San Lucas 5:12 - Xochapa Mixteco

¹² Iin kivi íin Jesús iin ñuu, ta saa xa̱a iin ra taa nuu ra, ta ndee ni ndóꞌo ra ikán xiꞌin kueꞌe táꞌi, ya náni lepra. Tá xi̱ni ra Jesús ta ndi̱kuita ndee ra nuu Jesús nda nuu ñuꞌú, xáku ndaꞌvi ra nuu ra, káchi ra saa: ―Tata, xíni i kuchiñu un sindaꞌa un yeꞌe, ta köo xíni i án kúni un ikan un ya vaꞌa xiꞌin i ―káchi ra.

San Lucas 5:12 Iomraidhean Croise

San Mateo 26:6

Saa íyo Jesús ñuu Betania veꞌe ra Simón, ra ndo̱ꞌo kueꞌe taꞌi náni lepra.

San Mateo 9:28

Saa tá ndi̱kiꞌvi Jesús ini veꞌe ta ndi̱xaa uvi saa nda kuáa̱ nuu ra, saa ndi̱kaꞌan ra xiꞌin nda, káchi ra saa: ―¿Án kándixa ndo yeꞌe kuchiñu i sindaꞌa i ndóꞌo̱? ―Uun, kándixa va nde yóꞌo̱, Tata ―káchi uvi saa nda xiꞌin ra.

San Marcos 5:23

Saa xa̱á ra xáku ndaꞌvi ra nuu ra, káchi ra saa: ―Tata, vaxi i nuu un kuꞌun loꞌo un xiꞌin i veꞌe i, saa chi ndee ni ndee ndóꞌo seꞌe i xa xíꞌi va yá, yakan xíkan ni i ya mani nuu un, kuꞌun loꞌo un xiꞌin i, chinuu ndaꞌa un sata seꞌe i ta nduvaꞌa yá ―káchi ra.

San Lucas 17:16

Ñaa si̱kusiti ra nuu Jesús. Nda nuu ñuꞌú ndi̱kuita ndee ra táxi ra tixaꞌvi ndaꞌa ra. Ta ni süvi ra Israel ku ra, ra ñuu Samaria ku ra.

San Lucas 5:13

Ta saa chi̱nuu ndaꞌa Jesús xiní ra, ndi̱kaꞌan ra xiꞌin ra, káchi ra saa: ―Kúni i sindaꞌa i yóꞌo̱, ná nduvaꞌa un ―káchi ra xiꞌin ra. Ta saa ndikun ki̱ndaa kueꞌe táꞌi ñií xiꞌin ra.

HEBREOS 7:25

Xaꞌa ya ikán kua vaꞌa síkaku ra yoo, yo kúyati nuu Ndioxi xaꞌa mií ra. Ta ndiꞌi saa ichí kutaku yo xiꞌin ra, saa chi ndiꞌi saa ichí táku mií ra, yakan vaꞌa káꞌan ra xaꞌa yo xiꞌin Ndioxi.