San Lucas 5:34 - Xochapa Mixteco

³⁴ Saa ndi̱kuiin Jesús, káchi ra saa: ―Tá káa iin taa ra tíndaꞌa, saa káa i, chi tá íyo viko tíndaꞌa ta nda iin na köo xíxi suꞌun. Ta saa yeꞌe, kivi íyo i xiꞌin nda ítaꞌan xiꞌin i ta tá káa viko tíndaꞌa saa káa ya.

San Lucas 5:34 Iomraidhean Croise

San Mateo 22:2

―Tá kuꞌva xáa chiñu Ndioxi saa íkan iin ra rey ra íkan viko nuu sítindaꞌa ra seꞌe ra.

San Mateo 9:15

Saa ndi̱kuiin Jesús, káchi ra saa: ―Tá íyo iin viko tíndaꞌa, ta kúsini ni mií na migo mií ra tíndaꞌa ikán, köo naꞌa kúsuchi ini, chi viko kua. Sundi vaxi kivi tá ná ndikiꞌin na ra tíndaꞌa ikán kuꞌun ra xiꞌin na, saa kua kuxi suꞌun na.

San Lucas 5:33

Ta saa ndi̱kaꞌan sava nda ikán xiꞌin Jesús, káchi nda saa: ―Nda ítaꞌan xiꞌin ra Juan xiꞌin nda ítaꞌan xiꞌin nda fariseo ta xíxi suꞌun ni nda saa káꞌan nda xiꞌin Ndioxi. Ta nda ítaꞌan xiꞌin yóꞌo̱ ta ndiꞌi saa ichí xíxi ni nda saa xíꞌi nda, ¿ndachu köo xíxi suꞌun nda? ―káchi nda ikán xiꞌin Jesús.

San Lucas 5:35

Sundi vaxi kivi ta tiin naꞌa yeꞌe kuꞌun i xiꞌin na. Ta saa kua kuxi suꞌun nda ítaꞌan xiꞌin i ―káchi Jesús.

San Juan 3:29

Ta vitin ná kundaa ini ndo chi tá kúu nuu íyo viko tíndaꞌa, ta ra íin xiꞌin ñaꞌa yá tíndaꞌa ikán kuu ií yá, sundi ra íyo yati xiín ií yá, tá xíni soꞌo ra ya káꞌan ra ta kúsini ni ra tá xíni soꞌo ra tachi ra. Ta saa ndóꞌo yeꞌe, kúsini ni i chi xa xa̱a ra vitin.

2 Corintios 11:2

Chi yeꞌe, ta ndee ni ndíꞌi ini i xaꞌa ndo, tá kuꞌva ndíꞌi ini Ndioxi xíni ra ndóꞌo̱, saa ndíꞌi ni ini i xíni i ndóꞌo̱. Chi ki̱ndoo i taxi i ndóꞌo̱ ndaꞌa ra, tá kuꞌva íkan taa, táxi ra seꞌe síꞌi ra tíndaꞌa yá xiꞌin iin taa. Ta kuꞌva saa íyo yeꞌe nditaxi i ndóꞌo̱ ndaꞌa Jesucristo tindaꞌa ndo xiꞌin ra. Tá kuꞌva íin ná kuâán taki vali ná täꞌan tindaa nda iin taa, kuꞌva saa kúni i koo ndo nditaxi i ndóꞌo̱ ndaꞌa Jesucristo.