San Lucas 5:5 - Xochapa Mixteco

⁵ Saa ndi̱kuiin ra, káchi ra saa: ―Tata Maestro, iniun ñǔu xa̱a chiñu nde, ta nda iin ri köo ndi̱tiin nde. Ta vaꞌa chikaa tuku va nde ya saa chi yóꞌo̱ káꞌan ―káchi ra.

San Lucas 5:5 Iomraidhean Croise

San Lucas 17:13

Iin ndáꞌi koꞌo nda nuu ra káꞌan nda xiꞌin ra, káchi nda saa: ―¡Tata Maestro, kundaꞌvi ini un kuni un ndeꞌe, ndaꞌvi nde! ―káchi nda.

San Lucas 8:24

Ta saa si̱ndikoo nda Jesús, ndi̱kaꞌan nda xiꞌin ra, káchi nda saa: ―¡Tata Maestro, Tata Maestro! ¡Ndikaxin ini un koto ka kuvi yo! ―káchi nda xiꞌin ra. Saa ndi̱koo Jesús ndi̱kaꞌan ra xiꞌin tachi tin nduta tikuii. Ñaa si̱yaa tachi tin si̱yaa tu tikuii va. Iin yayaa ku̱u.

San Lucas 8:45

Ta ndi̱kaꞌan Jesús, káchi ra saa: ―¿Unku na ti̱in ndaa yeꞌe ra? ―káchi ra. Ta ndi̱kuiin ndiꞌi na káꞌan na: ―Süvi yeꞌe ndi̱tiin ndaa yóꞌo̱ ―káchi ndiꞌi nda. Saa ndi̱kaꞌan ra Pedro xiꞌin nda ítaꞌan xiꞌin ra, káchi nda saa: ―Tata Maestro, köo naꞌa ndi̱tiin ndaa yóꞌo̱, chútu ndaa naꞌa, ta ndiꞌi kúu ñaꞌñu chíndaꞌa ndaa na yóꞌo̱ ―káchi nda xiꞌin ra.

San Lucas 9:33

Ñaa nda̱ñuꞌu nda ikán kuaꞌan nda, ta saa ndi̱kaꞌan ra Pedro xiꞌin Jesús, káchi ra saa: ―Tata Maestro, vaꞌa ni ku̱u ndóo nde xiꞌin un. Ta sikuaꞌa nde uni veꞌe vixin vali, iin ya koo yóꞌo̱, ta iin ya koo ra Moisés, inka ya koo ra Elías ―káchi ra Pedro xiꞌin ra. Ta köo ndi̱kundaa ini ra ndá xaꞌa kua ndi̱kaꞌan ra saa xiꞌin Jesús.

San Lucas 9:49

Saa ndi̱kaꞌan ra Juan xiꞌin Jesús, káchi ra saa: ―Tata Maestro, xi̱ni nde iin ra táva ra tachi nduvaꞌa, ta kivi un ku ya xíniñuꞌu ra káꞌan ra xiꞌin tachi nduvaꞌa ikán. Ta ndeꞌe ndi̱kaꞌan nde xiꞌin ra ya ná ïkan ka ra saa, chi süvi xiꞌin nde ítaꞌan ra ―káchi ra xiꞌin Jesús.

San Juan 15:14

Ta ndóꞌo̱ ku ndo ítaꞌan vaꞌa ni xiꞌin i tá tu xáa súvi ndo ya káꞌan i xiꞌin ndo.

San Juan 2:5

Saa ndi̱kaꞌan siꞌí ra xiꞌin na xíka ndítaꞌvi koꞌo nuu mesa ikán, káchi yá saa: ―Xaa súvi ndiꞌi ndo ya káꞌan ra xiꞌin ndo ―káchi yá xiꞌin na.

San Juan 21:3

Saa ndi̱kaꞌan ra Simón Pedro xiꞌin nda, káchi ra saa: ―Kuꞌun i tiin i tiaka ―káchi ra xiꞌin nda. Saa ndi̱kaꞌan nda xiꞌin ra, káchi nda saa: ―Saa tu ndeꞌe va, kuꞌun nde xiꞌin un ―káchi nda. Saa ke̱e nda kuaꞌan nda, nda̱a nda iin barco kuaꞌan nda. Ta nda iin tiaka köo ndi̱tiin nda ñǔu ikán.