va, saa íyo ya ndóꞌo yo. Sundi vaxi kivi ta saa kua kundaa teꞌe ini yo xaꞌa ndiꞌi ya, chi saa kua kuni xiꞌin nuu yo Ndioxi. Loꞌo ni va kúndaa ini yo xaꞌa ra vitin, ta vaxi kivi saa kua kundaa teꞌe ini yo xaꞌa ndiꞌi kúu ñaꞌa. Ta saa kua kuni vaꞌa yo Ndioxi tá kuꞌva káa ra, tá kuꞌva xíni ra yoo.

El Apocalipsis 1:17

Tá xi̱ni i ra, ta ndakua kuaꞌan nima i, iin saa ndi̱kava i kuaꞌan i xaꞌa ra. Tá káa ra ndi̱xiꞌi saa ndu̱u i. Ñaa chi̱nuu ndaꞌa ra sata i, ta ndi̱kaꞌan ra xiꞌin i, káchi ra saa: ―Ku ïꞌvi un, saa chi yeꞌe, ta táku i nda kivi núnu̱ú, iin saa kutaku i nda kivi sindiꞌi.